Tito 3:5 - Katɔti Ɔku Kedee

⁵ ɔ́ƒɔ-bu. Ɔɔɔdi banii bula lɛbuni lɛni na bɔ́bla ɔsu, mmomu Katɔti ɔkɛ anwu ɔlati kɔnyana bɔnu ɔsu na ɔ́ya na nwuna Kɔyu kɔ́ƒɔ-bu. Kɔyu kɔmmɔ mɔɔsɔku-bu taawɔ na kuute-bu ngba bɔwɔdi, na kɔɔyá na bɔɔbla kedee.

Tito 3:5 ပူးပေါင်းရင်းမြစ်များ

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Hiob 9:20

Si ina ńtaƒiɔ ni, mina kenye etemila ndubo-mi budie bute na adu-mi kɔtɔ.

Kɔgya 130:7

Israel kadi bekyuli ƒui, biti bina anu bɛsia Unwoti lɛlɔ. Ɔsika Unwoti kani mbo lɛƒɔndia uwi ndi uwi, na ɔɔƒɔ́ ukyuli ngba.

Kɔgya 143:2

Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Kɔgya 62:12

Na ami kani mɔɔyɔ́ ukyuli uwi ndi uwi. Na mɔɔƒɔ kayu kani námanku ukyuli biala na nwuna kabla kenye teete-nwu.”

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Yesaia 57:12

Bɛɛkali ka bɛdaku lɛla lɛbuni lɛdi bɔbla taagya, nsu ndubo-mii keyi budie ku bina ablala na bɛnu bina kenyekɔ bɛti.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Luka 1:50

Nwuna kɔnyana bɔnu kuse kute kaba ƒui bekyuli bani mɔɔbu-nwu.

Luka 1:54

Nwuna anumi asia kenye kani na ɔ́su bula bati kuuku úse lɛlɔ, na úbo ɔnii ubebunku Israel kadi bekyuli ƒui.

Luka 1:72

Ɔ́su ka ɔdubɔnu bula bati kuuku kɔnyana na wenyimo bunyimi kedee bɔni nkya ama ku-nwu ntɛ.

Luka 1:78

Bula Katɔti use buɛɛ, na ɔɔnu kɔnyana. Ɔdubɔtala Ɔƒɔne ɔkya-bu ɔni muukeye aani kalɛ na ɔƒɛ ɔɔtu.

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Romaƒuɔ 11:6

Nwuna lɛƒɔndia lɛlɔ na ɔkɛ ɔ́ƒuna-ma, na ɔɔɔdi bana lɛla lɛni bábla ɔsu na ɔ́ƒuna-ma. Na si Katɔti ɔɔƒuna bekyuli na bana kabla bɔbla kenye ni, na nwuna lɛƒɔndia lɛɛɛdi lɛƒɔndia geen.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 3:28

Ɔsika bɔgyi nwaa ka ni, ɔkɛnku bɔƒɔtaadi lɛlɔ kani na ukyuli ɔɔbla siin na Katɔti anumi, na ɔɔɔdi nwuna ɔda bubo bɔmmɔ lɛlɔ bɔdi ɔsu.

Romaƒuɔ 4:5

Nsu na Katɔti kudɔ ni, ukyuli ɔni néteti anu útasia nwuna kabla lɛlɔ mmomu na úti nwuna anu ɔ́sia Katɔti lɛƒɔndia lɛlɔ ni, Katɔti ɔɔnu ukyuli ukpidi ɔmmɔ ka use siin.

Romaƒuɔ 9:11

Nsu ni, Katɔti ubo ulu ɔni na ɔɔsia taaƒuna bekyuli. Na kalɛ na ubo-nwu kemmo lɛni ɔsu ni, Katɔti ɔ́su lɛla lɛdi úse asa na badubɔwɔ nta bamɛni iye asa na nta bammɔ bati lɛbuni ku likpidi. Na ulu ɔni lɛlɔ na ɔɔsia mmɔ ɔɔɔkɛnku bana kabla kadi lɛlɔ. Mmomu ɔ́su Rebeka ɔnini, “Ubi unengudi ɔdubunwini ɔnamudi kabla ɔblane.”

Romaƒuɔ 9:16

Anwuɔsu kalɛ na Katɔti ɔɔnu ukyuli kɔnyana ni, ɔɔɔkɛnku ukyuli ɔmmɔ kabla bɔbla iye tabla lɛlɔ. Mmomu ni, ɔkɛnku kalɛ na Katɔti ɔlati ɔɔnu kɔnyana lɛlɔ.

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Eƒesoƒuɔ 2:4

Nsu ka Katɔti ɔɔnu-bu kɔnyana pii na nwuna bɔyɔ bɔni na ubo úte-bu lɛnɔ bumomo ɔsu ni,

Eƒesoƒuɔ 4:23

Na bɛya na Katɔti Kɔyu kɔsɔku-mii kakali ɔbla ɔwɔdi.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Lɛkpa Ulu 9:5

Na ɔɔɔdi ka bɛdi bekyuli babuni na bɛɛbla ala ani nse siin ɔsu na Unwoti ɔ́ya na bísie bitéti bana kalɔ bínwini bina kadikɔ. Mmomu Unwoti ɔdubo-ma bɔbɔku, ɔsika bekyuli bammɔ badi bekyuli bekpidi. Na ka ɔɔyɔ́ ka ɔdi nwuna linyese lɛlɔ ute bina bati kuuku bani ndi Abraham ku Isak ku Yakob lɛnɔ ɔsu na ɔɔbɔku bekyuli bammɔ.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Tito 3:4

Nsu uwi ɔni na Blɔti, bula Ɔƒɔne, údie nwuna lɛƒɔndia ku bɔyɔ ɔ́tina-bu ni,

Hebriƒuɔ 10:22

bɛya na bɔni bude Katɔti ku kayi kani naaatɔlɔ-bu na bɔda bɔƒɔtaadi bɔmmɔ kpakplaa. Yesu ɔ́kuna nwuna ubugya ɔmmɔ úwi-bu lɛlɔ kalɛ na bula kayi kaládu-bu kɔtɔ. Na úti ntu bɔni nse sɛɛn ɔ́ƒɔ-bu lɛlɔ ƒui.

Hebriƒuɔ 4:16

Anwuɔsu bɛya na buti bula lɛlɔ ƒui bute-nwu na bɔkpɛ bude-nwu na nwuna lɛgaboku kudɔ ku kayi buse ka ubo lɛƒɔndia ɔsu. Na ɔkɛnku nwuna lɛƒɔndia ɔsu ni, ɔdubɔnu-bu kɔnyana na ubunku-bu uwi biala na búvele-nwu lɛla lɛdi.

Hebriƒuɔ 6:6

si béni bana bɔƒɔtaadi na Katɔti lɛlɔ ni, basɔ balakana na benwini kayi. Ɔsika basɔ baakana Katɔti Ubidi ɔmmɔ taamana ugyii lɛlɔ na baakya-nwu kɔƒa na kadi ƒui anumi.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.