Yakobo 3:13 - Katɔti Ɔku Kedee

¹³ Si ukyuli ɔdi ɔɔnu lɛlɔ aani ɔnundane na bina akɔ ni, ɔlɛka uboku lɛlɔ kalɔ na ɔbla ala buni uti ɔtina ka ɔ́da anu.

Yakobo 3:13 ပူးပေါင်းရင်းမြစ်များ

Hiob 28:28

Na ɔ́su ukyuli ɔyawine ɔnini, ‘Awɔ ɔni mɔɔyia Katɔti na aabu-nwu ni, aadá anu. Na awɔ ɔni muukeli likpidi ni, aakɛ́ ala kalɔ bunu.’ ”

Kɔgya 107:43

Ukyuli biala na ɔ́da anu ni, use atu na unu etemila amɛni. Na ɔnu ɔti kalɛ na Unwoti ɔɔyɔ́ bekyuli uwi biala.

Kɔgya 122:8

Na nnye mina bakpana ku banwa ƒui kenye muuvele nnii, “Keyi buɛɛ kaƒɔ Yerusalem.”

Kɔgya 149:4

Ɔsika lɛlɔ lɛɛyɔ́ Unwoti Katɔti na nwuna bekyuli lɛlɔ. Na ɔdubɔya na bani nse buɛɛ ƒui balɛ lili, ɔsika ɔdubɔƒɔ-ma.

Kɔgya 25:9

Na ɔɔtɔnku bekyuli bani muuboku lɛlɔ kalɔ taasiaku ulu geen ɔmmɔ lɛlɔ na ɔɔtina-ma kalɛ na babla nwuna lɛƒɔyɔ.

Kɔgya 45:4

Tu akpagya na esie asɔ lɛlɔ ɔdine kalɛ. Gyumana litemi geen lɛmmɔ ku bekyuli bani muuboku lɛlɔ kalɔ. Na bekyuli bataabla ala ulu lɛlɔ. Ti ƒula kɔdianu na abla ala enengudi na bani lɛlɔ na ádi anumi.

Etemila 8:1

Ɔma mbo lɛlati lɛni na ɔkana lɛla biala kalɔ budie? Lɛnunda lɛɛbla ukyuli anumi nwaa na anumi aaƒɛnimi-nwu.

Etemila 8:5

Si aabu ɔga ni, eleduo ɔgbankpi kemmo. Anwuɔsu sia anu na ati lɛla lɛni na abla ku uwi ɔni na abla-ni.

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Yesaia 60:6

Na bina kalɔ ƒui kadubuyi ku kɛɛkɛ lɛni na bebuo ala betine bani bási Midia ku Eƒa ku ala abuni pii bebeyile ɔma ɔmmɔ. Na Seeba kadi bekyuli badubɔsiku bana sika ugyiedi ku oloƒui beboku na adubunu ka beemwi Unwoti lɛnyi.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yeremia 9:12

Lɛ́su Unwoti nnini, “Bula ɔdi ulénu kalɔ lɛla lɛni ɔsu na kalɔ kammɔ kénwini kesii kani na ukyuli ɔdi ɔsɔ ulásia taavi lɛnɔ. Ɔdubɔkana na edie kalɔ ete-bu?”

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Mateo 21:5

“Bɛsu Sion bekyuli bɛnii, ‘Bɛnu! Bina ɔga ɔdubo-mii kudɔ. Úboku lɛlɔ kalɔ na ulie ebuo ala utine ubi lɛlɔ ɔdubo.’ ”

Mateo 5:5

Lɛlɔ litaayɔ bekyuli bani muuboku lɛlɔ kalɔ. Ama badubɔdi kayawi lɛlɔ ala aani kalɛ na Katɔti ɔ́su úse.

Mateo 7:24

“Anwuɔsu ni, ukyuli ɔni muunú mina etemila amɛni na ɔɔdi-nya lɛlɔ ni, ɔdi ɔnundane. Use aani ukyuli ɔni nátu nwuna ɔtɔ na lɛtakpɛ lɛlɔ.

Korintoƒuɔ 1 6:5

Mɔɔsu-mii ɔmɛni na kɔƒa kukpo-mii. Ukyuli unwi pɛ ɔdi anwu ɔkya bina akɔ ɔni ndubɔkana na ɔklibi etemila amɛni na baƒɔtaadine ntɛ.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 8:24

Bɛyɔ-ma kalɛ na baƒɔtaadine bakladi ƒui banu bati ka sɔsɔ ni, ɔdi ulu lɛlɔ ka bɔɔkun lɛmɛnɛ na amii ɔsu.

Galatiƒuɔ 5:23

ku lɛlɔ buwi buɛɛ ku lɛlɔ bɔti bɔda. Na ɔda bubo bɔdi bulétile ala amɛni kuƒi.

Galatiƒuɔ 6:1

Banwa, si ɔdi ɔ́bla likpidi lɛdi ni, amii bani na Katɔti Kɔyu kɔ́ƒɔ-mii lɛlɔ kemmo ni, binwini-nwu buɛɛ na ɔda likpidi lɛmmɔ bɔbla ɔya. Nsu bɛnu kaduɛ kalɛ na bina akɔ ɔdi uleduo ɔgbankpi ɔmmɔ udu kemmo.

Galatiƒuɔ 6:4

Ukyuli biala ɔkɔku nwuna lɛlɔ udu ɔnu. Na si ɔ́nu ɔ́ti ka ɔdia ni, na ɔkana na ɔkun lɛmɛnɛ na nwuna ablala lɛlɔ. Na ɔɔɔdi ɔni na uti lɛlɔ ɔkɔku ukyuli bamba.

Eƒesoƒuɔ 4:2

Biteeboku lɛlɔ kalɔ uwi biala kemmo na bɛda lɛlɔ buɛɛ na bɛyala lɛkɔ na biteebunku lɛlɔ biti bɛtina ka bɛɛyɔ́ lɛlɔ sɔsɔ.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Timoteo 1 4:12

Taya na ukyuli ɔdi ɔnu-ɔ ɔnii ásɔ ka adi ɔnamu ɔsu. Mmomu ni, nwini asogya te baƒɔtaadine bammɔ ƒui na ƒula kɔtɛ ku udu ku ƒula bekyuli bɔyɔ ku bɔƒɔtaadi kemmo ku ƒula kedee bulie lɛnɔ kemmo.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Tito 3:2

Na asu-ma anii batalɔ ukyuli ɔdi lɛnyikpi. Mmomu badi kɔnwa na belie ku keyi buɛɛ. Na bataabu bekyuli na ulu biala lɛlɔ.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yakobo 1:21

Anwuɔsu bɛda lɛlɔ bidie ala ani naaadia bɔnu ku ekpidi udu biala kudɔ. Na biboku lɛlɔ kalɔ bite Katɔti. Na biƒie nwuna litemi buni lɛni na úti ɔ́kya bina kayi kemmo bɛda. Ani ndubɔya na bɛkɛ bɔƒɔ.

Yakobo 2:18

Nsu ɔdi ɔdubɔsu ɔnii, “Ukyuli ɔdi ɔ́ƒɔ ɔ́di, na ɔbambadi lɛnɔ ɔɔbla kabla.” Ami mɔɔsu ukyuli ɔmmɔ nnini, “Udie ɔtina-mi kalɛ na ukyuli ɔdi ɔɔƒɔ́ taadi na ulábla kabla. Na ami ndubɔtina-nwu kalɛ na lɛ́ƒɔ lɛ́di na mina kabla kani na mɔɔbla kemmo.”

Yakobo 3:1

Banwa, bina pii bitenwini litemi buni ala batinane. Bɛgyi ka abu bani mɔɔtina ala ni, Katɔti ɔdubɔtɛku-bu litemi utulo bakladi.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Petro 1 1:15

Na aani kalɛ na Katɔti ɔni nálɔ-mii use kedee ni, amii lɛnɔ bɛbla lɛlɔ kedee na bina ablala ƒui kemmo.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.