Yakobo 2:21 - Katɔti Ɔku Kedee

²¹ Dɛ na ɔ́bla asa na Katɔti ku bula ɔti Abraham ntɛ bɔ́dia? Ɔ́si lɛla lɛni na ɔ́bla ɔsu. Ɔsika úti ubidi Isak ɔ́sia lɛkpabi lɛlɔ ka uti-nwu ɔkpa ute Katɔti.

Yakobo 2:21 ပူးပေါင်းရင်းမြစ်များ

Kɔgya 143:2

Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Yesaia 51:2

Abraham ku Sara na Katɔti ɔ́ƒuna ka babla bina nana ati bene. Na Unwoti úte Abraham ɔmɛni kusɛ kusɛ na ɔkɛnku anwu ɔnana unwi pɛ ɔmmɔ lɛlɔ na kaba bekyuli lidu lidu báƒɔ kayawi.

Mateo 12:37

Na amii alati etemila na Katɔti ɔdubuti ɔtɛku-mii litemi na ɔdu-mii kɔtɔ iye ute-mii ubo.”

Mateo 3:9

Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Luka 1:73

Na ɔ́su bula ɔti Abraham kenye kpakplaa kamɛni úse ka ni,

Luka 16:24

Amu na ɔ́kpali ɔnii, ‘Ati Abraham! Nu-mi kɔnyana na aya na Lasaro uti lɛnimi ɔkya ntu bɔdi kemmo na udu ubo-mi unyemi lɛlɔ na lɛlɔ lɛbla-mi buɛɛ. Ɔsika lɛlɔ lɛɛkywí-mi na ogya ɔmɛni kemmo!’

Luka 16:30

“Mmɔ na ɔlakɛne ɔmmɔ údie kenye ɔnini, ‘Ati Abraham, belénu-ma litemi! Nsu si banii ukyuli ɔdi ɔ́si kekpine mɛni úsie-ma kudɔ ni, badubunu-nwu litemi na benwini kama bakya bana ekpidi.’

Yohane 8:39

Amu na Yudaƒuɔ bammɔ básu-nwu banini, “Abraham ndi bula ɔti.” Mmɔ na Yesu ɔ́su-ma ɔnini, “Si Abraham bebi na bɛdi geen ni, bɛdubɔbla ala ani na Abraham ɔ́bla.

Yohane 8:53

Bulaƒɔ taadi ka bɔsu na ada anii etulo bula ɔti Abraham, munuu lɛni na aasu? Anwu úkpi, na Katɔti kenye bediene lɛnɔ békpi. Ɔma na aabu ka adi tɔ?”

Batalane Kabla 7:2

Amu na Steƒano údie kenye ɔnini, “Ati bene ku mina banwa, binu kaduɛ ka ni, Katɔti údie lɛlɔ ɔ́tina bula Nana Abraham na Mesopotamia kalɔ lɛlɔ asa na ɔ́ta mmɔ úsie kalɔ kani baalɔ Haran lɛlɔ.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 4:1

Bi ndi lɛla lɛni na bɔdubɔsu ka bula ɔti kuuku Abraham ɔ́nu ɔ́ti na litemi lɛmɛni lɛlɔ?

Romaƒuɔ 4:12

Abraham ɔdi ɔti ute bani na békulo ago lɛnɔ. Nsu ɔɔɔdi ɔni na békulo ago ɔsu, mmomu ka bélie ngba na bɔƒɔtaadi kemmo aani kalɛ na bula ɔti Abraham úlie asa na úkulo lego ɔsu.

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Hebriƒuɔ 11:17

Ɔkɛnku Abraham bɔƒɔtaadi lɛlɔ ɔsu na uwi ɔni na Katɔti ɔ́kɔku-nwu ɔ́nu ni, na Abraham únu kalɔ ka uti ubidi Isak ɔkpa ute-nwu. Na Abraham, ɔni na Katɔti úse kenye kamɛni úse ni, anwu nénu kalɔ ka uti ubidi unwi ɔni kani na ubo mɛni ɔkpa ute Katɔti.

Yakobo 2:18

Nsu ɔdi ɔdubɔsu ɔnii, “Ukyuli ɔdi ɔ́ƒɔ ɔ́di, na ɔbambadi lɛnɔ ɔɔbla kabla.” Ami mɔɔsu ukyuli ɔmmɔ nnini, “Udie ɔtina-mi kalɛ na ukyuli ɔdi ɔɔƒɔ́ taadi na ulábla kabla. Na ami ndubɔtina-nwu kalɛ na lɛ́ƒɔ lɛ́di na mina kabla kani na mɔɔbla kemmo.”

Yakobo 2:24

Bɛnu bɛti ka asa na Katɔti ku ukyuli ntɛ bɔdubɔdia ni, ɔkɛnku kabla kani na ɔɔbla ɔsu. Na ɔɔɔdi kalɛ na ɔ́ƒɔ ɔ́di lɛti pɛ ɔsu.

Yosua 24:3

Amu na líti Abraham ɔni ndi bina bati kuuku unwi lɛ́lɛku mmɔ na lɛ́ya na úsie ɔ́vi Kanaan kalɔ lɛlɔ ƒui. Na líte-nwu bawɔ pii. Na lɛ́ya na Abraham ɔ́wɔ Isak.