Tito 2:8 - Katɔti Ɔku Kedee

⁸ Ti kalɛ na atɛmiku bekyuli ku etemila ani mbo ɔbu kalɛ na beledie-ɔ bɔƒiɔ bɔdi, na ƒula bekisine lɛnɔ balasu lɛla lɛdi balásiku-bu lɛlɔ, mmomu na kɔƒa kukpo-ma.

Tito 2:8 ပူးပေါင်းရင်းမြစ်များ

Nehemia 5:9

Amu na lísie anumi na lɛ́su-ma nnini, “Lɛla lɛni na bɛɛbla mmɔ lɛɛɛdia munu munu! Na dɛ ɔsu na útalɛka bɛbla ala na Katɔti ulu lɛlɔ, kalɛ na Unwoti ulanyonu-bu ulakya bula bekisine bani naaadi Yudaƒuɔ enu kemmo?

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Marko 12:17

Amu na Yesu ɔ́su-ma ɔnini, “Amu ni, biti lɛla lɛni ndi Kaesare lɛdi bite-nwu. Na biti lɛla lɛni ndi Katɔti lɛdi bite Katɔti.” Ɔmɛni ɔsu ni, bébimi bana inye béwi, ɔsika ɔ́bla-ma dɛye dɛye.

Marko 12:28

Amu na ɔda bubo ala ɔtinane ɔni nnye mmɔ únu kɔtɛ kɔni badaku. Na únu ka Yesu údie lɛla lɛmɛni kemmo kaduɛ. Anwuɔsu ɔ́ni úde Yesu na úye-nwu ɔnini, “Ɔda bubo bɔmani ndi bunengudi ƒui na ɔda bubo ƒui akɔ?”

Marko 12:32

Amu na ɔnana ɔmmɔ údie kenye ɔnini, “Ala ɔtinane, ásu kaduɛ! Sɔsɔ na ɔdi aani kalɛ na áasu ka Unwoti lɛti pɛ ndi Katɔti, na Katɔti ɔbambadi ɔsɔ uuubo ntu anwu lɛti pɛ.

Marko 12:34

Ka Yesu únu lɛnunda ala ani kalɔ na ɔnana ɔmɛni údie ni, ɔ́su-nwu ɔnini, “Awɔ ni, kébu blii asa na eduo Katɔti lɛga bɔdi kemmo.” Ɔmɛni kama ni, ukyuli ɔdi ɔ́sɔ útese kayi ɔnii uuye Yesu lɛla lɛdi lɛnɔ.

Luka 13:17

Kenye kani na Yesu údie mɛni ɔ́ya na kɔƒa kúkpo nwuna bekisine, na bekyuli bakladi bákɛ ebiti na akɔla budie taatina ani ƒui na ɔ́bla ɔsu.

Tesalonikaƒuɔ 2 3:14

Na si ukyuli ɔdi ulábla taasiaku litemi lɛni na bɔ́su-mii na ɔku ɔmɛni kemmo lɛlɔ ni, bise-nwu likpo na bɛda lɛlɔ bɛmami-nwu lɛlɔ na kɔƒa kukpo-nwu.

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Timoteo 1 6:3

Si ukyuli ɔdi ɔɔtina ala bamba ani naaasiaku bula bɔƒɔtaadi ulu ɔni nkɛnku Blɔti Yesu Kristo litemi geen lɛlɔ ni, ukyuli ɔmmɔ ɔɔtalaku lɛlɔ katɔ na ɔɔɔgyi lɛla lɛdi. Unyeƒi ukpludi ku kadɔ kani na ɔɔkya. Ɔmɛni ɔɔyá na anumi ekpidi eegyie bekyuli, na baadɔ, na beedumi lɛlɔ, na beeti lɛlɔ kasusu kekpidi.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 2:15

Ɔsika lɛni na Katɔti ɔɔyɔ́ ɔnii bɛbla lɛbuni na biti bɛdu ala ani na badɔlɔdi baasu kɔƒa ka baaagyi lɛla lɛdi ɔsu.

Petro 1 3:16

Bɛya na bina kayi kemmo keteese ƒaa uwi biala kalɛ na si beedumi-mii ka bɛsiaku Kristo kama ni, na kɔƒa kukpo bekyuli bani mɔɔlɔ-mii anyikpi mmɔ.