Yakobo 1:12 - Katɔti Ɔku Kedee

¹² Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Yakobo 1:12 ပူးပေါင်းရင်းမြစ်များ

Ala Kalɔ Buse 22:1

Akwa adi kama ni, Katɔti ɔ́kɔku Abraham ɔ́nu na ɔ́kpali-nwu ɔnini, “Abraham!” Na Abraham lɛnɔ ɔ́tuna ɔnini, “Ati, aanu-mi.”

Nehemia 1:5

Na lɛ́su nnini, “O Unwoti Katɔti ɔni nkya katɔ, ébomo na ebo ɔyikun na ámanku ka bɔyia-a. Na adi Ati ɔni na eeti bɔyɔ taadi ƒula bunyimi lɛlɔ teete bekyuli bani na aayɔ́ ka baadi ƒula ɔda bubo lɛlɔ ɔsu.

Hiob 2:10

Mmɔ na Hiob údie kenye ɔnini, “Bi ɔsu na aatɛmi aani uleku ɔdɔlɔdi? Uwi ɔni na Unwoti úte-bu ala abuni ni, bɔ́ƒɔ-nya. Na si ɔƒaani anwu úte-bu lɛbibo ni, útalɛka bɔƒɔ ɔmmɔ lɛnɔ?” Na ɔmɛni kemmo ƒui ni, Hiob útasu lɛla lɛdi na ɔƒiɔ Unwoti.

Hiob 5:17

“Lɛlɔ lɛdubɔyɔ ukyuli ɔni na Unwoti ɔɔní kɔtu na uleni nwuna bɔdɔnku, ka úti-nwu ɔɔsiaku ulu ɔbuni lɛlɔ ɔsu.

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 119:67

Lídeyi ƒula ɔda bubo ulu lɛlɔ, anwuɔsu na áni-mi kɔtu. Na ɔƒaani ni, nda ƒula ɔda bubo bɔmmɔ kpakplaa.

Kɔgya 119:71

Na kɔtu kɔni na áni-mi ɔ́ya na lili lɛ́dia-mi geen, ɔsika ɔ́ya na muuduo ƒula etemila kemmo kaduɛ.

Kɔgya 119:75

Ngyi ka ƒula litemi bɔtɛ buse siin. Na ɔkɛnku kalɛ na asia ƒula litemi kama ɔsu na áni-mi kɔtu.

Kɔgya 5:11

Bekyuli bani néti-ɔ bénwini katamikukɔ ni, lɛlɔ lɛdubɔyɔ-ma na beteedie ebiti lɛnu uwi ƒui. Gyumana bekyuli bani ƒui mɔɔyɔ́-ɔ, ɔsika awɔ ɔsu na bana ebiti eedú taawɔlɔ.

Kɔgya 94:12

Unwoti, lɛlɔ lɛdubɔyɔ ukyuli ɔni na áni kɔtu na édie ƒula ɔda bubo átina-nwu.

Israelƒuɔ Bɔlɛ 20:6

Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Agba 17:3

Ogya kemmo baakya sika ugyiedi ku ɔƒualadi taanu-nwu bɔdia. Nsu Unwoti ni, ukyuli kayi na ɔɔkɔ́ku taanu-nwu bɔdia.

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Mateo 25:34

“Na Ɔga ɔmmɔ ɔdubɔsu bekyuli bani nnye-nwu kudɔ ɔnini, ‘Amii ndi bekyuli bani na Katɔti ɔni ndi mina Ɔti ɔ́ya na lɛlɔ lɛdubɔyɔ-mii kaduɛ. Anwuɔsu bibo na bibeduo lɛga kadikɔ kani na Katɔti ɔ́klibi úse úte-mii ɔ́si kayawi kalɔ kesekɔ ƒui.

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Romaƒuɔ 5:4

Na bula bunye kpakplaa ni, bɔɔyá na bɔɔkɛ́ udu ɔbuni. Na ɔmmɔ ndubɔya na bɔkɛ lɛnunsia.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Korintoƒuɔ 1 2:9

Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Korintoƒuɔ 1 8:3

Nsu ukyuli ɔni mɔɔyɔ́ Katɔti ni, Katɔti ɔgyi-nwu.

Korintoƒuɔ 1 9:25

Ukyuli biala ɔni mɔɔklibi lɛlɔ ka úsela utékeli usi ni, uuboku lɛlɔ kalɔ na baatina-nwu kɔkwɛ kɔna ƒui kalɛ na ɔƒɔ lɛlɔ bɔdi kabwa kani neeetu uwi asa na keebie. Nsu abu ni, bɔɔsa lɛlɔ bute kabwa kani na kelebie kudii.

Lɛkpa Ulu 13:3

bitenu-nwu litemi. Ɔsika bina Unwoti Katɔti ɔɔsia-mii anu geen na ɔɔkɔ́ku-mii taanu si bɛɛyɔ́-nwu ku kayi ƒui.

Lɛkpa Ulu 7:9

Na bɛti nwaa ka bina Unwoti Katɔti kani ndi Katɔti ɔni nkya na ɔɔdi nwuna litemi lɛlɔ uwi ndi uwi na ulalɛ-ni kama. Na ɔɔdi nwuna bunyimi lɛlɔ na uudie nwuna bɔyɔ taatina bekyuli bani mɔɔyɔ́-nwu na baadi nwuna ɔda bubo lɛlɔ útédu kaba apim apim.

Lɛkpa Ulu 8:2

Na bitayiƒala kalɛ na bina Unwoti Katɔti ɔ́tɔnku-mii na kalɔ kakwiidi kamɛni kemmo akwa aavlene. Ɔ́bla ɔmɛni ɔnii ɔɔnu si bɛdubɔti ka anwu nda-mii. Na ɔkɔku-mii ɔnu si bina kasusu kadubɔsia-nwu lɛlɔ na bɛdi nwuna ɔda bubo lɛlɔ.

Timoteo 2 2:15

Da lɛlɔ kaduɛ na ulu biala lɛlɔ na Katɔti uwi-ɔ livo. Taya na kɔƒa kuteekpo-ɔ na ƒula kabla lɛlɔ. Mmomu bla ukyuli ɔni mɔɔtina Katɔti litemi lɛmmɔ geen.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Hebriƒuɔ 10:32

Binyimo uwi ɔni na bɛ́nu Katɔti bukeye na bínwini nwuna badi ku bukpoku bɔni kemmo na bɛ́sia bɛ́lɛ.

Hebriƒuɔ 11:17

Ɔkɛnku Abraham bɔƒɔtaadi lɛlɔ ɔsu na uwi ɔni na Katɔti ɔ́kɔku-nwu ɔ́nu ni, na Abraham únu kalɔ ka uti ubidi Isak ɔkpa ute-nwu. Na Abraham, ɔni na Katɔti úse kenye kamɛni úse ni, anwu nénu kalɔ ka uti ubidi unwi ɔni kani na ubo mɛni ɔkpa ute Katɔti.

Hebriƒuɔ 12:5

Munuu bɛ́ɛyiƒala Katɔti etemila ani na ɔ́su-mii úti ɔ́kya-mii ogya aani bebi kalɛ? Ɔ́su ɔnini, “Mina ubi, teti Katɔti kɔtu bɔni tabla lɛla keeke. Na enu ataƒɛ-ɔ si ɔɔdɔnku-ɔ.

Hebriƒuɔ 6:15

Na ɔmmɔ kama ka Abraham ɔ́kɛ kayi buɛɛ na ɔ́sia Katɔti anu ɔsu ni, kɔnu kútuku-nwu kenye kani na Katɔti úse-nwu mmɔ.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Yakobo 5:11

Bɔɔlɔ-ma bekyuli bani lɛlɔ lɛ́yɔ-ma ka bénye lɛbibo biala kenye ɔsu. Bínu kalɛ na Hiob ɔ́kɛ kayi ku kalɛ na Katɔti ɔ́ƒɔ-nwu kayu na kawɔlɔkɔ. Ɔsika Blɔti ubo kaƒɔ buni na ɔɔnu kɔnyana.

Petro 1 3:14

Nsu si eebó abi adi na lɛbuni lɛni na aabla ɔsu ni, ya na lɛlɔ litaayɔ-ɔ. Tayia bekyuli bammɔ, na kayi lɛnɔ ketekpoku-ɔ.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Petro 1 4:14

Lɛlɔ litaayɔ-mii si bekyuli beedumi-mii ka bɛsiaku Kristo ɔsu. Ɔsika Katɔti Kɔyu nsiaku-mii ku nwuna bukeye.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Budie Taatina 3:21

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.