Timoteo 2 1:9 - Katɔti Ɔku Kedee

⁹ Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Timoteo 2 1:9 ပူးပေါင်းရင်းမြစ်များ

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Luka 10:21

Uwi ɔmmɔ lɛlɔ ni, Katɔti Kɔyu ebiti áƒɔ Yesu lɛlɔ kemmo ƒui na ɔ́su ɔnini, “Ati, katɔ ku kalɔ Unwoti, mɔɔgyá-a enu ɔsika lɛla lɛni na éti ábɛla bakutine ku banundane ni, ani na éti átina bekyuli bani na baaagyi lɛku ku badɔlɔdi. Sɔsɔ na ɔdi, Ati, lɛni geen na aayɔ́ anii ɔlɛ.”

Yohane 17:24

“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Yohane 17:9

Mɔɔkpali katɔ na bana lili, na ɔɔɔdi kayawi bekyuli ƒui lili. Mmomu bani na éti éte-mi lili, ɔsika awɔ ɔdi na badi.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Batalane Kabla 15:18

Katɔti ɔgyi nwuna ablala ɔ́si kalɔ kesekɔ ƒui.’

Batalane Kabla 2:47

Na baagyá Blɔti enu na beemwi-nwu lɛnɔ. Na bekyuli ƒui baabu-ma. Na limeyi biala ni, Unwoti uuti bekyuli babambadi bani na ɔɔƒɔ́ teebunku-ma lɛlɔ.

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Romaƒuɔ 11:29

Ɔsika si ɔ́ƒuna ukyuli ɔdi iye ɔ́bla-nwu lɛƒɔndia lɛdi ni, ulávumana-ni.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 9:11

Nsu ni, Katɔti ubo ulu ɔni na ɔɔsia taaƒuna bekyuli. Na kalɛ na ubo-nwu kemmo lɛni ɔsu ni, Katɔti ɔ́su lɛla lɛdi úse asa na badubɔwɔ nta bamɛni iye asa na nta bammɔ bati lɛbuni ku likpidi. Na ulu ɔni lɛlɔ na ɔɔsia mmɔ ɔɔɔkɛnku bana kabla kadi lɛlɔ. Mmomu ɔ́su Rebeka ɔnini, “Ubi unengudi ɔdubunwini ɔnamudi kabla ɔblane.”

Romaƒuɔ 9:24

Anwuɔsu na ɔ́ƒuna abu lɛnɔ, na ɔɔɔdi Yudaƒuɔ lɛti. Mmomu ku bani naaadi Yudaƒuɔ lɛnɔ.

Korintoƒuɔ 1 1:18

Bekyuli bani na bana ɔbladu ɔ́ya na badaku bukpi na kɔyu kemmo ni, Kristo kukpi na ugyii lɛlɔ kɔtɛ kɔdi adɔlɔla kute-ma. Nsu abu bani na Katɔti ɔɔyá na bɔɔkɛ́ bɔƒɔ ni, bɔgyi ka Katɔti litemi lɛmmɔ lɛdi Katɔti ɔyikun ɔni na úte-bu.

Eƒesoƒuɔ 1:11

Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.

Eƒesoƒuɔ 1:9

kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Eƒesoƒuɔ 3:11

Na ala amɛni ƒui akɛnku kalɛ na Katɔti ɔlati ɔ́su úse ka ɔbla ɔsiaku Blɔti Yesu Kristo lɛlɔ ɔ́si kalɔ kesekɔ.

Ƒilipiƒuɔ 3:14

Anwuɔsu muukeli usi na likulo kabuli kalɛ na lɛkɛ lɛyuƒɔla lɛni na Katɔti ɔ́lɔ-mi ka libo mbaƒɔ na katɔ na Kristo Yesu ɔsu.

Tesalonikaƒuɔ 1 4:7

Katɔti ɔ́lɔ-bu ka bɔbla bekyuli kedee. Anwuɔsu bɛya bɔda lɛlɔ budie kɔbɔ ala bɔbla kemmo.

Timoteo 1 1:1

Ami Paulo ɔni ndi Yesu Kristo ɔtalane ɔkɛ bula Ɔƒɔne Katɔti ku Kristo Yesu ɔni lɛlɔ na bɔsia anu na muunweni ɔmɛni.

Timoteo 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Yesu Kristo ɔtalane ni, ami muunweni-ɔ ɔku ɔmɛni taasiku ngba bɔni na bɔdubɔkɛ na Blɔti Yesu Kristo lɛlɔ na abu ku-nwu unwi bɔbla kemmo.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Petro 1 1:20

Katɔti ɔ́ƒuna Kristo úse asa na údie kayawi. Na amii ɔsu na Katɔti údie-nwu keyi na uwi ukplodi ɔmɛni kemmo.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Budie Taatina 17:8

Eƒiebuo ɔmmɔ ni, úlie ngba dii, nsu ɔsɔ uuubo. Na ɔdubo bɔlɛ bɔsi kasuudikɔ ubu bonwu ɔmmɔ kemmo, na usie na Katɔti ɔyila-nwu udu ƒui. Na bekyuli bani nli kayawi lɛlɔ na bétenweni-ma anyi bátakya ngba ɔku kemmo asa na Katɔti údie kayawi ni, ɔdubo-ma bɔbla kalɛ kadi si banu eƒiebuo ɔmmɔ. Ɔsika úlie ngba dii, nsu ɔsɔ uuubo, na ɔsɔ ɔdubo bɔda bɔlɛ.