Yakobo 3:1 - Katɔti Ɔku Kedee

¹ Banwa, bina pii bitenwini litemi buni ala batinane. Bɛgyi ka abu bani mɔɔtina ala ni, Katɔti ɔdubɔtɛku-bu litemi utulo bakladi.

Yakobo 3:1 ပူးပေါင်းရင်းမြစ်များ

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Malakai 2:12

Muuvele nnii Unwoti ɔsɔ utaya na bekyuli bani na báƒiɔ ulu ɔmɛni lɛlɔ basɔ babla nwuna bekyuli akɔ badi lɛnɔ si ina baawia kpakplaa ka beti etela adi beboku-nwu.

Mateo 10:24

“Ɔtinane ɔ́ƒɔ lɛnyi útulo nwuna ɔtɛyane. Na ukyuli ɔni mɔɔdi ukyuli lɛlɔ lɛnɔ ni, útulo ukyuli ɔni lɛlɔ na ɔɔdi.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Mateo 23:14

Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biisié bekpinele kudɔ ka bitébunku-ma, nsu bɛɛtɔ́lɔ-ma taaƒɔ-ma ala. Na bɛɛkpali katɔ gyɔlɔɔ taabu-ma kɔdɔlɔ. Ɔmɛni ɔsu ni, bina kɔtu bɔni bɔdubɔkɔ katɔ bubu!

Mateo 9:11

Amu na Ƒarisiƒuɔ bani nánu ɔmɛni ni, béye nwuna batɛyane banii, “Bi ɔsu na bina ala ɔtinane ku bekyuli bamɛni udu baadi?”

Luka 16:2

Ɔmɛni ɔsu ɔlakɛne ɔmmɔ ɔ́lɔ nwuna ala lɛlɔ ɔnune ɔmɛni na ɔ́su-nwu ɔnini, ‘Bi ndi lɛla lɛni udu na línu lɛ́siku-ɔ lɛlɔ mɛni? Bu akunta na kalɛ na éti aanu mina ala lɛlɔ ƒui boku-mi, ɔsika asɔ alakana mina ala lɛlɔ bɔsɔ bɔnu lɛnɔ.’

Luka 6:37

“Bitababla bitatɛku bekyuli litemi, na Katɔti lɛnɔ ulatɛku-mii litemi. Bitadu bekyuli kɔtɔ, na Katɔti lɛnɔ uládu-mii kɔtɔ. Biti bɛkyiɛ bekyuli, na Katɔti lɛnɔ weti wakyiɛ-mii.

Yohane 3:10

Yesu ɔ́su-nwu ɔnini, “Adi bula kadi Israelƒuɔ ala ɔtinane kemmo ɔdi. Bi ɔsu na elenu ala amɛni kalɔ?

Batalane Kabla 13:1

Na Antiokia ni, Blɔti kenye bediene ku ala batinane badi bakya baƒɔtaadine lɛkpa lɛmmɔ kemmo. Na ama ndi Barnaba ku Simeon ɔni bátaalɔ Ukyuli Otondi ku Lukio ɔni nási Kirene ku Manaen ɔni ndi Ɔga Herode ɔvinkpana ɔ́si lɛnamu uwi ku Saulo.

Korintoƒuɔ 1 12:28

Na baƒɔtaadine lɛkpa kemmo ni, Katɔti úti bula ƒui úse ekpo ani námanku-bu. Udeedi ni, batalane. Na unyɔdi ni, kenye bediene. Na ɔtɛdi ni, ala batinane, asa na bani mɔɔbla akɔla budie taatina. Na bani mbo ɔyikun ɔni na babwi lɛlɛ iye bebunku bekyuli iye banu kabla lɛlɔ iye batɛmi adi lidu lidu lɛnɔ basia-ma kama.

Korintoƒuɔ 2 5:10

Ɔsika bula ƒui bɔdubɔda bɔlɛ Kristo anumi na ɔtɛku-bu litemi. Na ɔdi biala ɔdubɔƒɔ nwuna lɛyuƒɔla lɛni námanku nwuna kabla. Lɛbuni lɛdi o-o iye likpidi o-o, ɔdubɔƒɔ nwuna lɛyuƒɔla ɔkɛnku ngba bɔni na búlie na kayawi kamɛni kemmo.

Eƒesoƒuɔ 4:11

Anwu néti etela úte bekyuli na údie badi ka babla batalane, na badi lɛnɔ badi kenye bediene, na badi lɛnɔ badi lɛsa bakɔne, na badi lɛnɔ badi baƒɔtaadine lɛlɔ banune ku ala batinane.

Timoteo 1 1:7

Baawia ka benwini Mose ɔda bubo ala batinane. Nsu ni, belenu ama alati etemila muedi kalɔ. Baasu ala kpakplaa taasiku ɔda bubo bɔmmɔ lɛlɔ, nsu ama alati belenu-nya kalɔ.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Yakobo 1:16

Banwa bayɔne, bitaya na ukyuli ɔdi ɔtɔlɔ-mii.

Yakobo 1:19

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.

Yakobo 3:10

Kenye kamɛni na bɔda buumwi Katɔti, na bɔda buuwida bekyuli lɛnɔ. Banwa, útalɛka use lɛni.

Petro 1 5:3

Bitanya bekyuli bani lɛlɔ bɛɛnu bitamana, mmomu bɛbla bekyuli bani na banu-mii udu batɛya.