Yakobo 1:18 - Katɔti Ɔku Kedee

¹⁸ Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Yakobo 1:18 ပူးပေါင်းရင်းမြစ်များ

Yeremia 2:3

Israel, ami lɛti pɛ ɔdi na ádi aani mina edula edeedi ani na lɛ́ƒɛ lɛ́siku mina kemo. Na ukyuli biala ɔni nákali ɔnii ɔɔƒɛ-ɔ ɔdi ni, ɔgbankpi ɔ́siaku-nwu.

Lewiƒuɔ Ɔda Bubo 23:10

“Kɔ lɛsa na asu Israelƒuɔ anini, ‘Si bísie bítéduo kalɔ kani na líti muute-mii kemmo na bɛ́ƒɛ bina edula edeedi ni, na biti-nya bisienku ɔkpane.

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Yohane 1:13

Na ubi bɔdi bɔmɛni bɔɔɔkɛnku kaba kemmo kɔwɔ lɛlɔ. Na bɔɔɔdi ɔnana ku uleku kɔwɔ kemmo na bɔ́si. Na bútasi ɔnana ubi bɔwia kasusu kemmo lɛnɔ. Mmomu ni, Katɔti ubi bunwini bɔmɛni bɔ́si Katɔti ɔlati kudɔ.

Romaƒuɔ 4:17

Na lɛni na Bunweni Kedee Ɔku ɔ́su ɔnini, “Líti-ɔ lɛ́bla kadi bekyuli pii ɔti.” Na Abraham ndi bula ɔti ɔni náƒɔ ɔ́di na Katɔti anumi. Katɔti ɔyikun ɔni na úbo ɔsu ni, ɔ́gyila bekpine na básɔ bébo beli ngba. Na ɔkɛnku ɔyikun ɔmmɔ ɔsu ni, útemi na ala ani nátakya kudii áda álɛ!

Korintoƒuɔ 1 4:15

Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Korintoƒuɔ 2 6:7

Bulatɔlɔ bekyuli ku bula lɛsa bɔkɔ. Na Katɔti ɔyikun ɔni nsiaku-bu ɔɔtina lɛnɔ ka bɔdi nwuna kabla bablane. Na bula ngba siin bulie ndi bula lɛla biala na kabla kamɛni kemmo. Buse aani ekpola ani ukpone ɔda uukpó.

Eƒesoƒuɔ 1:12

Ɔmɛni ɔsu ni, bɛya na abu bani ndi bekyuli bedeedi bani nákɛ lɛnunsia na Kristo kemmo mɛni ni, bumwi Katɔti ka ɔdia geen ɔsu.

Eƒesoƒuɔ 1:13

Lɛni kani na béti amii lɛnɔ bébunku Kristo badi akɔ ɔkɛnku litemi geen lɛni na bɛ́ƒɔ bɛ́di ɔsu. Na litemi buni lɛmmɔ néti ngba bɔƒɔ búboku-mii. Na ka bɛ́ƒɔ Kristo bɛ́di ɔsu ni, Katɔti úti nwuna Kɔyu kɔni na ɔ́su úse ka wete-bu mmɔ úse-bu likpo.

Timoteo 2 2:15

Da lɛlɔ kaduɛ na ulu biala lɛlɔ na Katɔti uwi-ɔ livo. Taya na kɔƒa kuteekpo-ɔ na ƒula kabla lɛlɔ. Mmomu bla ukyuli ɔni mɔɔtina Katɔti litemi lɛmmɔ geen.

Hebriƒuɔ 12:23

Na bíbo bíbasiaku Katɔti bekyuli bani nse aani nwuna bebi bedeedi bani anyi na bénweni bése katɔ. Katɔti ɔni ndubɔtɛku bayawine ƒui litemi anumi na bíbo bínye na bekyuli babuni bani nékpi na Katɔti ɔ́bla bana ayu sɛɛn ɔ́wɔlɔ akɔ.

Yakobo 1:15

Na ala ani mɔɔda-nwu ɔkwɛ mmɔ ni, aaƒɔ́-nwu lɛlɔ kemmo na ɔɔyá na ɔɔbla likpidi. Na uwi ɔni na likpidi lɛmmɔ lɛnɔ lɛ́di-nwu lɛlɔ ƒui ni, ɔdubukpi ɔkya likpidi kemmo.

Yakobo 1:21

Anwuɔsu bɛda lɛlɔ bidie ala ani naaadia bɔnu ku ekpidi udu biala kudɔ. Na biboku lɛlɔ kalɔ bite Katɔti. Na biƒie nwuna litemi buni lɛni na úti ɔ́kya bina kayi kemmo bɛda. Ani ndubɔya na bɛkɛ bɔƒɔ.

Yakobo 3:14

Nsu si ebo lɛnungyie na ƒula kayi kemmo ku enyekpi na aawia awɔ lɛti lɛkɛ ni, takun lɛmɛnɛ ka áda anu. Ɔsika aanyi ɔkɔ, na alásu litemi geen lɛmmɔ.

Petro 1 1:23

Katɔti ɔ́ya na bínwini nwuna badi, ɔsika bɛ́kɛ ngba bɔwɔdi bɔni nsɔ naaadubo bɔsa na ɔɔɔdi bɔni mɔɔsa. Bɛ́kɛ ngba bɔmɛni bɛ́siku nwuna litemi lɛni mbo ngba geen kemmo na lise lísela uwi ƒui.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Yohane 1 3:9

Ama bani ndi Katɔti bebi ni, belélie taabla likpidi. Ɔsika Katɔti udu nkya-ma lɛlɔ kemmo ɔƒaani. Na ka Katɔti ndi-ma Ɔti ɔsu ni, balakana bulie butaabla likpidi.

Budie Taatina 14:4

Ama ndi bekyuli bani náda lɛlɔ sɛɛn. Na bana lɛlɔ lilese lɛlɔ na lɛsɔnɔdi ala lɛlɔ ɔsu. Ama mɔɔsiaku Koƒonu Ubi ɔmmɔ likpo biala na úsela. Ama na bédie bálɛku bayawine ƒui akɔ. Na ama ndi bekyuli bedeedi bani na béti béte Katɔti ku Koƒonu Ubi ɔmmɔ.