Tito 2:12 - Katɔti Ɔku Kedee

¹² Lɛƒɔndia lɛmmɔ mɔɔtina-bu ka ɔlɛka bɔda atu budie ngba bukpidi bulie kemmo ku kayawi ala keeke kama bɔsiaku. Na bɔda lɛlɔ kaduɛ, na bulie ngba bɔbuni, na bɔbla lɛlɔ kedee na kayawi kamɛni kemmo.

Tito 2:12 ပူးပေါင်းရင်းမြစ်များ

Kɔgya 105:45

Ɔ́bla ɔmɛni úte-ma kalɛ na basia anu na badi nwuna etemila ku ɔda bubo lɛlɔ. Bɛya na bumwi Unwoti.

Kɔgya 4:3

Bitayiƒala ka Unwoti Katɔti ɔɔda bekyuli bani nsiaku-nwu kama siin aani anwu badi. Uunú-mi bɔkpali si muuvele-nwu lɛla lɛdi.

Esekiel 36:27

Ɔsika ndubuti mina kɔyu lite-mii na lɛya na mina litemi lɛlɔ bɔdi ku ala ani mɔɔtina-mii kama bɔsia kɔka kutaada-mii.

Mateo 12:32

Na ukyuli ɔni ndubɔlɔ Ukyuli Ɔyawine Ubi anyikpi adi ni, Katɔti ɔdubuti ɔkyiɛ-nwu. Nsu uleti anyikpi ani na ukyuli ɔdi ɔdubɔlɔ Katɔti Kɔyu ulakyiɛ-nwu na ngba bɔmɛni kemmo iye bɔni ndububo kemmo lɛnɔ.

Mateo 16:24

Amu na Yesu ɔ́su nwuna batɛyane ɔnini, “Si ukyuli ɔdi ɔɔwia ka ɔsiaku-mi kama ni, ɔlɛka udie nwuna lɛlɔ atu na ubo abi na ɔsiaku-mi kama.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Luka 1:75

Na ɔdubɔbla-bu kedee na buse siin na nwuna anumi na bula ngba emeyi kemmo ƒui.

Yohane 14:30

Nsɔ naaakana-mii bɔtɛmiku gyɔlɔɔ. Ɔsika ukyuli ɔni mɔɔdi kayawi kamɛni lɛlɔ ni, ɔ́si ɔdubo. Na uuubo ɔyikun ɔdi na mina lɛlɔ.

Yohane 6:25

Ka bánu Yesu na ɛpu ɔvi ɔmmɔ ni, béye-nwu banini, “Ala ɔtinane, uwi ɔmani na ébo mɛni?”

Batalane Kabla 24:16

Na ɔ́si ɔmɛni ɔsu ni, mɔɔkya ɔkplu ka lɛbla mina kasusu kemmo nwaa na Katɔti ku bayawine ƒui anumi.

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Romaƒuɔ 6:12

Anwuɔsu bitaya na likpidi lɛdi bina ɔlɔna ɔni ndubukpi mɛni lɛlɔ, kalɛ na bilanyonu lɛlɔ bilete ɔlɔna ɔkwɛ adala ekpidi.

Romaƒuɔ 6:19

Mɔɔyɔ́ ka lɛsia kalɛ na bekyuli baatɛmi kenye na lidie ɔmɛni kalɔ lite-mii na ɔbla-mii kpɛtɛ kpɛtɛ. Na uwi ɔni nábavi kemmo ni, bɛ́nyonu lɛlɔ ƒui bíte alaekpidi bɔbla ku ala ani muusé lɛlɔ ku likyulikpi ala bɔbla. Lɛni kani na ɔlɛka biti lɛlɔ ƒui bite siin bɔbla na bɛbla kedee.

Romaƒuɔ 8:13

Si bɛsiaku likyulikpi udu ala bɔbla kama ni, bɛdubo bukpi. Nsu si bɛkɛnku Katɔti Kɔyu lɛlɔ na bɛ́du bina ɔlɔna udu ukpidi ɔmmɔ ni, bɛdubɔkɛ ngba.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Tesalonikaƒuɔ 1 4:7

Katɔti ɔ́lɔ-bu ka bɔbla bekyuli kedee. Anwuɔsu bɛya bɔda lɛlɔ budie kɔbɔ ala bɔbla kemmo.

Tesalonikaƒuɔ 1 4:9

Na bina banwa baƒɔtaadine lɛlɔ bɔyɔ ni, útalɛka bunweni-mii lɛla lɛdi na ɔmmɔ lɛlɔ. Ɔsika Katɔti ɔ́tina-mii ɔmɛni ƒui.

Timoteo 1 4:12

Taya na ukyuli ɔdi ɔnu-ɔ ɔnii ásɔ ka adi ɔnamu ɔsu. Mmomu ni, nwini asogya te baƒɔtaadine bammɔ ƒui na ƒula kɔtɛ ku udu ku ƒula bekyuli bɔyɔ ku bɔƒɔtaadi kemmo ku ƒula kedee bulie lɛnɔ kemmo.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Timoteo 1 6:9

Nsu bekyuli bani na anumi eegyie-ma na lɛkɛ lɛlɔ ni, baanú kakpagyuɛ kani na Satan ɔ́kywɛ-ma. Na beeduo adɔlɔla bɔbla kemmo, na ɔlɔna alaekpidi ala bɔbla aada-ma ɔkwɛ na eebile bana ngba keliela na beekpi taayii ku udu.

Timoteo 2 3:12

Sɔsɔ na ɔdi ka ni, bekyuli bani ƒui melie ngba buni na Kristo kemmo ni, badububo abi na bekpoku-ma.

Timoteo 2 4:10

Ɔsika Dema ɔ́tɔlɔ-mi kudɔ na ɔsiaku kayawi ala kama úsie Tesalonika. Na Kreske anwu ni, úsie Galatia, na Tito úsie Dalmatia.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Hebriƒuɔ 8:11

Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Petro 2 3:11

Na si ala amɛni ƒui adubɔkywi lɛni ni, dɛ na ɔlɛka bɛda bina lɛlɔ? Ɔdi ka bɛda ngba bɔni nse kedee na biti lɛlɔ bite Katɔti.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Yohane 1 2:6

Ukyuli ɔni mɔɔsu ɔnii uliku Katɔti ni, ɔlɛka ulie ngba aani kalɛ na Yesu Kristo úlie.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.

Yuda 1:18

Básu banini, “Emeyi ekplodi ammɔ kemmo ni, bekyuli badubo-mii buti bɔbla lɛmala na ala ani baasu taasiku-mii lɛlɔ ɔsu. Na basiaku bana udunkpi ala ani na Katɔti ulayɔ kama.”

Budie Taatina 14:12

“Ɔmɛni ɔsu ɔlɛka amii Katɔti bekyuli bani mɔɔdi Katɔti litemi lɛlɔ na bɛsiaku Yesu kama ulu lɛlɔ ni, binye lɛbibo kenye kpakplaa.”