Yakobo 3:18 - Katɔti Ɔku Kedee

¹⁸ Na bekyuli bani mɔɔklibi bekyuli ntɛ ni, kɔsia kɔdubɔlɛ bɔsiku unwi bɔbla ogya ɔni na baakya bekyuli kemmo, aani kalɛ na beedé edula buni na ebi ani na báva kemmo.

Yakobo 3:18 ပူးပေါင်းရင်းမြစ်များ

Kɔgya 92:14

Na ina ábi lɛlɔ muedi adubo butaanwu, ɔsika ebo ntu na eedie evete wɔwɔɔwɔ.

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Agba 11:28

Si éti anu ásia ƒula egulabi lɛlɔ ni, adubo bɔyii udu! Nsu bekyuli babuni badubɔlɛ lili aani ketudi evete wɔwɔɔwɔ.

Agba 11:30

Bekyuli babuni bese aani egyii ani mɔɔnwu ebi buni ani baadi teelie ngba. Na bani muudie bekyuli na ɔgbankpi kemmo ni, báda anu.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Amos 6:12

Nka ɔpɔnkɔ ulakɛ taaƒulu na atakpɛ lɛlɔ, na ɔmantɛ bakɔ balada bana anwami bonwu bonwu ammɔ teegulu ɛpu anumi. Nsu amii bɛ́tu litemi geen lɛmmɔ lɛlɔ bɔdi bínwini ugyulo ukpidi, na bíti lɛbuni bɔbla bínwini likpila.

Mateo 5:9

Lɛlɔ litaayɔ bekyuli bani mɔɔklibi bekyuli ntɛ. Katɔti ɔdubɔlɔ-ma ɔnii nwuna bebi geen.

Yohane 4:36

Katɔti ɔɔƒɔ edula ɔƒɛne biala kayu kabuni na edula ani na ɔdaku bɔsala teewi linwu lɛni nnye Katɔti kudɔ kemmo ute ngba bɔni nsɔ naaadubo bɔsa kudii ɔsu. Na ɔmɛni ɔsu ni, edula ɔkyane ku edula ɔƒɛne ƒui badubɔkɛ ebiti geen.

Galatiƒuɔ 6:8

Si aavá ala ani mɔɔda ɔlɔna ɔkwɛ ebi ni, kukpi na adubɔkɛ. Nsu si aavá ala ani mɔɔda Kɔyu ɔkwɛ ebi ni, ngba bɔni nsɔ naaadubo bɔsa kudii na adubɔkɛ.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Hebriƒuɔ 12:11

Kɔtu bɔni biala buláyu ukyuli emini na uwi ɔmmɔ kemmo. Mmomu bɔɔyu ɔlɛ. Nsu ɔmmɔ kama ni, bani na báni-ma kɔtu lɛni ni, baabla ala abuni na ulu siin lɛlɔ, na baakɛ́ keyi buɛɛ.

Yakobo 1:20

Ɔsika ukyuli kɔnyi kulábla ala abuni ani na Katɔti ɔɔwia taasiku-nwu kudɔ.