Yakobo 1:19 - Katɔti Ɔku Kedee

¹⁹ Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.

Yakobo 1:19 ပူးပေါင်းရင်းမြစ်များ

Nehemia 8:18

Na ɔ́si limeyi lɛmmɔ bɔdi, limeyi lideedi útédu limeyi likplodi lɛlɔ bataaka Unwoti bubo etemila ammɔ adi kakɛ. Na bádi emeyi ammɔ emeyi maatɛ. Na limeyi maanedi lɛlɔ ni, básala na bádi limeyi lɛmmɔ báwɔlɔ aani kalɛ ɔda bubo bɔmmɔ bɔɔtina.

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Nehemia 9:3

Na bénye mmɔ kani báka Unwoti ɔda bubo ɔku ɔ́si lɛdɔ ɛtɛ sɔɔn. Na básɔ béti lɛdɔ ɛtɛ lɛnɔ beevele bana ekpidi, na baakɔliku bana Unwoti Katɔti lɛnyi katɔ.

Hiob 32:16

Na bunye na ami lɛnɔ mɔsɔ linye ntaanu na naaasu lɛla lɛdi, ka bana etemila ása-ma kenye na basɔ balati lɛla lɛni na basu-ɔ ɔsu?

Agba 10:19

Sɔ tatɛmi pii, ɔsika atɛ pii aadanku likpidi. Da anu na akɔsi atɛ bumomo!

Agba 13:3

Bekyuli bani ngyi kalɛ baada bana unyemi ni, beelie ngba gyɔlɔɔ. Na kenye bɔtu bɔlɛ ukyuli ɔɔkana na uubile lɛla biala.

Agba 14:17

Bekyuli bani muuti kɔnyi pla pla ni, baabla adɔlɔla. Na bekyuli bani mɔɔbɛ́ taabla ala kalɔ kalɔ ni, bekyuli beekisi-ma.

Agba 14:29

Bekyuli bani mɔɔkana bana kɔnyi bɔbala ni, bebo lɛlati. Na bani muuti kɔnyi pla pla ni, badubo bɔƒiɔ.

Agba 15:18

Ukyuli ɔni na uuubo kayi buɛɛ ɔɔkya kekpo. Nsu ukyuli ɔni na ɔ́da kayi ɔ́va kalɔ buɛɛ ni, ɔɔyala kekpo kammɔ.

Agba 15:2

Ɔnundane ni, ala bɔtɛya bɔdi-nwu ebiti. Na badɔlɔdi ni, bágyu kenye beti beedie kɔdɔlɔ keyi.

Agba 16:32

Kayi buɛɛ kadia ketulo kenyekɔ ɔyikun. Si aakana ƒula lɛlɔ lɛlɔ bɔdi ni, ɔdia utulo si ékpo ádi ɔma unengudi ɔdi lɛlɔ.

Agba 17:14

Si ése kadɔ kalɔ ni, use aani kalɛ na baalɛmi kuƒi teete ketu kani báda-ka kavinkɔ ulu na kéyi.

Agba 17:27

Ukyuli ɔni náda anu geen ni, ɔɔkɔ́si bɔtɛmi. Na ukyuli ɔni mbo lɛlati na uunú ala kalɔ ni, nwuna kɔnyi kuse buɛɛ.

Agba 18:13

Baláka ukyuli bɔlɛ asa na enu lɛla lɛni nébo, amu kɔƒa kɔdubo-ɔ bukpo na abla lɛlɔ ɔdɔlɔdi.

Agba 18:21

Bekyuli bani na atɛ aayu emini ku lɛla lɛni mɔɔsiáku akpanabi, ɔsika unyemi ɔɔkana na ɔdu ukyuli iye ubunku ukyuli ulu ɔbuni lɛlɔ.

Agba 19:11

Bekyuli bani mbo kasusu buni baabala bana kɔnyi. Na bekyuli badubo-ma bɔbu na baƒɔ lɛnyi si bédie bekyuli ekpidi atu.

Agba 19:19

Bekyuli bani muuti kɔnyi pla pla ni, badubɔƒɔ ama alati lɛtuni kayu. Si áƒɔ-ma kunwi ni, agyi anii asɔ adubo-ma bɔƒɔ kunyɔdi.

Agba 21:23

Si áti ƒula kenye bɔda kpoo ni, eleti lɛlɔ alatákya litemi lɛdi kemmo.

Agba 25:28

Ukyuli ɔni na ulakana lɛlɔ lɛlɔ bɔdi ni, use aani ɔma ɔni na awodu ani mɔɔgyumana-nwu ábwɛ.

Agba 29:20

Áasia anu ánu kenye ɔkplu ukyuli ɔdi dii? Baakana na baasia ɔdɔlɔdi muedi lɛnu teetulo ukyuli ɔmmɔ udu.

Bumomo Bɔka 22:27

Uwi ɔmɛni kemmo ka ebuo ɔmɛni ɔ́sɔ ɔ́nu Unwoti ɔtu ɔmmɔ ni, ɔ́yu úbi kalɔ, na kalɛ na ebuo ɔmɛni ɔ́bla ɔsu Bileam ɔ́kɛ kɔnyi geen na úti ugyii ɔni na ɔda na úse kalɔ uubi ebuo ɔmɛni kaduɛ.

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Marko 12:37

Na mɛni ni, Dawid ɔlatidi ɔɔlɔ Ukyuli Ɔƒunadi ɔnii nwuna ɔti. Anwuɔsu dɛ na ɔ́bla na anwu ɔmmɔ ɔɔbla Dawid kaba kemmo ubi?” Na bekyuli pii badi benye beenú ala ani na Yesu unye ɔɔsu ku kubiti.

Marko 2:2

Uwi útetu asa na bekyuli bébeyi kesii kani na úduo mmɔ na kaduli ku keyi ƒui. Na ɔkya ɔɔsu-ma litemi buni lɛmmɔ.

Luka 15:1

Limeyi lɛdi ni, kuyi baƒɔne pii ku alaekpidi bablane babambadi bébo Yesu kudɔ banii bebenu-nwu litemi.

Luka 19:48

Nsu bátakɛ ulu ɔni lɛlɔ na basia, ɔsika bekyuli pii bakya mmɔ na bana atu asia nwuna etemila ammɔ lɛlɔ kpakplaa.

Batalane Kabla 1:15

Amu na emeyi ammɔ kemmo kani ni, ama bani náƒɔ bádi mmɔ bábasa, na bana bumomo bɔbla aani nkyuli eti anyɔ ku aavlanyɔ. Na mmɔ Petro ɔ́ta únye na ɔ́su-ma ɔnini,

Batalane Kabla 10:33

Ɔmɛni ɔsu na lɛ́tala lɛni babalɔ-ɔ, na awɔ lɛnɔ ábla kaduɛ ka áta lɛgba lɛgba ébo. Anwuɔsu na bulie bɔgya-a na Unwoti anumi ka abasu-bu litemi lɛni na ɔ́su-ɔ ɔnii su-bu.”

Batalane Kabla 13:48

Amu ka bani naaadi Yudaƒuɔ bénu lɛla lɛni básu mmɔ ni, kubiti kɔ́da-ma, na bémwi Katɔti. Na bani ƒui na Katɔti ɔ́ƒuna úte ngba bɔƒɔ ni, bénwini baƒɔtaadine.

Batalane Kabla 17:11

Na Beroiaƒuɔ ni, bana kasusu kébimi kétulo Tesalonikaƒuɔ kadi. Na bése atu na bénu bana butemi. Na limeyi ndi limeyi ni, bátaawia Bunweni Kedee Ɔku kemmo etemila taanu si Paulo ala ani na ɔ́su adi sɔsɔ.

Batalane Kabla 2:42

Amu na béti bana uwi ƒui béte batalane bammɔ, na baatina-ma ala, na baakpali katɔ, na baadi taasala lɛnɔ.

Eƒesoƒuɔ 4:26

Si bíti kɔnyi ni, bitaya na bina kɔnyi kɔya na bɛbla likpidi. Na bitaya na ɔƒɛ ɔ́nu ɔkya-mii na bina kɔnyi kemmo.

Eƒesoƒuɔ 4:31

Livo lɛda-mii buƒi lɛya na bekyuli lɛlɔ. Bɛya na bekyuli ala ada-mii kayi bɔtu aya. Na bɛda kɔnyi buti bɛya. Na bɛda kadɔ bɔdɔ bɛya. Na bɛsɔ bitalɔ lɛlɔ anyikpi. Na bɛsɔ biteti lɛlɔ kasusu biala.

Koloseƒuɔ 3:15

Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.

Koloseƒuɔ 3:8

Nsu ɔƒɛni ni, ɔlɛka bɛda ala amɛni udu bɔbla bɛya. Anya ndi kɔnyi buti ku ala ani mɔɔtu bekyuli kayi ku bekyuli lɛlɔ kasusu kekpidi buti. Na bitalɔ lɛlɔ anyikpi, na bitaya na etemila ani mɔɔyá na ukyuli uusé lɛlɔ alɛ-mii kenye.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Yakobo 1:16

Banwa bayɔne, bitaya na ukyuli ɔdi ɔtɔlɔ-mii.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.

Yakobo 1:26

Si ukyuli ɔdi ɔɔkali ɔnii ɔdi ɔƒɔtaadine buni na ulákana nwuna unyemi bɔda ni, ɔɔtɔ́lɔ lɛlɔ na nwuna bɔƒɔtaadi bɔmmɔ buuubo kɔsia kɔdi.

Yakobo 2:1

Banwa, ka bɛ́ƒɔ Blɔti Yesu Kristo ɔni ndi Bula Ɔbune bɛ́di ɔsu ni, bitanu anumi bitabla lɛla lɛdi.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Yakobo 3:10

Kenye kamɛni na bɔda buumwi Katɔti, na bɔda buuwida bekyuli lɛnɔ. Banwa, útalɛka use lɛni.

Yakobo 4:11

Banwa, bitalɔ lɛlɔ anyikpi. Si ɔdi ɔ́bla lɛni iye ɔ́tɛku ɔnwani ɔdi litemi ni, na ulábu ɔda bubo bɔmmɔ na ɔ́ta únye-mu lɛlɔ lɛnɔ. Si bɛ́ta bínye ɔda bubo bɔmmɔ lɛlɔ ni, na ɔɔtina ka bɛ́da ɔda bubo bɔmmɔ lɛlɔ bɔdi bɛ́ya. Na bínwini bɛɛtɛku ɔda bubo bɔmmɔ litemi.

Yakobo 5:12

Mina banwani, ɔmɛni ndi lɛla lɛni náƒɔ kuye lítulo. Bitakpali ala na bɛlɔ katɔ iye kalɔ iye lɛla lɛdi biala. Bɛya na bina ɛɛn ɔbla ɛɛn, na bina oowo ɔbla oowo. Na si bɛɛbla lɛni ni, Katɔti ɔɔɔdubo-mii kɔtɔ bɔdu.

Yakobo 5:19

Mina banwa, si bina akɔ ɔdi údeyi bɔƒɔtaadi ulu geen ɔmmɔ lɛlɔ na ɔkpanadi ɔ́sɔku-nwu úboku ni, ɔ́ya na ukyuli ukpidi ɔmmɔ kɔyu kɔ́lɛ kukpi kemmo. Na Katɔti ɔdubuti ekpidi pii ɔkyiɛ-nwu.

Yohane 1 2:21

Ńtenweni-mii ɔmɛni ka bɛɛɛgyi litemi geen lɛmmɔ ɔsu, mmomu ka bɛgyi-ni ɔsu. Na bɛgyi lɛnɔ ka ɔkɔ ɔdi ulasi litemi geen lɛmmɔ kemmo.