Timoteo 2 1:4 - Katɔti Ɔku Kedee

⁴ Na mɔɔkali taanu ƒula keku kani na éwulo na mɔɔwia geen ka lɛnu-ɔ kalɛ na ebiti ada-mi.

Timoteo 2 1:4 ပူးပေါင်းရင်းမြစ်များ

Kɔgya 126:5

Ɔsika bekyuli bani nákya edula ku lɛbibo ku keku ni, ama mɔɔƒɛ ku ebiti ku lɛma.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yeremia 31:13

Na bakloƒu ku begblebi ku benengu ƒui lɛlɔ lɛdubɔyɔ-ma na batɔ ku ebiti. Ɔsika ndubɔsia-ma kɔnu na lɛya na bana kɔnyana buwulo bunwini ebiti.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Yohane 16:24

Úti úbedu uwi ɔmɛni kemmo ni, bítakpali-mi lɛnyi bítevele tɔ Katɔti lɛla lɛdi. Bivele-nwu na ɔdubute-mii, na bina ebiti adubudu awɔlɔ.

Batalane Kabla 20:19

Bɛ́nu kalɛ na lɛ́siaku Blɔti na lɛlɔ kalɔ buboku kemmo, ina ka líbo abi ku keku ɔ́si ɔni na Yudaƒuɔ báwia ka badu-mi ɔsu.

Batalane Kabla 20:31

Binye kagyumana na bɛkali bɛnu kalɛ na líti keku buwulo lɛ́lɛ-mii na lɛ́tina-mii ala usien ku ɔƒɛ na akwa atɛ ani na lɛ́kya-mii kudɔ kemmo.

Romaƒuɔ 1:11

Anumi égyie-mi geen ka libo mbanu-mii na libunku-mii na kɔyu kemmo ɔkɛnku Katɔti kɔnyana bɔnu ɔsu na bɛkɛ ɔkplu.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Ƒilipiƒuɔ 2:26

Anwu lɛnɔ unye kpakplaa ka ɔnu-mii. Na ɔdi lɛla lɛni muukpóku-nwu geen ɔsika ɔ́ti ka bínu ka úbeƒi.

Tesalonikaƒuɔ 1 2:17

Banwa uuduo-bu geen ka bɔ́di emeyi alɛɛ na bɔ́sɔ bútasa tɔ anumi ku anumi. Nsu bɛkya-bu kayi kemmo. Na bɔ́ɔkya kɔkwɛ kɔni ƒui bɔ́nɔ.

Timoteo 2 4:21

Kya ɔkplu na ebo ebeduo mɛni asa udu kɔyɔ uwi. Eubulo ku Pude ku Lino ku Klaudia ku baƒɔtaadine banwa bakladi ƒui beegyele-ɔ o-o!

Timoteo 2 4:9

Sia ulu biala lɛlɔ na eyile-mi bubanu.

Yohane 1 1:4

Buunweni-mii ɔmɛni kalɛ na bula ebiti edu-bu ɔkwɛ.

Budie Taatina 21:4

Na ɔdubuni-ma imii biala na bana anumi. Na kukpi kɔsɔ kulakya lɛnɔ. Na keku ku kɔnyana buwulo ku ɔlɛ bunu lɛnɔ bɔdi bɔsɔ bulakya, ɔsika ala akukudi ƒui ávi.”

Budie Taatina 7:17

Ɔsika Koƒonu Ubi ɔni nlie lɛgaboku lɛlɔ na mmɔ ni, anwu ndubɔda-ma aani baƒonu ɔdane buni. Na ɔdubo-ma bɔtɔnku busienku abiɔ ani kemmo na ntu bɔni muute ngba buwi uwi biala. Na Katɔti lɛnɔ ɔdubo-ma imii buni.”