Timoteo 2 2:2 - Katɔti Ɔku Kedee

² Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Timoteo 2 2:2 ပူးပေါင်းရင်းမြစ်များ

Esra 7:10

Ɔsika Esra úti lɛlɔ úte Unwoti ɔda bubo bɔtɛya ku kalɛ na badi-mu lɛlɔ, na ɔɔtina ala ammɔ na Israel.

Esra 7:25

Na awɔ, Esra, ti lɛnunda lɛni na ƒula Katɔti úte-ɔ na awia litemi batɛne bani ngyi ƒula Katɔti ɔda bubo bɔmmɔ lɛlɔ ala na bataatɛ ketu ɔvi badi bammɔ litemi. Na bani na baaagyi ɔda bubo bɔmmɔ lɛnɔ ni, na atina-ma ala.

Nehemia 7:2

Na líti mina ɔnwani ɔni baalɔ banii Hanani ku bana bekpone unengu Hanania ka bataanu Yerusalem lɛlɔ. Na Hanania ɔmmɔ ni, ɔdi ukyuli ɔni na ɔɔbla ala ulu lɛlɔ, na ɔɔyɔ́ Katɔti teetulo bekyuli bammɔ ketulodikɔ.

Kɔgya 101:6

Ndubɔsia anu na bekyuli bani mɔɔdi Katɔti litemi lɛlɔ na kalɔ kamɛni lɛlɔ na ami ku-ma bulie. Na bekyuli bani mɔɔbla ala ulu geen lɛlɔ ni, ama ndubɔbla-mi kabla.

Agba 13:17

Ɔtalane ɔni naaagyi kalɛ beesié lɛtu ni, uuti lɛlɔ taatákya ɔgbankpi kemmo. Nsu ɔtalane ɔni ngyi kalɛ na baasu kenye ni, ɔɔyá na kayi kaayɔ́ bekyuli.

Yeremia 23:28

Kavumana bonwu kakya bana ana ani na bégye ku mina litemi geen ntɛ aani kamu ku keti. Anwuɔsu si kenye udiene ɔdi úsie utásu mina kenye bɔdi ni, ɔlɛka ɔsu litemi geen lɛni na lɛ́su mmɔ kani.

Lewiƒuɔ Ɔda Bubo 14:42

Na ɔmmɔ kama na beti atabi abambadi ku lɛti lɛbambadi baklibi ɔtɔ ɔmmɔ kemmo.

Malakai 2:7

“Amii bakpane, ɔlɛka bina inye bugyingya lɛlati, na ukyuli biala ubo-mii kudɔ ubenu bɔlɛ, ɔsika amii mɔɔtɛmi teete ami, Unwoti Ɔyikune Ƒui.

Bumomo Bɔka 12:7

Nsu mina kabla ɔblane Mose anwu ni, ɔɔɔdi lɛni na mɔɔbla-nwu. Ɔdi ukyuli ɔni mɔɔbla ala ulu lɛlɔ na mina kaduli.

Mateo 13:52

Na Yesu ɔ́su-ma ɔnii, “Amu ni, ala ɔtinane biala ɔni mɔɔtɛya Katɔti lɛga bɔdi lɛlɔ ala ni, use aani ɔtɔlati ɔni mbo ala awɔdi ku ala akukudi lɛnɔ. Na uudie-nya keyi.”

Mateo 24:25

Binu! Mɔɔlɛ-mii lise asa na uwi ɔmmɔ udu.

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Korintoƒuɔ 1 4:2

Na lɛlakpa linwi lɛni kani na Unwoti ɔɔwia taasiku nwuna ala lɛlɔ ɔnune ɔmɛni udu kudɔ ndi ka ɔ́bla kabla kammɔ ulu lɛlɔ.

Korintoƒuɔ 2 2:14

Nsu ni, bɔ́gya Katɔti enu! Na bula unwi bɔbla ku Kristo ni, Katɔti ɔɔtɔnku-bu uwi biala na bɔkɛ bekyuli bani muusié taavi na Kristo lɛlɔ bɔdi kemmo. Na Katɔti ɔsia-bu lɛlɔ na udie Kristo ɔtina kayawi ƒui aani kalɛ na ɔnyi ƒɛƒɛɛ ɔɔƒɔ́ likpo lɛdi ƒui.

Korintoƒuɔ 2 3:5

Buuubo kenyekɔ kadi na abu alati lɛlɔ ka bɔbla kabla kamɛni. Mmomu Katɔti kudɔ na kási.

Koloseƒuɔ 1:7

Bula ɔnwa Epaƒra ɔni náƒɔ-bu kuye na anwu lɛnɔ ɔdi kabla ɔblane geen ute Kristo na bula kabla kamɛni kemmo nábasu-mii Katɔti kɔnyana bɔnu litemi lɛmmɔ.

Timoteo 1 1:12

Naaakana Blɔti Yesu Kristo enu bɔgya na ɔyikun ɔni na úte-mi ɔnii ntaabla kabla kamɛni ɔsu. Na sɔsɔ ni, úti-ka ɔ́kya-mi enu kemmo. Ɔsika ɔ́nu-mi ɔ́ti ka naaalɛ-nwu kama.

Timoteo 1 1:18

Mina ubi Timoteo, kabla ku ɔda bubo bɔni na líti muute-ɔ mɛni ni, kadanku ala ani na bula kenye bediene básu básiku-ɔ lɛlɔ. Ƒie etemila amɛni da na adubɔdi likpidi lɛlɔ na Blɔti kekpo kamɛni kemmo.

Timoteo 1 4:14

Na Katɔti Kɔyu kemmo kabla etela ani na úti ɔ́kya-a lɛlɔ kemmo ɔkɛnku nwuna kenye bediene ku baƒɔtaadine benengu bani néti enu básia-a lɛlɔ ni, tada-nya taya.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Timoteo 1 5:22

Wi lɛlɔ buɛɛ na tababla eti enu asia ɔdi lɛlɔ na ese-nwu likpo ete Katɔti kabla. Na tenye ekpidi bablane kama, mmomu da lɛlɔ sɛɛn.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Timoteo 2 3:10

Nsu awɔ ni, áanu mina ala bɔtina áti ku mina ngba keliela ku mina kasusu ku mina bɔƒɔtaadi ku kalɛ na muuwi lɛlɔ ku kalɛ mɔɔyɔ́ bekyuli ku kalɛ na mɔɔkya ɔkplu na lɛbibo kemmo.

Timoteo 2 3:14

Nsu awɔ ni, mɔɔwia ka enye ala ani na atɛya na áƒɔ ádi lɛnɔ lɛlɔ kpakplaa. Ɔsika agyi bekyuli bani kudɔ na átɛya-nya.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Samuel 1 2:35

Na ndubudie ɔkpane bamba ɔni mabla mina kayi ku kasusu lɛyɔla. Ndubɔya na nwuna ɔtɔ kemmo bekyuli benye kpakplaa na ɔbla-mi kabla uwi biala uti ubunku ɔga ɔni na lɛ́ƒuna.