Yakobo 1:22 - Katɔti Ɔku Kedee

²² Ɔdi ka bitaabla taasiaku lɛla lɛni na litemi buni lɛmmɔ lɛɛtina lɛlɔ. Na ɔɔɔdi ka binu-ni kani. Si ɔɔɔdi lɛni ni, na bɛɛtɔ́lɔ lɛlɔ.

Yakobo 1:22 ပူးပေါင်းရင်းမြစ်များ

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Yeremia 11:6

Ɔmmɔ kama ni, Unwoti ɔ́su-mi ɔnii nte ukyuli biala bɔti na Yerusalem lɛblɔnu lɛlɔ ku Yuda lɛma kemmo ɔnini, “Ɔda bubo bɔni nkya bunyimi bɔni na línyimiku-mii kemmo ni, bɛdi-mu lɛlɔ.

Obadia 1:3

Lɛmɛnɛ likpludi kani na bilie bɛɛkun na abi eli, na atakpɛ akɔ kesii kani na bɛɛkali bɛnii bɛ́kɛ kagyumanakɔ mmɔ na bɛɛsu bɛnii, ‘Ukyuli ɔdi ulakana-bu bɔni bɔsiku mɛni buboku kalɔ na ɔdi-bu lɛlɔ.’

Mateo 12:50

Na ukyuli ɔni mɔɔbla mina Ɔti ɔni nkya katɔ lɛyɔla ni, anwu ndi mina ɔnwani ɔnanabi ku ɔnwani ulekubi ku mina uni.”

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Luka 11:28

Amu na Yesu údie kenye ɔnini, “Bekyuli bani muunú Katɔti litemi na baabla taasiaku-ni lɛlɔ mmomu na lɛlɔ lɛyɔ!”

Yohane 13:17

Ka bɛ́ti litemi geen lɛmɛni ɔƒaani ɔsu ni, lɛlɔ lɛdubɔyɔ-mii si bɛ́bla ala amɛni.

Romaƒuɔ 2:13

Ɔsika ɔɔɔdi bekyuli bani na bunu kani na beenú ɔda bubo bɔmɛni ndubɔbla siin na Katɔti anumi. Mmomu bekyuli bani mɔɔbla taasiaku lɛla lɛni nkya ɔda bubo bɔmmɔ kemmo ndubɔbla siin.

Korintoƒuɔ 1 15:33

Bitabla susuusu. Kɔkpana kukpidi kuubile udu buni.

Korintoƒuɔ 1 3:18

Bina akɔ ɔdi utatɔlɔ lɛlɔ. Si bina akɔ ɔdi ɔɔnu lɛlɔ aani kayawi kamɛni ɔnundane ni, ɔbla lɛlɔ ɔdɔlɔdi mmomu na bekyuli anumi kalɛ na wenwini ɔnundane geen sɔsɔ na Katɔti anumi.

Korintoƒuɔ 1 6:9

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Galatiƒuɔ 6:3

Na si ɔdi ɔɔnu lɛlɔ ka ɔdi lɛla lɛdi nsu ɔɔɔdi lɛla biala ni, ukyuli ɔmmɔ ɔɔtɔ́lɔ lɛlɔ.

Galatiƒuɔ 6:7

Ɔdi utatɔlɔ lɛlɔ, ɔsika ukyuli ɔdi ulakana na wavi Katɔti kekuma. Ɔsika lɛla lɛni na áva ni, ani kani na adubo bude.

Ƒilipiƒuɔ 4:8

Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Yakobo 1:26

Si ukyuli ɔdi ɔɔkali ɔnii ɔdi ɔƒɔtaadine buni na ulákana nwuna unyemi bɔda ni, ɔɔtɔ́lɔ lɛlɔ na nwuna bɔƒɔtaadi bɔmmɔ buuubo kɔsia kɔdi.

Yakobo 4:11

Banwa, bitalɔ lɛlɔ anyikpi. Si ɔdi ɔ́bla lɛni iye ɔ́tɛku ɔnwani ɔdi litemi ni, na ulábu ɔda bubo bɔmmɔ na ɔ́ta únye-mu lɛlɔ lɛnɔ. Si bɛ́ta bínye ɔda bubo bɔmmɔ lɛlɔ ni, na ɔɔtina ka bɛ́da ɔda bubo bɔmmɔ lɛlɔ bɔdi bɛ́ya. Na bínwini bɛɛtɛku ɔda bubo bɔmmɔ litemi.

Yakobo 4:17

Anwuɔsu ukyuli ɔni ngyi lɛla lɛbuni bɔbla nsu ulábla-ni ni, ɔdi likpidi ute-nwu.

Petro 2 2:13

Katɔti ɔdubɔya na bebo abi aani kalɛ na ama báya na bekyuli bébo abi kalɛ. Bana ebiti ndi ka badi lɛla biala ɔdivo ku ɔƒiiwi nwaa muedi. Ɔdi kɔƒa litemi ka basalaku-mii si bɛɛdi. Na bana ɔkɔ ala kani mɔɔda-ma kubiti.

Yohane 1 1:8

Si búni bɔnii bulábla likpidi ni, na bɔɔtɔ́lɔ lɛlɔ, na litemi geen lɛmmɔ lítaƒɔ-bu lɛlɔ kemmo.

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Yohane 1 3:7

Bitaya na ukyuli ɔdi ɔtɔlɔ-mii! Mina bebi bayɔne, ukyuli ɔni mɔɔbla ala ulu lɛlɔ ni, ɔdi ukyuli ɔni nse siin aani kalɛ na Kristo use siin.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Budie Taatina 22:7

“Bɛnu! Ami Yesu ndubo uwi klukui kemmo! Na lɛlɔ lɛdubɔyɔ ukyuli ɔni mada linyese lɛmɛni etemila ani nkya ɔku ɔmɛni kemmo.”