Tito 2:3 - Katɔti Ɔku Kedee

³ Lɛni kani na beleku benengu bammɔ lɛnɔ ni, tina-ma anii belie ngba bɔni námanku beleku bani nse kedee ka belie. Na batataalɔ bekyuli anyikpi. Na ntɛ bɔni lɛnɔ butadi-ma lɛlɔ. Mmomu batina bekyuli udu buni.

Tito 2:3 ပူးပေါင်းရင်းမြစ်များ

Romaƒuɔ 1:29

Na likyulikpi ala bɔbla bɔ́ƒɔ-ma lɛlɔ kemmo ƒui. Na anya ndi alaekpidi bɔbla ku ɔdivo ku kalala. Na lɛnungyie na bekyuli bamba ala lɛlɔ ku ukyuli bɔdu ku kekpo ku ɔkɔ bɔnyi ku lɛlɔ bule ati ati bɔ́ƒɔ-ma lɛlɔ kemmo. Na beeti lɛlɔ kasusu kekpidi. Na beekeyi atɛ.

Romaƒuɔ 16:2

Na muuvele-mii nnii bigyingya enu na bɛƒɔ-nwu na Blɔti lɛnyi kemmo na ulu ɔni námanku Katɔti bekyuli lɛlɔ. Bite-nwu kebunku biala na wawia wasiku-mii kudɔ, ɔsika úte bekyuli pii kebunku ku ami lɛnɔ.

Eƒesoƒuɔ 5:3

Ka Katɔti bebi bɛdi ɔsu ni, bɛda lɛlɔ bidie lɛsɔnɔdi ku lɛyalɛ ku lɛnungyie ƒui kemmo. Ɔsika ala amɛni udu átamanku ka balɔ-nya anyi muedi na Katɔti bekyuli kedee akɔ.

Timoteo 1 3:11

Bana beleku lɛnɔ ni, ɔlɛka babla beleku bani nda udu buni, na baaadi bekyuli lɛlɔ atɛ batɛmine. Mmomu ɔlɛka babla beleku bani náda anu, na baabla lɛla biala kaduɛ.

Timoteo 1 3:8

Na baƒɔtaadine kasala bebunkune ni, ama lɛnɔ ɔlɛka babla bekyuli bani nda udu buni, na bada kabla kammɔ lɛnɔ kpakplaa. Na badi bekyuli bani naaani ntɛ teekpi, na anumi elégyie-ma na egulabi lɛlɔ.

Timoteo 1 5:23

Na ƒula kaƒɔ ɔlɛ ɔsu ni, tasu anii ataani ntu lɛti. Ɔdia ka ataani ntɛ blii blii kuvo kalɛ.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Tito 2:4

Na batina begblebi bani nlie agya ala kalɛ na bataayɔ bana bagya ku bana bebi lɛnɔ.

Hebriƒuɔ 5:12

Sɔsɔ ni, ɔƒɛni kalɛ bene nka bɛdi ala batinane muedi. Nsu bɛsɔ bɛɛwia ukyuli ɔni nsɔ medie Katɔti litemi buni lɛmmɔ ala kalɔ kesekɔ mete-mii. Ɔni na bɛwia adila geen kama ni, bɛɛwia lɛnyi ntu mmomu.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.