Tito 1:3 - Katɔti Ɔku Kedee

³ Údie ngba ƒui litemi ɔ́tina-bu na nwuna litemi lɛni mɔɔsu mɛni kemmo na uwi ɔni lɛlɔ na anwu ɔlati úse úse lɛlɔ. Ɔmɛni na úti ɔ́kya-mi enu kemmo na mɔɔkɔ́-ni lɛsa teete kadi. Na Blɔti ɔni ndi bula Ɔƒɔne násu-mi ɔnii nkɔ lɛsa lɛmɛni.

Tito 1:3 ပူးပေါင်းရင်းမြစ်များ

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 45:15

Awɔ ɔni mɔɔƒɔ́ Israelƒuɔ ngba ni, sɔsɔ na ɔdi ka adi Katɔti ɔni mɔɔbɛla lɛlɔ.

Yesaia 45:21

Bɛta na bɔsa na litemi katɛkɔ, munuu ńtasu-mii ɔ́si kukuuku lɛla lɛni ndubo libalɛ? Ami lɛti kani ndi Katɔti ɔmmɔ! Na ɔdi ɔsɔ uuubunku-mi. Ami kani mɔɔƒɔ́ bekyuli ngba na ami kani mɔɔbla ala ulu siin lɛlɔ.

Daniel 11:27

“Baga inyɔ bamɛni badubulie likpo linwi basala eli, nsu likyulikpi ku ɔkɔ sɔɔn na badubo bɔnyi bute lɛlɔ. Na bana kɔkwɛ ku kasusu ƒui kadi kalálɛ kɔsia kɔdi, ɔsika lɛla biala na ndubo libalɛ ni, Katɔti ɔ́ɔlɛ-ni ugyii úse.

Daniel 8:23

“Na uwi ɔni na baga bamɛni likyulikpi ala bɔbla bɔ́kɔ katɔ geen bútédu kesii kani na ɔlɛka bɔwɔ ni, bana ɔyiku kenye kadubo bukulo na ɔga ukpidi ɔdi ubenye-ma kenye ɔni na bekyuli beleti bana anu balasia-nwu lɛlɔ munu munu.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Marko 1:15

Ɔkya ɔɔsu ɔnini, “Uwi ɔbuni ɔmmɔ úudu. Katɔti lɛga bɔdi uwi úude. Binwini kama bɛkya bina ekpidi na bɛƒɔ litemi buni lɛmɛni bɛdi!”

Marko 13:10

Nsu asa na kawɔlɔkɔ kadububo ni, ɔlɛka basu kadi ƒui Katɔti litemi buni lɛmɛni.

Marko 16:15

Ɔ́su-ma ɔnini, “Biteesie kayawi ƒui na bitákɔ Katɔti litemi buni lɛmɛni lɛsa na bekyuli ƒui akɔ.

Luka 1:47

Na lɛlɔ lɛɛyɔ́ mina kɔyu na Katɔti ɔni ndi mina Ɔƒɔne lɛlɔ.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Batalane Kabla 17:26

Údie bayawine ƒui ɔ́siku ukyuli unwi lɛlɔ ɔnii bulie aani ubugya unwi bebi na kayawi ƒui lɛlɔ. Anwu ɔlati nése uwi ku kadikɔ úse úte ɔdi biala.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Romaƒuɔ 5:6

Uwi ɔni na bulakana lɛlɔ bubunku ni, Kristo úbekpi na bekyuli bekpidi lili. Na ɔ́lɛ lɛni na uwi ɔni kemmo na Katɔti ɔlati ɔ́lɛ ugyii úse lɛlɔ.

Korintoƒuɔ 1 9:17

Si banii ami ɔlati náƒuna kabla kamɛni na mina bɔyɔ kenye ni, nka ndubɔsia anu ka baƒɔ-mi kayu. Nsu ɔdi kabla kani na Blɔti nnye-mi lɛlɔ ɔnii mbla. Ɔsika Katɔti néti-mi únyene-ka kenye.

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Eƒesoƒuɔ 1:10

Na kasusu kammɔ kadububo kete lɛni na kawɔlɔkɔ uwi ɔni na Katɔti ɔ́su úse lɛlɔ. Ɔdubɔsala ala ani ƒui nkya katɔ ku kalɔ na uti-nya ɔkya lɛlɔ ɔdine unwi ɔni ndi Kristo kalɔ.

Eƒesoƒuɔ 2:17

Anwuɔsu Kristo úbo úbakɔ keyi buɛɛ litemi buni lɛmmɔ lɛsa úte bekyuli bani nágyunku-nwu ku bani nákpɛ béde-nwu ƒui.

Ƒilipiƒuɔ 1:13

Ɔmɛni ɔsu ni, lɛla biala lɛ́bla nwaa na ɔ́ya na bekpone bani ƒui mɔɔgyumana aban ɔtɔ mmɔ ku bani ƒui nkya mɛni bánu báti ka ɔni ndi Kristo Yesu kabla ɔblane ɔsu na ntɛ ɔtɔ.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Tesalonikaƒuɔ 1 2:4

Mmomu litemi geen lɛmmɔ na bɔ́su-mii. Na bɔɔtɛmiku-mii uwi biala aani kalɛ na Katɔti ɔɔwia ka bɔbla. Ɔsika anwu ɔlati nákɔku-bu ɔ́nu ka bɔmanku ka bɔsu nwuna litemi buni. Na ɔɔɔdi aani kalɛ na bekyuli lɛƒɔyɔ lɛɛtina, mmomu aani kalɛ na Katɔti ɔni ngyi ukyuli biala kayi kemmo lɛyɔla lɛɛtina.

Timoteo 1 1:1

Ami Paulo ɔni ndi Yesu Kristo ɔtalane ɔkɛ bula Ɔƒɔne Katɔti ku Kristo Yesu ɔni lɛlɔ na bɔsia anu na muunweni ɔmɛni.

Timoteo 1 1:11

Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Timoteo 1 2:3

Katɔ bɔkpali bɔmɛni mɔɔyɔ́ bula Ɔƒɔne Katɔti kaƒɔ.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Tito 2:10

Beteyu-ma lɛnɔ, mmomu batina-ma ka badi bekyuli babuni na baabla ala ulu lɛlɔ teete-ma. Ɔmɛni ndubɔya na banu bati ka bula ala ani na bɔɔtina na Blɔti ɔni ndi bula Ɔƒɔne lɛlɔ ni, adi ala abuni.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Budie Taatina 14:16

Amu na ukyuli ɔni nlie lɛlɔ mmɔ ɔ́sala-ma na kalɔ kammɔ lɛlɔ ƒui.