Yakobo 2:5 - Katɔti Ɔku Kedee

⁵ Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Yakobo 2:5 ပူးပေါင်းရင်းမြစ်များ

Baga 1 22:28

Amu na Mikaia údie kenye ɔnini, “Si énwini ébeduo buɛɛ ni, na agyi anii Unwoti útatɛmi útasiaku-mi lɛlɔ.” Amu na ɔ́su bekyuli bammɔ ɔnini, “Bise mina litemi lɛni lɛ́su mmɔ likpo!”

Hiob 34:10

“Ɔmmɔ ɔsu, amii banwa bani mbo kasusu na biinú ala kalɔ ni, bise atu. Katɔti ulábla lɛla lɛdi na lɛdi likpidi!

Hiob 34:19

Na Katɔti nédie abu bekyuli ƒui. Ɔlakɛne na adi o-o, ɔwabane na adi o-o ni, ulánu bana ɔdi anumi taabla lɛla lɛdi.

Hiob 38:14

Kadi nwaa bukeye bɔɔyá na abi ƒui lɛlɔ aatina ku ala ani nkya-nya lɛlɔ.

Israelƒuɔ Bɔlɛ 20:6

Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Agba 13:7

Bawabane badi baabla lɛlɔ aani balakɛne. Na babambadi bani ndi balakɛne lɛnɔ baabla lɛlɔ aani bawabane.

Agba 7:24

Mina bebi, binu ala ani mɔɔsu-mii Na bise atu na ala ani mɔɔsu eduo-nya kemmo kaduɛ.

Agba 8:32

“Ɔmɛni ɔsu ni, mina bebi, binu-mi litemi, ɔsika lɛlɔ lɛdubɔyɔ bekyuli bani ƒui mɔɔsia-mi kasiakɔ.

Yesaia 14:32

Bi kenye na bɔdubudie bute bekisine bammɔ si banii bana batu badi bébeye lɛla lɛdi? Bɔdubɔsu-ma bɔnini, “Unwoti úse katamikukɔ úse Sion, na nwuna bekyuli bani ƒui na baanya taakya badubɔkɛ katamikukɔ.”

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Seƒania 3:12

Nsu bina akɔ bani muuboku lɛlɔ kalɔ buɛɛ na biibo-mi kudɔ bɛnii mbunku-mii ni, amii ɔsu naaayila-mii udu.

Sakaria 11:11

Na kalɛ na úbile bunyimi bɔmmɔ ni, bekyuli bani mɔɔdi baƒonu bamɛni kuye bani nánu-mi ni, báti kɔnakunwi ka linyesia lɛmɛni lɛ́si Unwoti kudɔ.

Sakaria 11:7

Anwuɔsu baƒonu bani na balati bédie bése ka badu mmɔ ni, línwini bana lɛlɔ ɔnune. Na ligyii inyɔ lɛni nda mɔɔkpanku-ma mmɔ ni, lɛ́sia-ni anyi. Na unwi mɔɔlɔ nnii Kɔnyana Bɔnu, na unyɔdi mɔɔlɔ nnii Unwi Bɔbla.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 25:34

“Na Ɔga ɔmmɔ ɔdubɔsu bekyuli bani nnye-nwu kudɔ ɔnini, ‘Amii ndi bekyuli bani na Katɔti ɔni ndi mina Ɔti ɔ́ya na lɛlɔ lɛdubɔyɔ-mii kaduɛ. Anwuɔsu bibo na bibeduo lɛga kadikɔ kani na Katɔti ɔ́klibi úse úte-mii ɔ́si kayawi kalɔ kesekɔ ƒui.

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Marko 7:14

Ɔmmɔ kama ni, Yesu ɔ́sɔ ɔ́lɔ bekyuli lisu lɛmmɔ ɔnii bakpɛ bede-nwu. Amu na ɔ́su-ma ɔnini, “Bina ƒui bise atu na binu.

Luka 12:21

Amu na Yesu ɔ́wɔlɔ nwuna kɔtɛ ɔnini, “Lɛni na use ute bekyuli bani mɔɔwia akɛla batɛ bese lɛlɔ, na beeebo lɛla lɛdi na Katɔti anumi.”

Luka 12:32

“Mina basiakune lisu libliidi, bitayia. Ɔsika ɔdi Katɔti lɛƒɔyɔ ka ute-mii nwuna lɛga kadikɔ.

Luka 16:22

“Ɔwabane ɔmmɔ úbekpi na Katɔti batu bébetiku-nwu bétésie Abraham kudɔ, na baadi limeyi na katɔ. Ɔlakɛne ɔmmɔ lɛnɔ úbekpi na báva-nwu.

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Luka 22:29

Na aani kalɛ na mina Ɔti úte-mi kenyekɔ ka lɛdi bekyuli lɛlɔ ni, lɛni kani na ndubo-mii kenyekɔ kammɔ udu bute.

Luka 6:20

Yesu ɔ́sia nwuna basiakune anu na ɔ́su-ma ɔnini, “Lɛlɔ litaayɔ amii bawabane, ɔsika Katɔti lɛga kadikɔ kadi bina ɔdi!

Yohane 7:48

Bíinu dii si benengu badi iye Ƒarisiƒuɔ badi báƒɔ-nwu bádi?

Batalane Kabla 7:2

Amu na Steƒano údie kenye ɔnini, “Ati bene ku mina banwa, binu kaduɛ ka ni, Katɔti údie lɛlɔ ɔ́tina bula Nana Abraham na Mesopotamia kalɔ lɛlɔ asa na ɔ́ta mmɔ úsie kalɔ kani baalɔ Haran lɛlɔ.

Romaƒuɔ 8:17

Na si bɔdi nwuna bebi ni, na bɔdi nwuna ala badine. Na abu ku Kristo bɔdubɔdi Katɔti ala bɔsala. Na bɔdubukeye lɛnɔ aani nwuna kalɛ si búbo abi aani kalɛ na Kristo úbo abi.

Korintoƒuɔ 1 2:9

Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Korintoƒuɔ 2 4:15

Bina kadia ɔsu na ala amɛni ƒui aalɛ́ lɛni. Na si bekyuli pii baakɛ́ bɔƒɔ teebu ɔkɛnku Katɔti lɛƒɔndia ɔsu ni, lɛni kani na badubo-nwu enu lɛnɔ butaagya teebu si beeti ɔbu teete Katɔti.

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Tesalonikaƒuɔ 1 2:12

Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Tesalonikaƒuɔ 2 1:5

Ɔmɛni ɔɔtina-bu ka Katɔti ɔɔtɛ litemi siin. Na ɔdubute-mii keliekɔ na nwuna lɛga kadikɔ kani ɔsu na biibó abi.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Timoteo 2 4:18

Blɔti ɔdubudie-mi na ɔgbankpi biala kemmo, na ɔdubo-mi bɔkpanku buɛɛ buɛɛ na liduo Katɔ Ɔga Ɔma. Bumwi na buute Katɔti ɔ́si ɔƒɛni úsela ƒui. Ɔsia lɛni.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Hebriƒuɔ 11:26

Ɔ́nu ka si bákya-nwu kɔƒa na Ukyuli Ɔƒunadi ɔni lɛlɔ na nwuna anu asia lɛlɔ ni, ɔ́ƒɔ-nwu kuye utulo ka ɔsiaku Egyipteƒuɔ akɛla kama. Ɔsika unye ɔɔnu ulu ute lɛyuƒɔla lɛni na Katɔti ɔdubute-nwu.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Yakobo 1:16

Banwa bayɔne, bitaya na ukyuli ɔdi ɔtɔlɔ-mii.

Yakobo 1:19

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.

Yakobo 1:9

Si Katɔti ɔ́talaku ɔƒɔtaadine ɔni ndi ɔwabane katɔ ni, ɔya na lɛlɔ litaayɔ-nwu.

Petro 1 1:4

Na bɔɔnu anumi ka bɔdubɔdi ala ani na Katɔti ɔ́klibi úse na katɔ, na adi ala ani neeebie na alanyi taakpi iye ayii udu lɛnɔ.

Petro 2 1:11

Si bɛ́bla lɛni ni, bɛdubɔkɛ kuƒi biala biduo Blɔti ku Ɔƒɔne Yesu Kristo ngba ƒui lɛga kadikɔ.

Budie Taatina 2:9

“Ngyi ka biibó abi na bɛɛyaki ala. Nsu geen ni, bibo ala ƒui. Ngyi enyekpi ani na bekyuli bani mɔɔlɔ lɛlɔ banii Yudaƒuɔ básu básiku-mii lɛlɔ. Nsu ni, baaasiaku Katɔti. Mmomu badi kasala kani ndi Satan badi.

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.

Litemi Batɛne 9:7

Ka Yotam únu litemi lɛmɛni ni, ɔ́kɔ úsie Gerisim Kɔbi lili, na mmɔ na ɔ́kɔ lɛsa momoomo ɔ́su ɔnini, “Ami Sekemƒuɔ binu mina litemi kalɛ na Unwoti lɛnɔ wenu bina litemi.

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Samuel 1 2:8

Anwu mɔɔtalaku bawabane katɔ na baalɛ́ ɔtumu akɔ, na bani mɔɔyaki ala mmɔ baata ntɔ kewikɔ, na beelie kuliekɔ kunengudi kɔni bagabi beelie. Unwoti nése kalɔ kammɔ ƒui lɛtabi ɔka kalɔ. Na nwuna lɛlɔ na ɔ́tu kayawi ƒui ɔ́lɛ na kadi nwuna kadi.