Yakobo 1:10 - Katɔti Ɔku Kedee

¹⁰ Lɛni kani na si Katɔti úboku ɔƒɔtaadine ɔni ndi ɔlakɛne kalɔ ni, anwu lɛnɔ ɔya na lɛlɔ litaayɔ-nwu. Ɔsika ɔlakɛne biala uwi ɔdububo ubavi aani kalɛ na lɛku kemmo kugyii kuuwiile kuna anwula teewi kalɔ.

Yakobo 1:10 ပူးပေါင်းရင်းမြစ်များ

Hiob 14:2

Uubimi aani kugyii anwula, na ɔɔnú na ɔmmɔ kama. Na use lɛnɔ aani ɔyuli ɔni mɔɔyii taakya.

Kɔgya 102:11

Mina ngba emeyi aasá aani kalɛ lɛdisa lɛɛƒɔ́ limeyi bukeye. Na buse aani livo lɛni mɔɔyɛyɛ.

Kɔgya 103:15

Ukyuli ɔyawine anwu ni, nwuna ngba emeyi ese aani livo. Na aalɛ́ lili taabla anwula na alakpi akɔ.

Kɔgya 37:2

Ɔsika uwi klukui ɔdi kama ni, Unwoti Katɔti ɔdubɔya na bamɛnɛ-ma bewi kalɔ aani livo na bakwii aani alakpi.

Kɔgya 39:6

Geen ni, ukyuli ngba buuubo bɔyii taakya aani ukyuli kɔyu kɔni muuwi kalɔ. Na keeke na uutú lɛlɔ ɔnii ɔɔsála ala ute lɛlɔ. Nsu ɔɔɔgyi ukyuli ɔni ndubo ala ammɔ bɔdi.

Yesaia 40:6

Lɛdi lɛdi lɛ́su-mi lɛnini, “Va momoomo na atɛmi.” Amu na líye nnini, “Bi na nva nsu?” Lɛdi lɛmmɔ lɛ́su lɛnini, “Su anii, ‘Bekyuli ƒui bese aani lɛku kemmo alakpi, na ukyuli bɔdia buse aani alakpi anwula.

Yesaia 40:7

Alakpi aayɛyɛ na anwula aanú. Ɔsika Unwoti ɔ́ya na ɔƒɛƒɛɛ úkpo ɔ́vi-ni lɛlɔ.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Mateo 6:30

Katɔti muute eveteli amɛni bɔdia lɛni. Na eveteli amɛni ni, bɔkana bɔnu-nya ɔmwi. Na kɔnaadi asɔ eeebo, ɔsika bákyula-nya na ogya kemmo. Katɔti ɔdubɔsia-mii anu na ute-mii adala utulo eveteli amɛni. Bina bɔƒɔtaadi bɔsɔ.

Korintoƒuɔ 1 7:31

Na bani nnye kayawi kamɛni akɛla kenye ni, beteti anu batasia-nya lɛlɔ. Ɔsika kalɛ na bɔɔnu kayawi kamɛni ɔƒɛni ni, ɔɔɔdi lɛni na kadubo buse na uwi klukui ɔdi kama.

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Yakobo 4:14

Nsu bɛɛɛgyi kɔnaadi lɛla lɛni malɛku-mii. Bise aani uyɔ ɔni na si ɔƒɛƒɛɛ úduo-nwu akɔ pɛ na ɔɔyii taakya.

Petro 1 1:24

Na aani kalɛ na Bunweni Kedee Ɔku ɔmmɔ ɔɔsu ɔnii, “Bekyuli ƒui bese aani lɛku kemmo alakpi, na ukyuli bɔdia buse aani alakpi anwula. Alakpi aayɛyɛ na anwula aanú.

Yohane 1 2:17

Kayawi ku kana lɛlɔ ɔkwɛ adala ƒui adaku bɔvi. Nsu ukyuli ɔni mɔɔbla Katɔti lɛƒɔyɔ ni, ɔdubulie ngba ku Katɔti uwi ƒui.