Tito 3:13 - Katɔti Ɔku Kedee

¹³ Kya ɔkplu na ebunku Sena ɔni mɔɔtɛ litemi teedie bekyuli ku Apolo na bataaklibi lɛlɔ teete bana ulu busie. Na anu ka bákɛ lɛla biala lɛni baawia.

Tito 3:13 ပူးပေါင်းရင်းမြစ်များ

Mateo 22:35

Na bana kemmo unwi ɔni ndi ɔda bubo ala ɔtinane ɔ́wia ɔnii uuye Yesu litemi lɛdi na uti ɔkywɛ-nwu kakpagyuɛ. Ɔ́su ɔnini,

Luka 10:25

Mmɔ na ɔda bubo ala ɔtinane ɔdi úbo ku kasusu ka ɔkɔku Yesu ɔnu. Na úye-nwu ɔnini, “Ala ɔtinane, bi na ɔlɛka lɛbla asa lɛkɛ ngba ƒui?”

Luka 11:45

Amu na ɔda bubo ala batinane akɔ unwi ɔ́su-nwu ɔnini, “Ala ɔtinane, si ásu ɔmɛni ni, eedumi abu lɛnɔ.”

Luka 11:52

“Bɔbuɛ muute amii ɔda bubo ala batinane! Ɔsika ɔtɔ ɔni kemmo na lɛnunda lɛkya ni, bɛ́kalɛ kayakun kammɔ bíse. Nsu amii alati bini bɛnii bileduo. Na biitile bekyuli bamba bani mɔɔwia beduo lɛnɔ kuƒi.”

Luka 14:3

Amu na Yesu úye ɔda bubo ala batinane ku Ƒarisiƒuɔ bammɔ ɔnini, “Bula ɔda bubo búte-bu ulu ka bɔbwi ukyuli na lɛnwunameyi lɛlɔ, munuu bútete-bu ulu?”

Luka 7:30

Nsu Ƒarisiƒuɔ ku ɔda bubo ala batinane béni lɛla lɛni ndi Katɔti lɛyɔla, na bátatuna ka Yohane ɔkpila-ma ntu.

Batalane Kabla 15:3

Anwuɔsu ka baƒɔtaadine bamɛni ƒui bésie-ma ulu bétédu kabanye ni, bátɔlɔ bésie Ƒoinike ku Samaria lɛma kemmo na bátávi baƒɔtaadine bani nkya mmɔ lɛlɔ. Na básu-ma ka ɔƒaani ni, ama bani naaadi Yudaƒuɔ lɛnɔ béti lɛlɔ béte Blɔti. Na litemi lɛmɛni lɛ́ya na bana ƒui bákɛ ebiti geen.

Batalane Kabla 18:24

Amu na Yudani ɔdi úbo Eƒeso. Anwu baalɔ Apolo, na báwɔ-nwu na Aleksandria. Ɔdi ukyuli ɔni na kenye káda-nwu, na ɔgyi Bunweni Kedee Ɔku kemmo etemila lɛnɔ.

Batalane Kabla 19:1

Amu uwi ɔni na Apolo ɔkya Korinto ni, Paulo lɛnɔ útávi lɛgba ulu ɔtɔdi, na útédu Eƒeso. Mmɔ na útánu baƒɔtaadine badi.

Batalane Kabla 21:5

Amu na uwi ɔni na búlie-ma kudɔ bɔ́wɔlɔ na búsela ni, baƒɔtaadine bamɛni ku bana beleku ku bebi ƒui béti-bu bétésie ɛpu kɔtu, na bula ƒui bɔ́lɛ akɔnkɔ na bɔ́kpali katɔ.

Batalane Kabla 28:10

Na ablala amɛni ɔsu ni, bébete-bu etela pii. Na ɔni na uwi údu ka bɔtɔlɔ mmɔ ni, béti etela ani ƒui bɔdubuti bɔda ulu béboku-bu.

Romaƒuɔ 15:24

lɛ́bla kasusu ka lɛsia-mii kudɔ si lɛ́vi lísela Spania. Mɔɔwia ka lɛsia-mii kudɔ si mɔɔví na bibunku-mi na mina mmɔ busie kemmo si lɛ́kya-mii kudɔ na bɔ́kya lɛlɔ ebiti uwi klukui ɔdi.

Korintoƒuɔ 1 16:11

Ɔdi biala utanu-nwu anumi klukui. Mmomu bibunku-nwu na usie anumi na nwuna ulu busie kemmo ku keyi buɛɛ kalɛ na wasɔ wenwini webo-mi kudɔ. Ɔsika mɔɔnu-nwu anumi ka unwini ubo ku nwuna banwa baƒɔtaadine.

Korintoƒuɔ 1 16:12

Ɔƒɛni na bula ɔnwa Apolo litemi lɛlɔ ni, lɛ́ɛkya-nwu ogya kɔlɛ kɔlɛ ka ubo-mii kudɔ ku banwa badi. Nsu útenu tɔ kalɔ kaduɛ ka ubo uwi ɔmɛni kemmo. Nsu lɛ́ƒɔ lɛ́di ka si kuƒi kɔ́tɛ ni, ɔdububo.