Tito 2:14 - Katɔti Ɔku Kedee

¹⁴ Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 2:14 ပူးပေါင်းရင်းမြစ်များ

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Kɔgya 130:8

Na anwu ɔlati ɔdubɔƒɔ Israel ɔlɛku bana ekpidi ani ƒui na baabla kemmo.

Kɔgya 135:4

Unwoti Katɔti ɔlati náƒuna Yakob úte lɛlɔ. Na ɔ́ƒuna Israel kadi ka babla nwuna bekyuli.

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Esekiel 37:23

Basɔ baaadubo baƒiɔ bɔkpa na bataabla ala ani ndubɔya na naaakana-ma bɔƒɔ aani mina bekyuli. Ndubɔƒɔ bana ekpidi lidie-ma lɛlɔ ƒui na babla sɛɛn. Na ndubo-ma bɔgyumana bɔsiku lɛla biala na mɔɔyá na beesé-mi lɛlɔ kudɔ. Na benwini mina bekyuli na ami lɛnɔ linwini bana Katɔti.

Lewiƒuɔ Ɔda Bubo 25:41

Ɔmmɔ kama ɔlɛka banyonu ɔwabane ɔmmɔ ku nwuna bebi na basɔ benwini besie betéduo bana ɔtɔ bekyuli akɔ na basɔ betéti bana bati akɛla.

Malakai 3:3

Unwoti ɔdubo Lewi bebi ku bawɔ lɛlɔ bɔƒɔ na babla sɛɛn aani sika ɔƒualadi iye ugyiedi. Na ɔmmɔ kama na beti akpala ani nse sɛɛn beboku Unwoti.

Bumomo Bɔka 25:13

Na nwuna bekyuli ndubo bakpane kabla bɔbla usela uwi ƒui. Ɔsika úkpo kɔgyulo úte-mi na ɔkɛnku ɔmmɔ ɔsu ɔ́ya na líti likpidi lɛni bekyuli bammɔ babla lɛkyiɛ-ma.”

Bumomo Bɔka 7:15

na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Batalane Kabla 15:14

Simon Petro únyimene-bu kudeedi kɔni na Katɔti údie nwuna bɔyɔ ɔ́tina bekyuli bani naaadi Yudaƒuɔ na ɔ́ƒuna bana akɔ badi.

Batalane Kabla 15:9

Útakya kavumana kadi na abu ku-ma ntɛ, ɔsika ɔ́ƒɔ-ma na bana bɔƒɔtaadi ɔsu. Na úti bana ekpidi ɔ́kyiɛ-ma aani abu kalɛ.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Eƒesoƒuɔ 1:11

Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Lɛkpa Ulu 14:2

Ɔsika amii bɛdi Unwoti Katɔti ɔdi na anwu náƒuna-mii ɔ́lɛku kadi bamba bekyuli akɔ na kalɔ lɛlɔ ƒui ka bɛbla nwuna ɔdi.

Lɛkpa Ulu 26:18

Na ɔmwi kadi ni, Unwoti lɛnɔ ɔ́lɛ ugyii ka bɛdi nwuna bekyuli aani kalɛ na ɔ́su úse. Na ɔɔsu-mii ɔnii bɛdi nwuna ɔda bubo ƒui lɛlɔ.

Lɛkpa Ulu 4:20

Nsu amii amu ni, Katɔti nékpo údie-mii ɔ́lɛku lɛbibo lɛni mɔɔda aani ogya gaganga kemmo na Egyipte kalɔ ka bɛbla nwuna bekyuli bani na bɛdi ɔmwi mɛni.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Timoteo 1 2:10

Mmomu ni, bana ɔbladu ɔbuni udie-ma ɔtina aani beleku bani mɔɔsu banii basiaku Blɔti.

Timoteo 1 2:6

Anwu néti lɛlɔ ɔ́kpa na bayawine ƒui lili. Na Yesu ɔ́bla ɔmɛni na uwi ɔni lɛlɔ geen na Katɔti úse ka udie nwuna bekyuli bɔƒɔ keyi ɔtina bayawine ƒui.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Hebriƒuɔ 10:24

Na butaabu taanu ulu ɔni lɛlɔ na bɔdubɔkana na bɔkya lɛlɔ ogya, na butaayɔ bekyuli, na butaabla ala abuni.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Yakobo 4:8

Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!

Petro 1 1:18

Ɔsika bɛgyi ka kayu kani na Katɔti ɔ́ƒɔ na bina lili asa na údie-mii ɔ́lɛku ngba bukpidi bɔni na bɛ́ƒɔ bɛ́siku bina bati kuuku kudɔ ni, ɔɔɔdi sika ugyiedi iye ɔƒualadi ɔni muutili na ɔdi.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.