Tito 3:3 - Katɔti Ɔku Kedee

³ Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Tito 3:3 ပူးပေါင်းရင်းမြစ်များ

Ala Kalɔ Buse 38:9

Ɔƒɛni ni, Onan ɔgyi ka si anwu ku ɔnwani ulekudi ɔmmɔ báwɔ ni, bebi bammɔ baaadi anwu ɔlati badi. Ɔmmɔ ɔsu si baatɛ na lɛlɔ ntu bɔdubo-nwu ni, na ɔ́ta uleku ɔmmɔ lɛlɔ na ntu bɔmmɔ buwi kalɔ kalɛ na uleku ɔmmɔ ulada kaƒɔ na ɔwɔ ute ɔnwani.

Ala Kalɔ Buse 39:16

Uleku ɔmɛni ɔ́da awu ɔmmɔ ɔ́va nwuna ɔƒɛnyi útédu ka ɔgyani úbo kaduli.

Kɔgya 36:2

Na kalɛ na baanu lɛlɔ katɔ katɔ ɔsu ni, bana likyulikpi líse-ma lisusu na balánu alaekpidi ani na baabla taati na beni-nya.

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Agba 9:6

Na bɛda bina adɔlɔla bɔbla bɛya na bise kalɔ ku ngba geen bulie na bɛda anu lɛnɔ.”

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Obadia 1:3

Lɛmɛnɛ likpludi kani na bilie bɛɛkun na abi eli, na atakpɛ akɔ kesii kani na bɛɛkali bɛnii bɛ́kɛ kagyumanakɔ mmɔ na bɛɛsu bɛnii, ‘Ukyuli ɔdi ulakana-bu bɔni bɔsiku mɛni buboku kalɔ na ɔdi-bu lɛlɔ.’

Mateo 21:29

“Amu na ubi ɔmmɔ údie ɔti ɔda ɔnii, ‘Lɛɛɛdubo busie.’ Nsu kama ni, ɔ́vumana kasusu na úsie.

Luka 21:8

Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Yohane 8:34

Amu na Yesu ɔ́su-ma ɔnini, “Mɔɔsu-mii geen ka ni, ukyuli biala ɔni mɔɔbla likpidi ni, ɔkya likpidi kalɔ.

Romaƒuɔ 11:30

Na amii bani naaadi Yudaƒuɔ ni, kalɛ na bɛ́ƒiɔ Katɔti uwi ɔdi nábavi kemmo nsu ɔƒɛni Katɔti ɔ́nu-mii kɔnyana na Yudaƒuɔ atuɔkplu ɔsu ni,

Romaƒuɔ 6:12

Anwuɔsu bitaya na likpidi lɛdi bina ɔlɔna ɔni ndubukpi mɛni lɛlɔ, kalɛ na bilanyonu lɛlɔ bilete ɔlɔna ɔkwɛ adala ekpidi.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Romaƒuɔ 6:22

Nsu ɔƒɛni ni, bɛ́lɛ ekpidi enu kemmo na bɛ́kɛ bɔnwuna. Na bínwini Katɔti kabla bablane. Ɔmmɔ ɔsu kɔsia kɔni na bɛɛkɛ́ ndi ɔni na bíti lɛlɔ bíte-nwu ƒui na bɛɛbla kedee kalɛ na bɛkɛ ngba bɔni nsɔ naaadubo bɔsa kudii.

Romaƒuɔ 6:6

Na bɔgyi ka bula udu ɔkukudi ɔmmɔ ku Kristo na bákana bámana ugyii lɛlɔ kalɛ na likyulikpi lɛyii udu na bula lɛlɔ, na bula ɔlɔna ɔsɔ ulenye ulátaabla likpidi kabla.

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Galatiƒuɔ 6:3

Na si ɔdi ɔɔnu lɛlɔ ka ɔdi lɛla lɛdi nsu ɔɔɔdi lɛla biala ni, ukyuli ɔmmɔ ɔɔtɔ́lɔ lɛlɔ.

Koloseƒuɔ 1:21

Na uwi ɔdi nábavi kemmo ni, bínwini kama bɛ́kya Katɔti na bíkisi-nwu na bina kasusu kemmo ɔ́si ala ekpidi ku kasusu kekpidi kani na bɛ́bla ɔsu.

Koloseƒuɔ 3:7

Na uwi ɔdi návi kemmo ni, ngba bɔmmɔ udu na bílie.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Timoteo 2 3:6

Ɔsika bekyuli bamɛni udu ni, baabɛ́ teeduo bekyuli kɔduli na baadi beleku bani naaakana bana lɛlɔ bɔda lɛlɔ, ɔsika ekpidi lidu lidu bɔbla bɔ́ya na beeebo bunwini teewi.

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Tito 2:12

Lɛƒɔndia lɛmmɔ mɔɔtina-bu ka ɔlɛka bɔda atu budie ngba bukpidi bulie kemmo ku kayawi ala keeke kama bɔsiaku. Na bɔda lɛlɔ kaduɛ, na bulie ngba bɔbuni, na bɔbla lɛlɔ kedee na kayawi kamɛni kemmo.

Yakobo 1:26

Si ukyuli ɔdi ɔɔkali ɔnii ɔdi ɔƒɔtaadine buni na ulákana nwuna unyemi bɔda ni, ɔɔtɔ́lɔ lɛlɔ na nwuna bɔƒɔtaadi bɔmmɔ buuubo kɔsia kɔdi.

Petro 1 1:14

Binu Katɔti litemi, na bɛda udu ukpidi ɔni kemmo na bɛ́kya uwi ɔni na bítenwini tɔ baƒɔtaadine mmɔ bɛya.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Budie Taatina 13:14

Ɔ́tɔlɔ bekyuli bani ƒui nlie kalɔ lɛlɔ na nwuna akɔla bɔbla ani na ɔ́bla ɔkɛnku eƒiebuo udeedi ɔmmɔ lɛlɔ ɔsu. Ɔ́ya na bekyuli bammɔ bése baƒiɔ badi béte lɛlɔ, na bávɔ-ma na bese aani eƒiebuo udeedi ɔni náƒɔ ɔlɛ ka bébeyi-nwu ɔkɛɛ nsu ɔmu uli ngba.

Budie Taatina 18:2

Amu na ɔ́va ku lɛdi momoomo ɔnini, “Úbuli o-o! Babilon ɔni náƒɔ lɛnyi geen mmɔ úbuli! Na ɔ́ta únwini ayu ekpidi ƒui kabɛkɔ. Mmɔ na ayu ekpidi ku begbini ku baasɛ bani muusé lɛlɔ ƒui bakya.