Tito 3:1 - Katɔti Ɔku Kedee

¹ Na aya na bana ƒui benyimo na beboku lɛlɔ kalɔ bete bana batɔnkune ku lɛlɔ badine, na benu-ma litemi, na bataabla lɛbuni na ulu biala lɛlɔ.

Tito 3:1 ပူးပေါင်းရင်းမြစ်များ

Agba 24:21

Ubi, yia Unwoti ku ɔga ɔni mɔɔdi-mii lɛlɔ. Na bekyuli bani náta bénye lɛlɔ badine lɛlɔ ni, tadiku-ma kɔkpana.

Etemila 10:4

Si ƒula ɔtɔnkune ɔ́kɛ kɔnyi ɔ́kya-a ni, teni ƒula kabla na ada-ka ewi. Ɔsika lɛlɔ kalɔ buboku buɛɛ uutile na uuboku kɔnyi ku ala pii kalɔ.

Yesaia 43:26

Bibo bibasiaku-mi na litemi katɛkɔ na bidie lɛlɔ kenye ka amii ɔdi ɔ́tɛ na bítaƒiɔ.

Yeremia 27:17

Na si bɛ́tunaku lɛlɔ ka binu Babilonƒuɔ ɔga litemi ni, bɛdubɔkɛ bina ngba bilie. Nsu si kenye bediene bammɔ mmomu litemi na bíti bɔdi ni, ɔma unengudi ɔmmɔ ƒui ɔdubunwini kebu alakpi litili bonwu.

Mateo 22:21

Amu na bédie kenye banini, “Ɔga Unengudi Kaesare na ɔdi.” Anwuɔsu Yesu ɔ́su-ma ɔnini, “Biti lɛla lɛni ndi Kaesare lɛdi bite Kaesare. Na biti lɛla lɛni ndi Katɔti lɛdi bite Katɔti.”

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Lɛkpa Ulu 17:12

Na ukyuli biala na ɔnii ulénu litemi ɔtɛne iye Katɔti ɔkpane litemi lɛni bátɛ mmɔ kalɔ ni, na bebo-nwu badu. Na bitaada bekyuli likpidi lɛmɛni udu teedie bina akɔ.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Timoteo 1 2:2

Na bitaakpali katɔ teete baga ku bekyuli bani ƒui mɔɔdi bekyuli lɛlɔ kalɛ na bula ƒui bɔkɛ atu bɔyɔ ku keyi buɛɛ. Na buboku lɛlɔ kalɔ bute Katɔti na buti ɔbu bute ukyuli biala.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Timoteo 2 1:6

Kasusu kamɛni geen ɔsu na muunyimene-ɔ kalɛ na ada litela lɛni na Katɔti úte-ɔ kpakplaa uwi ɔni na líti mina enu lɛ́sia-a lɛlɔ na lɛ́kpali katɔ.

Timoteo 2 2:14

Ya na beteenyimo ala amɛni na alɛ-ma kpakplaa na Katɔti anumi anii batataakya unyeƒi. Ɔsika kɔsia kɔdi kulálɛ ɔmmɔ kemmo. Mmomu ɔdubɔya na bekyuli bani muunú ala ammɔ bɔƒɔtaadi bɔyuɛ.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Petro 2 1:12

Ina ka bɛgyi ala amɛni na éedie litu na bina lɛlɔ kemmo muedi ni, ndubɔsɔ lɛya na biteenyimo-nya na ɔmɛni ɔsu.

Yuda 1:5

Bɛgyi ɔmɛni, nsu nsɔ mɔɔsu-mii ka uwi ɔni na Katɔti údie Israelƒuɔ ɔ́siku Egyipte kalɔ lɛlɔ ni, ɔ́du bani nátaƒɔ-nwu bátadi ƒui.