Yakobo 2:19 - Katɔti Ɔku Kedee

¹⁹ Áƒɔ ádi ka Katɔti unwi pɛ nkya, na use lɛni sɔsɔ. Nsu nyimo ka ayu ekpidi lɛnɔ áƒɔ ádi lɛni, na baayia. Anwuɔsu na lɛlɔ lɛɛtɔ́-ma.

Yakobo 2:19 ပူးပေါင်းရင်းမြစ်များ

Yesaia 43:10

Mina bekyuli, amii ndi mina kabla bablane ku litemi lɛmɛni kenye bediene. Na mɔɔwia ka bɛti-mi na biti bina kayi bɛsia-mi lɛlɔ na binu kalɔ ka ami lɛti ndi Katɔti. Ami kani nákya uwi ɔni návi na ami kani ndubo bɔkya uwi ɔni lɛnɔ mebo, ɔsika ɔdi ɔsɔ uuubo mina kalɛ.

Yesaia 44:6

“Ami ndi Unwoti Ɔyikune Ƒui, udeedi ku ukplodi, Israel Katɔti unwi ɔni kani nkya, na ndi bina Ɔga ɔni náƒɔ-mii ngba.

Yesaia 44:8

Lɛ́ɛsu-mii ɔ́si kukuuku nnii, bɛsɔ bitayia na bitaatɔ kpakpaakpa ku liƒu munu munu na bítenu? Ami lɛti kani ndi Katɔti na ɔdi ɔsɔ ɔɔɔdi katamikukɔ kpakplaa aani lɛtakpɛ bonwu mina kalɛ.”

Yesaia 45:6

Na ɔƒaani ni, ukyuli biala ɔ́si ɔƒɛ katukɔ útédu ɔƒɛ kanukɔ ɔdubɔti ka ami ndi Unwoti ɔmmɔ na baƒiɔ badi beeebo na badi lɛla lɛdi geen mina kalɛ.

Yesaia 46:9

Bɛbla kasusu bɛsiku ala ani nálɛ akwa pii ábavi lɛlɔ. Ami lɛti kani ndi Katɔti! Na ɔbambadi ɔdi ɔsɔ uuubo uuubunku-mi mina kalɛ.

Yona 4:4

Unwoti údie kenye ɔnini, “Bi ɔyikun na ebo ɔsu na eeti kɔnyi?”

Yona 4:9

Amu na Katɔti úye-nwu ɔnini, “Bi ɔyikun na ebo ɔsu na eeti kɔnyi akya kabuli kammɔ?” Yona údie kenye ɔnini, “Mbo kuƒi ka liti kɔnyi kɔni nédu ka líkpi muedi.”

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Mateo 8:29

Kɔnakunwi ni, báva ku lɛdi momoomo na béye-nwu banii, “Bi na awɔ Katɔti Ubidi aawia-bu kudɔ mɛni? Ébo anii abaka-bu kɔtu bɔni asa na uwi ɔni na Katɔti ɔdubɔtɛku-bu litemi wedu?”

Marko 1:24

“Yesu Nasareni, bi na aawia asiku bula kudɔ? Bubo na ébo anii abakyula-bu? Ngyi ukyuli ɔni na adi. Awɔ ndi Katɔti Ɔtalane Kedee!”

Marko 12:29

Mmɔ na Yesu ɔ́su-nwu ɔnini, “Bénweni ɔda bubo bɔni ntulo ƒui básu banini, ‘Israelƒuɔ, binu kaduɛ! Unwoti ndi bula Katɔti, na anwu lɛti pɛ nkya.

Marko 5:7

Na ɔ́va momoomo ɔ́su ɔnini, “Yesu, katɔ ku kalɔ Ɔyikune Ƒui Ubi! Buvele, su-mi se ka aláni-mi kɔtu!”

Marko 7:9

Yesu ɔ́sɔ ɔ́su-ma ɔnini, “Bibo kakwɛ kani lɛlɔ bɛɛsia taanyonu Katɔti ɔda bubo taava kalɛ na bɛsiaku bina bati kuuku ɔdi ala bɔbla kama.

Luka 4:34

“Ao! Bi na aawia-bu kudɔ mɛni, Yesu Nasareni? Bubo na ébo mɛni anii abakyula-bu? Ngyi ukyuli ɔni na adi! Awɔ ndi Katɔti Ɔtalane Kedee!”

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Batalane Kabla 16:17

Amu na ugblebi ɔmɛni ɔ́siaku abu ku Paulo kama na ɔɔva taasu ɔnini, “Bekyuli bamɛni badi Katɔti kabla bablane, na bébo mɛni bani babatina-mii ngba bɔƒɔ ulu!”

Batalane Kabla 19:15

Nsu ka bátásu kɔyu kukpidi kɔdi lɛni ni, kɔ́su-ma kɔnini, “Ami ngyi Yesu, na ngyi Paulo lɛnɔ. Nsu amii ni, lɛɛɛgyi-mii! Ɔma bene bɛdi?”

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Romaƒuɔ 3:30

Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Galatiƒuɔ 3:20

Nsu ka Katɔti ɔlati mɔɔbla lɛla lɛmɛni ɔƒɛni ɔsu ni, utáwia ntɛ ɔkyane ɔbambadi.

Lɛkpa Ulu 6:4

Israelƒuɔ, binu kaduɛ! Unwoti ndi bula Katɔti, na anwu lɛti pɛ kani nkya.

Timoteo 1 2:5

Sɔsɔ ni, Katɔti unwi kani nkya. Na kɔnu ɔsiane lɛnɔ unwi kani nkya. Anwu ndi ukyuli ɔni baalɔ banii Kristo Yesu. Anwu mɔɔklibi abu ku Katɔti ntɛ.

Yakobo 2:8

Na si bɛ́di Katɔti ɔda bubo bunengudi bɔmɛni lɛlɔ ni, bɛ́bla-nwu kaduɛ. Ɔkya Bunweni Kedee Ɔku kemmo ka, “Yɔ ƒula ukyulikpana aani ƒula lɛlɔ kalɛ.”

Yuda 1:4

Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.

Budie Taatina 20:10

Na bébo ukisine ɔni nátɔlɔ-ma mmɔ bátákya lɛgyavonku bonwu lɛni mɔɔda ku ogya atabi mmɔ kemmo kesii kani na eƒiebuo ɔmmɔ ku ɔkɔ kenye udiene bakya, na badubo abi buteebo usien ku ɔƒɛ usela uwi ƒui.