Tito 3:14 - Katɔti Ɔku Kedee

¹⁴ Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Tito 3:14 ပူးပေါင်းရင်းမြစ်များ

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Mateo 21:19

Na ka ɔ́nu kɔdingyii kɔdi na ulu kudɔ mmɔ ni, údeyi úsie mmɔ. Nsu útanu lɛla lɛdi útetulo kuna evete. Anwuɔsu ɔ́su kugyii kɔmmɔ ɔnini, “Asɔ alanwu ebi adi kudii lɛnɔ.” Kɔnakunwi ni, kɔdingyii kɔmmɔ kúse kalɔ kɔɔyɛyɛ.

Mateo 7:19

Kugyii kɔdi biala na kulánwu ebi abuni ni, baadá-ku na beeti-ku taakya ogya.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 15:8

Na si bɛ́nwu ebi pii ni, ɔmɛni ɔɔyá na bekyuli baakɔliku mina Ɔti lɛnyi katɔ. Na ɔmmɔ ɔɔtina lɛnɔ ka bɛdi mina batɛyane.

Batalane Kabla 18:3

na ɔ́kya-ma kudɔ úteebunku-ma na bebuo lɛku bɔka kabla kani na anwu lɛnɔ ɔɔbla taadi kemmo.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Romaƒuɔ 12:13

Bile bina lɛlɔ ala bite Katɔti bekyuli bani neeebo lɛla lɛdi. Na bɛgyingya enu na bɛƒɔ baƒɔ.

Romaƒuɔ 15:28

Anwuɔsu si lɛ́bla kabla kamɛni lɛ́wɔlɔ na bákɛ ala ani na béyi mmɔ ni, ndubusie Spania na ndubɔsia-mii kudɔ mmɔ si lísela.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 4:16

Na ɔni lɛ́kya Tesalonika muedi ni, ka mɔɔwia kebunku ni, bíbunku-mi bítulo kunwi.

Ƒilipiƒuɔ 4:17

Na ɔɔɔdi etela na mɔɔwia lite lɛlɔ, mmomu lɛla lɛni mete-mii kɔsia na katɔ na mɔɔsia anu.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Tesalonikaƒuɔ 1 2:9

Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Tesalonikaƒuɔ 2 3:8

Búteti bula etila bútasia ɔdi lɛlɔ. Na mmomu bɔ́bla kabla kpakplaa usien ku ɔƒɛ ɔni na ɔdi útebo bula lɛlɔ bɔnu kayu.

Tito 2:8

Ti kalɛ na atɛmiku bekyuli ku etemila ani mbo ɔbu kalɛ na beledie-ɔ bɔƒiɔ bɔdi, na ƒula bekisine lɛnɔ balasu lɛla lɛdi balásiku-bu lɛlɔ, mmomu na kɔƒa kukpo-ma.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Petro 2 1:8

Ɔsika si ala amɛni ƒui ásadi éte-mii na bítayuɛ ni, adubɔya na bɛkana bitaabla kabla na bɛnwu ebi buni ka bɛ́ti Blɔti Yesu Kristo ɔmmɔ ƒui ɔsu.