Yakobo 1:16 - Katɔti Ɔku Kedee

¹⁶ Banwa bayɔne, bitaya na ukyuli ɔdi ɔtɔlɔ-mii.

Yakobo 1:16 ပူးပေါင်းရင်းမြစ်များ

Mateo 22:29

Yesu údie kenye ɔnini, “Bɛ́yii ulu ɔmmɔ geen! Ɔsika bilenu Bunweni Kedee Ɔku ɔmmɔ kalɔ, na bɛɛɛgyi lɛla lɛdi na Katɔti ɔyikun lɛlɔ.

Marko 12:24

Amu na Yesu údie kalɔ ka, “Uuuse lɛni munu munu. Mɔɔnu ka bilenu litemi lɛmɛni kalɔ, ɔsika bɛɛɛgyi Bunweni Kedee Ɔku kemmo etemila iye Katɔti ɔyikun. Anwuɔsu na bɛɛƒiɔ́-nwu.

Marko 12:27

Ɔmɛni kalɔ ndi ɔnii bekyuli bani néekpi bamu beli ngba, na ɔdi ama lɛnɔ Katɔti. Nsu amii ni, bɛ́yii ulu ɔmmɔ geen!”

Batalane Kabla 1:15

Amu na emeyi ammɔ kemmo kani ni, ama bani náƒɔ bádi mmɔ bábasa, na bana bumomo bɔbla aani nkyuli eti anyɔ ku aavlanyɔ. Na mmɔ Petro ɔ́ta únye na ɔ́su-ma ɔnini,

Korintoƒuɔ 1 6:9

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Galatiƒuɔ 6:7

Ɔdi utatɔlɔ lɛlɔ, ɔsika ukyuli ɔdi ulakana na wavi Katɔti kekuma. Ɔsika lɛla lɛni na áva ni, ani kani na adubo bude.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Ƒilipiƒuɔ 4:1

Anwuɔsu ni, mina banwa bayɔne ɔni na naaanu-mii ni, kɔyɔ kúwi-mi! Bɛɛkya-mi kubiti geen na mɔɔtalaku lɛlɔ katɔ na amii ɔsu. Banwa bayɔne geen, lɛni na ɔdi ka binye kpakplaa na Kristo kemmo.

Koloseƒuɔ 2:4

Mɔɔsu-mii ɔmɛni kalɛ na ukyuli biala uleti kenyemini etemila adi ulakyaku-mii unyeƒi na ɔtɔlɔ-mii.

Koloseƒuɔ 2:8

Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Timoteo 2 2:18

Bénwini kama bákya litemi geen lɛmmɔ na bakya beeƒú baƒɔtaadine badi kasusu banii bula ngba bɔsɔ bɔta bubelieku Katɔti búubo búbavi.

Hebriƒuɔ 13:1

Bitaayɔ lɛlɔ uwi biala kemmo aani banwa kalɛ.

Yakobo 1:19

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.

Yakobo 2:1

Banwa, ka bɛ́ƒɔ Blɔti Yesu Kristo ɔni ndi Bula Ɔbune bɛ́di ɔsu ni, bitanu anumi bitabla lɛla lɛdi.

Yakobo 2:14

Mina banwa, si ɔdi ɔ́su ɔnii ubo bɔƒɔtaadi geen na uléti-mu taabla kabla kadi ni, na nwuna bɔƒɔtaadi bɔmmɔ udu buuubo kɔsia kɔdi. Na bulakana na bɔƒɔ-nwu ngba lɛnɔ.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Yakobo 3:1

Banwa, bina pii bitenwini litemi buni ala batinane. Bɛgyi ka abu bani mɔɔtina ala ni, Katɔti ɔdubɔtɛku-bu litemi utulo bakladi.

Yakobo 3:10

Kenye kamɛni na bɔda buumwi Katɔti, na bɔda buuwida bekyuli lɛnɔ. Banwa, útalɛka use lɛni.

Yakobo 4:11

Banwa, bitalɔ lɛlɔ anyikpi. Si ɔdi ɔ́bla lɛni iye ɔ́tɛku ɔnwani ɔdi litemi ni, na ulábu ɔda bubo bɔmmɔ na ɔ́ta únye-mu lɛlɔ lɛnɔ. Si bɛ́ta bínye ɔda bubo bɔmmɔ lɛlɔ ni, na ɔɔtina ka bɛ́da ɔda bubo bɔmmɔ lɛlɔ bɔdi bɛ́ya. Na bínwini bɛɛtɛku ɔda bubo bɔmmɔ litemi.

Yakobo 5:12

Mina banwani, ɔmɛni ndi lɛla lɛni náƒɔ kuye lítulo. Bitakpali ala na bɛlɔ katɔ iye kalɔ iye lɛla lɛdi biala. Bɛya na bina ɛɛn ɔbla ɛɛn, na bina oowo ɔbla oowo. Na si bɛɛbla lɛni ni, Katɔti ɔɔɔdubo-mii kɔtɔ bɔdu.

Yakobo 5:19

Mina banwa, si bina akɔ ɔdi údeyi bɔƒɔtaadi ulu geen ɔmmɔ lɛlɔ na ɔkpanadi ɔ́sɔku-nwu úboku ni, ɔ́ya na ukyuli ukpidi ɔmmɔ kɔyu kɔ́lɛ kukpi kemmo. Na Katɔti ɔdubuti ekpidi pii ɔkyiɛ-nwu.