Yakobo 1:27 - Katɔti Ɔku Kedee

²⁷ Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Yakobo 1:27 ပူးပေါင်းရင်းမြစ်များ

Kɔgya 119:1

Lɛlɔ lɛdubɔyɔ bekyuli bani na likpidi bɔbla buuubo-ma keliela kemmo. Mmomu beelie ngba na Unwoti ɔda bubo kenye.

Kɔgya 146:9

Ɔɔnu baƒɔ lɛlɔ, na uudie bekpinebi ku bekpinele. Nsu balalane ama ni, Unwoti Katɔti uubile bana ablala ku kɔkwɛ ƒui.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Mateo 12:32

Na ukyuli ɔni ndubɔlɔ Ukyuli Ɔyawine Ubi anyikpi adi ni, Katɔti ɔdubuti ɔkyiɛ-nwu. Nsu uleti anyikpi ani na ukyuli ɔdi ɔdubɔlɔ Katɔti Kɔyu ulakyiɛ-nwu na ngba bɔmɛni kemmo iye bɔni ndububo kemmo lɛnɔ.

Mateo 5:8

Lɛlɔ litaayɔ bekyuli bani kayi kemmo nse nwaa. Ama ndubunye Katɔti anumi.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Romaƒuɔ 2:13

Ɔsika ɔɔɔdi bekyuli bani na bunu kani na beenú ɔda bubo bɔmɛni ndubɔbla siin na Katɔti anumi. Mmomu bekyuli bani mɔɔbla taasiaku lɛla lɛni nkya ɔda bubo bɔmmɔ kemmo ndubɔbla siin.

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Galatiƒuɔ 3:11

Sɔsɔ na ɔdi ka Katɔti uláklibi anwu ku ɔdi ntɛ ɔkɛnku ɔda bubo lɛlɔ. Ɔsika bénweni banii, “bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Galatiƒuɔ 6:14

Ami ni, mina lɛmɛnɛ lɛni ndubɔkun kani ndi kukpi kɔni na Yesu Kristo úkpi na ugyii lɛlɔ. Na ɔkɛnku nwuna kukpi na ugyii lɛlɔ ɔsu use aani si líkpi na kayawi ala kudɔ aani kalɛ kani na kayawi ala ékpi na mina anumi.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Lɛkpa Ulu 14:29

Na edula ammɔ adi Lewiƒuɔ ku baƒɔ ku bekpinebi ku bekpinele bani nkya bina lɛma ɔdi. Na badubuteebo taabaƒɔ ala ani na baawia na badi bemo. Na si bɛɛbla ɔmɛni ni, bina Unwoti Katɔti ɔdubuteete-mi kusɛ kusɛ na bina kabla biala kemmo.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Timoteo 1 5:4

Nsu si ukpinele ɔdi ubo bebi iye bawɔ ni, bebi bammɔ bese kalɔ bataatɛya bana kaduli bekyuli bɔda ku bana bawɔne bɔda aani bana bɔƒɔtaadi kabla kalɛ. Ɔmmɔ mɔɔtina ka beesé bana bawɔne kɔdɛ. Ɔmɛni mɔɔyɔ́ Katɔti kaƒɔ.

Tito 2:12

Lɛƒɔndia lɛmmɔ mɔɔtina-bu ka ɔlɛka bɔda atu budie ngba bukpidi bulie kemmo ku kayawi ala keeke kama bɔsiaku. Na bɔda lɛlɔ kaduɛ, na bulie ngba bɔbuni, na bɔbla lɛlɔ kedee na kayawi kamɛni kemmo.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Yakobo 3:9

Unyemi ɔmɛni na buuti teemwi Katɔti. Na anwu kani na buuti teewida bula ukyulikpana ɔni na Katɔti údie aani anwu ɔlati kalɛ.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Petro 2 1:4

Na ɔkɛnku ala amɛni lɛlɔ ɔsu ni, Katɔti úti nwuna kaƒɔ buni ala enengudi ani náƒɔ kuye úte-bu na kenye kani na úse ɔsu. Na ɔkɛ etela ammɔ lɛlɔ ni, na bɛkana bɛlɛ ɔlɔna ala ani mɔɔda-mii ɔkwɛ na kayawi kamɛni kemmo na bɛbla kedee aani nwuna kalɛ.

Petro 2 2:20

Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Yohane 1 5:18

Bɔgyi ka ukyuli ɔni ndi Katɔti Ubi ni, ulélie taabla likpidi. Ɔsika Katɔti Ubidi ɔɔgyumana-nwu kalɛ na uleduo ukisine ɔmmɔ enu kemmo.