Yakobo 1:1 - Katɔti Ɔku Kedee

¹ Ami Yakobo ɔni ndi Katɔti ku Blɔti Yesu Kristo kabla ɔblane muugyele amii Katɔti bekyuli ƒui bani négyingya bakya kayawi ekpo ekpo ƒui.

Yakobo 1:1 ပူးပေါင်းရင်းမြစ်များ

Baga 1 18:31

Amu na Elia úti atabi leevu-anyɔ. Na lɛtabi biala linye lite Israel kaba kenwi na bebi bani na Yakob ɔ́wɔ kenye. Anwu ndi ukyuli ɔni lɛlɔ na Unwoti ɔ́su kenye kamɛni ɔnii, “Ƒula lɛnyi ndi Israel.”

Esra 6:17

Na kakpakɔ buti taakya Katɔti lɛkɔkɔ limeyi lɛmɛni bɔdi kemmo ni, béte ɔmantɛ bɔkɔ eti anyɔ ku baƒonu bagyani eti ene ku baƒonu bagyani bakɔdi eti maane ka beti babla likpidi buti taakyiɛ buvele akpala na Israel kadi bekyuli ƒui lili. Na béte betukpa leevu-inyɔ na Israelƒuɔ adua leevu-anyɔ ammɔ kenye.

Ester 3:8

Amu na Haman útásu Ɔga Ahasweros ɔnini, “Kadi bekyuli badi básala bakya ƒula kɔlɔ kɔni lɛlɔ na aadi bekyuli ƒui akɔ. Na bebo ɔdi ɔdi na baabla na ɔ́vumanaku bekyuli bakladi ƒui ɔdi, na baládi ƒula ɔda bubo lɛnɔ lɛlɔ. Na lɛla lɛmɛni lɛɛɛdububoku kɔsia biala na ƒula lɛga kadikɔ. Anwuɔsu ɔlɛka bɔyila-ma udu kalɛ na lɛga kadikɔ kammɔ kenye kaduɛ.

Israelƒuɔ Bɔlɛ 24:4

Ɔmmɔ kama Mose únweni Unwoti ɔda bubo bɔmmɔ lɛla biala úse. Mose ɔ́ta ɔtanta tutuutu na ɔ́tu lɛkpabi ɔ́lɛ kɔbi kɔmmɔ kaƒɔna, na úti atakpɛ leevu-anyɔ úse lɛkpabi lɛmmɔ kudɔ. Na lɛkpabi linwi biala linye lite Israel adua leevu-anyɔ ammɔ.

Israelƒuɔ Bɔlɛ 28:21

Ɔlɛka atabi ammɔ abla leevu-inyɔ na enye ete Israel bebi leevu-inyɔ bammɔ anyi kenye. Na atabi ammɔ adubɔbla aani ekposela atabi, na adubɔnwi bana anyi asia unwi unwi.

Israelƒuɔ Bɔlɛ 39:14

Na adi atabi leevu-inyɔ ani lɛlɔ na bénweni Yakob bebi leevu-inyɔ bammɔ anyi básia unwi unwi. Na adi ekposela úte Israelƒuɔ kaba leevu-inyɔ bammɔ.

Esekiel 12:15

“Na Unwoti ɔdubo bekyuli bani nébu bakya Yerusalem lɛlɔ bunye na babɔku-ma batákya kadi bamba bekyuli akɔ kesii kani na badubusie batánu bati ka ami nábla ala amɛni ƒui.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Mateo 10:3

ku Ƒilipo ku Bartolomeo ku Toma ku kuyi ɔƒɔne Mateo ku Yakobo ɔni ndi Alƒeo ubidi ku Tadeo

Mateo 13:55

Ɔɔɔdi ɔnwine ɔmɛni kani ubidi na ɔdi yoo? Na ɔɔɔdi uni lɛnɔ ndi Maria, na nwuna banwani bananabi lɛnɔ ndi Yakobo ku Yoseƒ ku Simon ku Yuda, na nwuna banwani belekubi lɛnɔ nkya-bu akɔ mɛni yoo?

Mateo 19:28

Yesu ɔ́su-ma ɔnini, “Amii bɛkɛ kayi. Uwi ɔni na ami Ukyuli Ɔyawine Ubi mebo na mina lɛlɔyɔ kemmo na nlie mina lɛgaboku lɛlɔ na kayawi kawɔdi kammɔ kemmo ni, bina leevu-inyɔ bani nsiaku-mi lɛnɔ bɛdubulie agaboku lɛlɔ na bɛdi Israelƒuɔ adukpa leevu-inyɔ lɛlɔ.

Luka 22:30

Bɛdubɔdi na bɛni na mina adila kadikɔ na mina lɛga kadikɔ. Na bɛdubulie bagaboku lɛlɔ na bɛdi Israel kaba leevu-inyɔ kɔmmɔ lɛlɔ.”

Luka 6:15

ku Mateo ku Toma ku Alƒeo ubidi Yakobo ku Simon ɔni bátaalɔ banii ukyuli ɔni mɔɔyɔ́ nwuna ɔma

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Yohane 7:35

Amu na Yudaƒuɔ bammɔ béye lɛlɔ banini, “Wɛ na ukyuli ɔmɛni úsela tɔ ɔsu na bulanu-nwu? Munuu ɔɔkali ka usie Helaƒuɔ lɛma kesii kani na bula kadi bekyuli badi bégyingya bakya na utátina-ma ala na mmɔ?

Batalane Kabla 1:13

Ka bétéduo ɔma kemmo ni, bésie bétéduo bana kakyakɔ. Na bekyuli bani nli mmɔ ndi Petro ku Yohane ku Yakobo ku Andrea ku Ƒilipo ku Toma ku Bartolomeo ku Mateo ku Yakobo ɔni ndi Alƒeo ubidi ku Simon ɔni basɔ baalɔ Selote ku Yakobo ubidi Yuda.

Batalane Kabla 12:17

Amu na ɔ́ya na bába lɛsɛ. Na ɔ́su-ma ala ani nébo ku kalɛ na Unwoti úbedie-nwu ɔ́lɛku ɔtɔ kemmo. Na ɔ́su-ma ɔnii basu Yakobo ku bakladi lɛla lɛni nálɛ. Ɔmɛni kama ni, ɔ́tɔlɔ mmɔ úsie kesii bamba.

Batalane Kabla 15:13

Uwi ɔni na ama báwɔlɔ ni, Yakobo lɛnɔ ɔ́ta únye na ɔ́su ɔnini, “Banwa, bɛkywɛ atu na binu.

Batalane Kabla 15:21

Ɔsika ɔ́si kuuku ni, ala ani na Mose únweni úse mɛni ni, anya na baaká na baasu na Yudaƒuɔ kasalakɔ na lɛnwunameyi biala na lɛma biala kemmo.”

Batalane Kabla 15:23

Na ɔku ɔni na bada bésienku mmɔ kemmo etemila aasu anii, Ɔmɛni ɔ́si abu batalane ku benengu ku banwa bani nkya Yerusalem kudɔ. Bɔnii buugyele amii banwa bani naaadi Yudaƒuɔ na bɛ́si Antiokia ku Siria ku Kilikia.

Batalane Kabla 2:5

Amu na uwi ɔmɛni kemmo kani ni, Yudaƒuɔ bani nási kayawi ekpo ƒui ni, bébo bakya Yerusalem.

Batalane Kabla 21:18

Na ka kadi kégye ni, Paulo útiku-bu na búsie bútánu Yakobo ku Yerusalem baƒɔtaadine benengu.

Batalane Kabla 23:26

Ɔku ɔmɛni ɔ́si ami Klaudio Lisia kudɔ na liti muute awɔ Ɔgadine Ɔbune Ƒelike ku kegye.

Batalane Kabla 26:7

Israelƒuɔ kaba kani ndi leevu-inyɔ mɛni ƒui baakya ɔkplu usien ku ɔƒɛ ka ama lɛnɔ bakɛ lɛnunsia lɛni na ami mbo mɛni. Bula Ɔga Ɔbune, ɔmɛni ɔsu na Yudaƒuɔ baadá-mi kenye.

Batalane Kabla 8:1

Na uwi ɔni na bakya baadú Steƒano ni, Saulo ɔ́kya-ma ogya. Na ɔ́si limeyi lɛmmɔ lɛlɔ ni, bése kalɔ beekpóku baƒɔtaadine bamɛni na Yerusalem. Amu na bana ƒui békeli bésie Yudea ku Samaria. Nsu batalane ama bébu bakya mmɔ.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Galatiƒuɔ 1:19

Ɔmmɔ kama lɛ́sɔ ńtanu ɔtalane ɔdi lɛnɔ, amu ntu Yakobo ɔni ndi Blɔti ɔnwani kani.

Galatiƒuɔ 2:12

Ɔsika asa na bekyuli bani na Yakobo ɔ́tala bɔdububo bebeduo ni, Petro ku banwa bani naaadi Yudaƒuɔ básala baadi. Nsu uwi ɔni kani na ɔ́nu batalane bamɛni ni, ɔ́da bɔdi ɔ́ya na ɔ́ta-ma kudɔ. Ɔsika ɔɔyia kasusu kani na bekyuli bani nékulo ago na badi Yudaƒuɔ mmɔ badubuti bɔsiku-nwu lɛlɔ ɔsu.

Galatiƒuɔ 2:9

Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Lɛkpa Ulu 28:64

Bina Unwoti ɔdubɔya na bigyingya bɛkya kalɔ lɛlɔ ƒui. Mmɔ na bɛdubo baƒiɔ bani na béti egyii ku atabi bánwi bɔkpa, baƒiɔ bani na bina bati kuuku bátakpa kudii.

Lɛkpa Ulu 30:3

bina Unwoti Katɔti ɔdubɔnu-mii kɔnyana. Na ɔdubɔsɔku-mii ɔsiku kesii kani na úgyingya-mii ɔ́kya na kayawi ekpo ekpo ubasala. Na ɔsɔ ɔdubɔya na binwini ala badine lɛnɔ.

Lɛkpa Ulu 32:26

“Lɛ́yɔ ka lɛyila-ma udu kede kede kalɛ na ukyuli biala ulenyimo-ma.

Lɛkpa Ulu 4:27

Na mɔɔsu-mii lɛnɔ nnii, Katɔti ɔdubo-mii bugyingya bɔkya kadi bamba bekyuli akɔ ɔni na bina ɛlɛɛ badi kani ndubo bubu na bana akɔ mmɔ.

Ƒilipiƒuɔ 1:1

Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Timoteo 2 4:21

Kya ɔkplu na ebo ebeduo mɛni asa udu kɔyɔ uwi. Eubulo ku Pude ku Lino ku Klaudia ku baƒɔtaadine banwa bakladi ƒui beegyele-ɔ o-o!

Tito 1:1

Ami Paulo ɔni ndi Katɔti kabla ɔblane ku Yesu Kristo ɔtalane ni, ami muunweni-ɔ ɔku ɔmɛni. Katɔti ɔ́ƒuna-mi na ɔ́tala-mi ɔnii mbunku nwuna bekyuli baƒunadi bɔƒɔtaadi na lɛtɔnku-ma na banu litemi geen lɛni na bula bɔƒɔtaadi ulu ɔɔtina bati.

Petro 1 1:1

Ami Petro ɔni ndi Blɔti Yesu Kristo ɔtalane muunweni ɔku ɔmɛni lite Katɔti baƒɔtaadine bani nátɔlɔ bana lɛma bésie belie Romaƒuɔ kɔlɔ kɔni ndi Ponto ku Galatia ku Kapadokia ku Asia ku Bitinia lɛlɔ.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Budie Taatina 7:4

Na básu-mi ka bekyuli bani na béti Katɔti likposela lɛmmɔ bése-ma likpo na bana atɛntɛ bumomo bɔdubɔbla aani bekyuli mpim eti anyɔ ku aavlene-ine. Na bekyuli bammɔ bási Israel kaba leevu-inyɔ kammɔ kemmo.