Yakobo 2:6 - Katɔti Ɔku Kedee

⁶ Nsu bilábu bawabane. Na balakɛne bamɛni mɔɔdi-mii lɛlɔ. Na beeti-mii teesienku litemi katɛkɔ.

Yakobo 2:6 ပူးပေါင်းရင်းမြစ်များ

Hiob 20:19

Ɔsika bawabane na bánya bákya bákɛ lɛkɛ lɛmmɔ, na béƒie lɛtɔ lɛni na ɔɔɔdi ama nátu-ni báƒɔ bekyuli bammɔ kudɔ.

Kɔgya 10:10

Na bekyuli bani béƒie mmɔ bese aani bebuo bani neeebo kekelikɔ kadi na ɔyikune ɔmmɔ aƒiɔ akɔ.

Kɔgya 10:14

Nsu geen geen ni, awɔ Katɔti aanu na agyi kɔnyana ku abi ani na ƒula bekyuli beebó. Na agyi kalɛ na eekpó teete-ma. Na ka ɔwabane uuubo lɛla lɛdi na ɔɔbla ɔsu ni, uuti lɛlɔ teete-ɔ. Na eebunku-nwu aani kalɛ na eebunku bekpinebi.

Kɔgya 10:2

Bekyuli bekpidi baatalaku lɛlɔ katɔ na beekpóku bawabane. Anwuɔsu ya na ama alati kɔkpagyuɛ kɔni bákywɛ kudie-ma.

Kɔgya 10:8

Ɔɔbɛ́ teebi akpaklɔ ulu lɛlɔ na ɔɔtú bekyuli bani naaadubo bɔkana na bekpo baƒɔ lɛlɔ na ɔdu-ma.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 14:6

Alaekpidi bablane bénye bétile bawabane lɛbuni lɛni na baayɔ́ ka babla. Nsu Unwoti ndi bana ɔgyumanane.

Agba 14:31

Bekyuli bani muukpóku bawabane ni, beedumi Unwoti. Nsu bani muubunku-ma ni, baabu Unwoti.

Agba 17:5

Bekyuli bani muudumi bawabane taama ni, bana Unwoti ɔni nédie-ma na beedumi. Na bani mɔɔmá bekyuli na bana ɔgbankpi kemmo ni, Unwoti ɔdubo-ma kɔtu bɔni.

Agba 18:23

Ɔwabane muuvele ka banu-nwu kɔnyana, na ɔlakɛne uudie kenye ku edumi.

Agba 22:16

Ukyuli ɔni na bawabane na ɔɔnya taakya asa na ɔɔkɛ́ taadi iye balakɛne na uute ala kalɛ na ɔkɛ lɛla lɛdi bana kudɔ ni, kɔwaba ndubo-ma buƒie.

Agba 22:7

Kalɛ na balakɛne baadi bawabane lɛlɔ ni, lɛni na bekyuli bani muuvó ala bekyuli kudɔ beenwíni kabla bablane teete-ma.

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 5:11

Na bɛɛnya bawabane taakya na bɛɛƒɔ́ eyi bonwu bonwu ku edula na bana kudɔ. Bɛ́tu lɛtɔ libendi bíte lɛlɔ, nsu bɛɛɛdubo-ni kemmo bulie. Na bíse adingyii mmo, nsu bɛɛɛdubo ntɛ bɔkɛ bɔsiku egyiibi ammɔ kemmo.

Habakuk 3:14

Bekisine bammɔ bébo aani ɔƒɛƒɛɛ kpakplaa ku kasusu ka begyingya-bu. Na lɛlɔ lɛɛyɔ́-ma ka badubo-bu bɔyila aani kalɛ na baada lɛla lɛdi teedie na ɔsa. Buse na buse búte-ma aani banyanane bani mɔɔbɛ́. Nsu ama alati bana ekpola kani na éti ábwɛ-ma eli.

Sakaria 7:10

Bɛsɔ bitabla bekpinele iye bekpinebi iye baƒɔ iye bawabane ulikplu. Na bɛsɔ bitelie bitataakya likpidi bɔbla kɔkwɛ na bina bakpana lɛlɔ ka bɛbla-ma kalala.

Yohane 8:49

Amu na Yesu údie kenye ɔnini, “Kɔyu kukpidi kɔdi kɔɔɔsiaku-mi. Ami mɔɔtalaku mina Ɔti lɛnyi katɔ, nsu amii biibile-mi lɛnyi.

Batalane Kabla 13:50

Amu na Yudaƒuɔ batɔnkune bénwini bekyuli badi kasusu na Paulo ku Barnaba lɛlɔ. Na beleku bani lɛlɔ mbo ɔbu ku ɔma benengu ƒui bétiku otogyi na báta békpoku-ma na bágya-ma bálɛku ɔma ɔmmɔ kemmo.

Batalane Kabla 17:6

Nsu ka bátanu-ma ɔsu ni, béƒie Yason ku baƒɔtaadine badi na báni-ma bésienku kasalakɔ. Mmɔ na baava taasu banini, “Bekyuli badi bakɛ baakya lɛsɛ likpo biala, na bébo mɛni lɛnɔ baakya lɛsɛ lɛmmɔ.

Batalane Kabla 18:12

Nsu uwi ɔni na bése Galio Roma aban lɛga na Akaia kalɔ lɛlɔ ni, Yudaƒuɔ badi bábla lɛkpa lɛdi na bánwi litemi bámana Paulo lɛlɔ na béƒie-nwu bésienku litemi katɛkɔ.

Batalane Kabla 8:3

Amu na Saulo úti ɔ́sia lɛlɔ na uukpóku baƒɔtaadine bammɔ na ɔkɛ kɔduli uuƒie banana ku beleku taavinku-ma taatákya ɔtɔ.

Korintoƒuɔ 1 11:22

Bubo na biiibo kɔduli kɔni kemmo na bilie bɛdi na bɛni? Munuu bɔyɔ na bɛɛyɔ́ ka biwi lɛkpa lɛmmɔ anumi kalɔ na bɛkya baƒɔtaadine bani mɔɔyaki ala kɔƒa. Bi na ɔlɛka lɛsu-mii? Bumwi na ɔlɛka limwi-mii na ɔmɛni ɔsu? Oowo!

Yakobo 2:3

Na bina akɔ ɔdi ɔ́su ɔlakɛne ɔmmɔ ɔnini, “Ƒula keliekɔ ndi kabuni kamɛni.” Na ɔ́su ɔwabane anwu ɔnini, “Táwia kesiadi lie, iye ténye ngye.”

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Yakobo 5:6

Bɛ́du bekyuli bani na bátaƒiɔ-mii kɔtɔ. Na bɛ́du-ma ina ka bátata bétenye-mii lɛlɔ.