Timoteo 2 3:4 - Katɔti Ɔku Kedee

⁴ Badi bekyuli bani mɔɔkya bana bakpana kakya. Na badi bekyuli bani nábi basiaku bana lɛnunsia kama, ku bekyuli bani mɔɔkali banii ama kani ntulo ku bekyuli bani mɔɔyɔ́ kayawi ebiti teetulo Katɔti.

Timoteo 2 3:4 ပူးပေါင်းရင်းမြစ်များ

Batalane Kabla 19:36

Na ukyuli ɔdi ulakana litemi lɛmɛni ɔkɔ bɔsia. Anwuɔsu bɛkɛ kayi buɛɛ na bitabla lɛla lɛdi ku kɔnyi.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Romaƒuɔ 11:20

Na use lɛni. Nsu bɛti ka bana taƒɔ tadi ɔsu na bámami. Na amii bɛ́kɛ kamakɔ ka bɛ́ƒɔ bɛ́di ɔsu. Nsu ɔmmɔ ulátina ka ɔlɛka biteeƒu, mmomu bitaayia.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Timoteo 1 3:6

Útalɛka ɔbla ɔƒɔtaadine ɔwɔdi kalɛ na ulatalaku lɛlɔ katɔ, na ɔkɛnku lɛlɔ bɔtina bɔmmɔ ɔsu na webuli, na Katɔti wani-nwu kɔtu aani kalɛ na ɔ́ni ukisine ɔmmɔ kɔtu.

Timoteo 1 5:6

Nsu ukpinele ɔni mɔɔbla lɛyalɛ ni, uuubo ngba na Katɔti anumi ina ka uli ngba.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Yuda 1:19

Ama mɔɔyá na bekyuli beele lɛlɔ akpa akpa. Na Katɔti Kɔyu kuuubo-ma lɛlɔ kemmo, anwuɔsu bakɛ basiaku bana ɔlɔna kemmo ala ani mɔɔda-ma ɔkwɛ kani.

Yuda 1:4

Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.