Timoteo 1 6:9 - Katɔti Ɔku Kedee

⁹ Nsu bekyuli bani na anumi eegyie-ma na lɛkɛ lɛlɔ ni, baanú kakpagyuɛ kani na Satan ɔ́kywɛ-ma. Na beeduo adɔlɔla bɔbla kemmo, na ɔlɔna alaekpidi ala bɔbla aada-ma ɔkwɛ na eebile bana ngba keliela na beekpi taayii ku udu.

Timoteo 1 6:9 ပူးပေါင်းရင်းမြစ်များ

Baga 1 21:6

Amu na údie ulekudi kenye ɔnini, “Lɛ́su Nabot ɔni ndi Yesreelni ka uti nwuna kevoma kemo kalɔ kammɔ ute-mi na lite-nwu kalɔ kabambadi. Nsu ɔ́su-mi ɔnini, ‘Lɛɛɛdubo-ka buti bute-ɔ.’ ”

Kɔgya 11:6

Na Unwoti ɔdubɔya na aƒɛ ku ogya ku ɔnyi kpatii ɔdi ɔna aani ɔnantu uwi balalane bammɔ lɛlɔ. Na ɔdubɔya na ɔƒɛƒɛɛ ɔni na ɔ́ƒɔ ogya geen uteekpo teebile bana ala uwi biala.

Agba 15:27

Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.

Agba 20:21

Si ɔnamu úyile nwuna kadikɔ kani na ɔti úse-nwu bɔƒɔ ni, kusɛ kusɛ ulásiaku-nwu taatáwɔlɔ.

Agba 21:6

Lɛkɛ lɛni na ukyuli ɔ́sia ɔkɔ ulu lɛlɔ ɔ́kɛ ni, lɛɛyii taakya aani ulɔyɔ na lɛdi kakpagyuɛ kekpidi kani muudie ukyuli.

Agba 22:16

Ukyuli ɔni na bawabane na ɔɔnya taakya asa na ɔɔkɛ́ taadi iye balakɛne na uute ala kalɛ na ɔkɛ lɛla lɛdi bana kudɔ ni, kɔwaba ndubo-ma buƒie.

Agba 23:4

Tetu lɛlɔ anii eenwíni ɔlakɛne. Bi ɔsu na ɔlɛka eteebile lɛlɔ uwi?

Yesaia 5:8

Bɔbuɛ ute amii bani muuyé lɛtɔ taasia kama na bɛ́bɛbɛ bina kɔlɔ kuyedi bísela anumi ƒui. Bekyuli bamba basɔ beeebo keliekɔ kana kemmo mmomu kénwini amii lɛti keliekɔ.

Sakaria 11:5

Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.

Bumomo Bɔka 31:8

Na bádu Midianƒuɔ baga ɛlɔ na bani bádu mmɔ ndi Ewi ku Rekem ku Sur ku Hur ku Reba. Na bádu Beor ubidi Bileam lɛnɔ.

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Mateo 19:22

Nsu ka okloƒu ɔmmɔ únu lɛla lɛmɛni ni, ebiti átada-nwu na ɔ́gyu ɔ́tɔlɔ, ɔsika ubo egulabi pii.

Mateo 26:15

Na úye-ma ɔnini, “Bi na bɛdubute-mi si lɛ́kya Yesu kakya na lídie-nwu lite-mii?” Mmɔ ni, bátuna ka badubute-nwu sika ɔƒualadi ebi avlaatɛ.

Mateo 6:19

“Bitatɛ akɛla bitese bitete lɛlɔ na kayawi kamɛni kemmo. Kayawi mɛni ni, kubweyi kɔdububile-nya na etili, na beyune lɛnɔ beduo beyu-nya.

Marko 4:19

nsu kayawi liƒu bɔda ku lɛnungyie likpidi na sika lɛlɔ ku ɔlɔna ɔkwɛ adala akya-ma kayi kemmo. Ala amɛni ényimi litemi lɛmmɔ na litanwu ebi.

Luka 12:21

Amu na Yesu ɔ́wɔlɔ nwuna kɔtɛ ɔnini, “Lɛni na use ute bekyuli bani mɔɔwia akɛla batɛ bese lɛlɔ, na beeebo lɛla lɛdi na Katɔti anumi.”

Luka 21:35

Na ɔdubɔbla aani kalɛ na kakpagyuɛ keedie ebuo. Na ukyuli biala ulálɛ-nwu kemmo.

Batalane Kabla 8:20

Amu na Petro ɔ́su-nwu ɔnini, “Awɔ ku ƒula egulabi ƒui bɛdubɔnuku-ni. Takali anii adubɔkana Unwoti litela buye ku egulabi.

Eƒesoƒuɔ 4:22

Bátina-mii lɛla lɛdi na bina ngba bɔkukudi bulie lɛlɔ. Ani ndi ka bɛda udu ɔkukudi ɔni mɔɔtɔ́lɔ-mii teesienku ɔlɔna ɔkwɛ adala ekpidi kemmo mmɔ bɛya.

Lɛkpa Ulu 7:25

Na si bɛ́di kadi bekyuli badi lɛlɔ ni, bɛkyula bana baƒiɔ bani na bátu bálɛ. Nsu ɔdi biala ɔnu kaduɛ na anumi etegyie-nwu na bana sika ugyiedi iye ɔƒualadi ɔni na béti bámana bana baƒiɔ bammɔ lɛlɔ na ɔdi ɔsu ɔnii uuti ɔdi. Ɔsika Katɔti ukisi ala ammɔ na adi kakpagyuɛ ete-mii.

Timoteo 1 1:9

Na ɔlɛka buteenyimo lɛnɔ ka ni, ɔɔɔdi bekyuli babuni na bébo ɔda béte, mmomu batuɔkplune bani mɔɔƒiɔ́ Katɔti ɔda bubo ku bakantankpine ku bana udu bani ngba néyi ku ekpidi bɔbla. Badi bekyuli bani naaasiaku bɔƒɔtaadi bɔdi kama ku bani mɔɔdú bana bati ku beni ku bekyuli badune babambadi lɛnɔ.

Timoteo 1 3:7

Ɔlɛka ɔbla ukyuli ɔni na ubo lɛnyi buni na bekyuli bani naaadi baƒɔtaadine lɛnɔ anumi, kalɛ na balasu lɛla likpidi lɛdi na nwuna lɛlɔ na weduo ukisine ɔmmɔ kakpagyuɛ kemmo.

Timoteo 1 6:10

Ɔsika sika lɛnungyie kemmo na ekpidi lidu lidu lɛɛkwɛ́ taasi. Ɔmɛni ɔsu na bekyuli badi báyila bɔƒɔtaadi ulu geen ɔmmɔ. Na bana ngba ƒui búduo lɛbibo kemmo.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Timoteo 2 2:26

Ɔmɛni ɔsu bana kasusu kadubɔlɛmi na balɛ Satan ɔni néti-ma únwini nwuna lɛƒɔyɔ bablane kakpagyuɛ kemmo.

Tito 2:12

Lɛƒɔndia lɛmmɔ mɔɔtina-bu ka ɔlɛka bɔda atu budie ngba bukpidi bulie kemmo ku kayawi ala keeke kama bɔsiaku. Na bɔda lɛlɔ kaduɛ, na bulie ngba bɔbuni, na bɔbla lɛlɔ kedee na kayawi kamɛni kemmo.

Yosua 7:11

Mɔɔsu-ɔ ka Israelƒuɔ bábla likpidi. Na báta bénye ɔda ɔni na líbo-mii mmɔ lɛlɔ. Na béti ala ani na lɛ́su-mi ka bayila mmɔ adi. Na mɔɔsu-ɔ ka buyu na béyu na bányi ɔkɔ lɛnɔ básia-nwu lɛlɔ na béti ala ammɔ bakya bana ala akɔ.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.