Yakobo 3:14 - Katɔti Ɔku Kedee

¹⁴ Nsu si ebo lɛnungyie na ƒula kayi kemmo ku enyekpi na aawia awɔ lɛti lɛkɛ ni, takun lɛmɛnɛ ka áda anu. Ɔsika aanyi ɔkɔ, na alásu litemi geen lɛmmɔ.

Yakobo 3:14 ပူးပေါင်းရင်းမြစ်များ

Ala Kalɔ Buse 37:11

Ɔmmɔ ɔsu nwuna lɛlɔ líbo liigyie nwuna banwani anumi, nsu ɔti úti litemi lɛmɛni ɔ́kya kasusu kemmo.

Ala Kalɔ Buse 38:9

Ɔƒɛni ni, Onan ɔgyi ka si anwu ku ɔnwani ulekudi ɔmmɔ báwɔ ni, bebi bammɔ baaadi anwu ɔlati badi. Ɔmmɔ ɔsu si baatɛ na lɛlɔ ntu bɔdubo-nwu ni, na ɔ́ta uleku ɔmmɔ lɛlɔ na ntu bɔmmɔ buwi kalɔ kalɛ na uleku ɔmmɔ ulada kaƒɔ na ɔwɔ ute ɔnwani.

Baga 2 10:16

Na Yehu ɔ́su-nwu ɔnini, “Siaku-mi na awɔ ɔlati anu ku ƒula anumi kalɛ na mbo kogyoklo nte Unwoti kabla.” Amu na bana inyɔ ƒui bélie ɔpɔnkɔ kɛɛkɛ ɔmmɔ bésie Samaria.

Baga 2 10:31

Nsu Yehu úteti nwuna kayi ƒui útasia Unwoti ɔni ndi Israelƒuɔ ɔti ɔda bubo lɛlɔ. Mmomu ɔ́siaku Yerobeam ɔbladu kama na ɔ́kpanku Israelƒuɔ útákya likpidi kemmo.

Hiob 5:2

Lɛnungyie ku kogyulo kɔnyi buti bɔɔdú ukyuli.

Agba 14:30

Si áda kayi áva kalɔ buɛɛ ni, ngba buune-ɔ. Nsu kogyulo lɛnungyie lɛɛdú ukyuli.

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Yesaia 11:13

Eƒraim ɔsɔ ulékpo kogyulo, na bekisine Yudaƒuɔ bukpoku kenye kadubo buklo. Na Yuda kadi bekyuli lɛnɔ basɔ belékpoku Eƒraim.

Habakuk 1:3

Bi ɔsu na áya na nnye mɔɔnu alaekpidi bonwu amɛni ku kalɛ na bekyuli balátɛ etemila ulu siin lɛlɔ ɔmɛni udu? Na éte kuƒi na bekyuli baata teenye-ɔ lɛlɔ na baládi ƒula ɔda bubo lɛlɔ lɛnɔ. Na ekpidi bonwu bonwu bɔbla ku kalala káƒɔ kesi kesii lɛni?

Mateo 27:18

Ɔ́bla lɛni ɔsika ɔgyi ka lɛnungyie ɔsu na Yudaƒuɔ benengu bammɔ bédie-nwu béte.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Batalane Kabla 13:45

Na uwi ɔni na Yudaƒuɔ benengu bánu bekyuli lisu lɛni nébo kasalakɔ mmɔ ni, anumi égyie-ma, na bákyaku Paulo unyeƒi na bédumi-nwu.

Batalane Kabla 26:9

“Líti lɛ́sia lɛlɔ nnii ntaabla Yesu ɔni ndi Nasareni basiakune kalala.

Batalane Kabla 5:17

Amu na Yudaƒuɔ ɔkpane unengudi ku nwuna lɛlɔ bekyuli bani nási lɛkpa lɛni baalɔ banii Sadukiƒuɔ kemmo ni, bése kalɔ beekpóku batalane bammɔ kogyulo.

Batalane Kabla 7:9

“Yakob bebi bamɛni anumi égyie na bana ɔnwani Yoseƒ lɛlɔ. Na béƒie-nwu béye béte bekyuli bani néti-nwu bésienku Egyipte kalɔ lɛlɔ. Nsu ni, Katɔti ɔ́siaku-nwu,

Romaƒuɔ 1:29

Na likyulikpi ala bɔbla bɔ́ƒɔ-ma lɛlɔ kemmo ƒui. Na anya ndi alaekpidi bɔbla ku ɔdivo ku kalala. Na lɛnungyie na bekyuli bamba ala lɛlɔ ku ukyuli bɔdu ku kekpo ku ɔkɔ bɔnyi ku lɛlɔ bule ati ati bɔ́ƒɔ-ma lɛlɔ kemmo. Na beeti lɛlɔ kasusu kekpidi. Na beekeyi atɛ.

Romaƒuɔ 13:13

Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.

Romaƒuɔ 2:17

Na amii bani mɔɔsu bɛnii bɛdi Yudaƒuɔ ni, bíti lɛlɔ bíkpo Mose ɔda bubo lɛlɔ, na bɛɛkun lɛmɛnɛ ka bibo kɔna ku Katɔti.

Romaƒuɔ 2:8

Nsu bekyuli bani mɔɔwia ama lɛti lɛkɛ na beení litemi geen lɛmmɔ na basiaku alaekpidi bɔbla kama ni, Katɔti ɔdubo kɔnyi bɔkɛ na bana lɛlɔ na ɔni-ma kɔtu geen.

Korintoƒuɔ 1 13:4

Bɔyɔ bɔɔkɛ́ kayi na bɔɔbla kaƒɔ buni. Buuubo lɛnungyie na bulákun lɛmɛnɛ iye bɔtalaku lɛlɔ katɔ.

Korintoƒuɔ 1 3:3

Ɔsika bɛmu bilie ngba aani bekyuli bani néti bana kasusu básia kayawi kamɛni lɛlɔ ala lɛti pɛ lɛlɔ. Na si lɛnungyie lɛkya-mii akɔ na bɛɛdɔ ni, ɔmmɔ lɛti muedi ɔɔtina ka kayawi kamɛni lɛlɔ ala na bilie bite.

Korintoƒuɔ 1 5:2

Na bi ɔsu na bɛɛtina lɛlɔ? Ɔlɛka biteewulo kɔnyana mmomu. Na ukyuli ɔni nábla lɛla lɛmɛni udu ni, ɔdi ka bɛda-nwu bidie bina baƒɔtaadine akɔ.

Korintoƒuɔ 1 5:6

Útalɛka bitaatina lɛlɔ. Bɛɛɛgyi bɛnii bɔnyii blii mɔɔsálaku ɔlaaƒɔ ɔni na bánwu na ɔɔyá na ɔna ƒui uuƒu?

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Galatiƒuɔ 5:15

Nsu si bɛɛtu lɛlɔ akpɛlɛ ka bibile lɛlɔ ni, na bɛti ka lɛkpa lɛmmɔ lɛdubo udu bɔyii ƒui.

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Galatiƒuɔ 5:21

ku lɛnungyie ku ntɛ bukpi ku adikpi emeyi bɔdi ku ana udu. Na muubó-mii ɔda na ana lɛlɔ aani kalɛ na lɛ́ɛsu-mii ḿbavi ka bekyuli bani mɔɔbla ala ammɔ udu ni, baladi Katɔ Ɔga Ɔma ala!

Galatiƒuɔ 5:26

Na bitaya na bɔtalaku lɛlɔ katɔ iye butaakya lɛlɔ kɔnyi iye buteekpoku lɛlɔ kogyulo.

Galatiƒuɔ 6:13

Bani muedi nékulo ago mmɔ ni, baládi ɔda bubo bɔmmɔ lɛlɔ. Nsu baayɔ́ ka amii lɛnɔ bikulo ago na bataakun lɛmɛnɛ na bina ɔlɔna bukulo bɔmmɔ lɛlɔ.

Ƒilipiƒuɔ 1:15

Na ɔdi sɔsɔ ka badi baasu Kristo litemi lɛmmɔ ɔsika beekpó kogyulo na baawia lɛnyi ɔsu. Nsu badi ama baasu-ni taasiku kasusu kabuni kemmo.

Ƒilipiƒuɔ 2:3

Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.

Timoteo 1 2:4

Ɔsika ɔɔwia ka ukyuli biala ɔnu nwuna litemi geen lɛmmɔ ɔti kalɛ na ɔƒɔ-nwu ngba.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Yakobo 3:16

Na kasalakɔ kani na lɛnungyie ku ukyuli unwi lɛkɛ kani nkya mmɔ ni, bekyuli bammɔ beeƒú na alaekpidi lidu lidu mɔɔkya-ma akɔ.

Yakobo 5:19

Mina banwa, si bina akɔ ɔdi údeyi bɔƒɔtaadi ulu geen ɔmmɔ lɛlɔ na ɔkpanadi ɔ́sɔku-nwu úboku ni, ɔ́ya na ukyuli ukpidi ɔmmɔ kɔyu kɔ́lɛ kukpi kemmo. Na Katɔti ɔdubuti ekpidi pii ɔkyiɛ-nwu.