Timoteo 1 6:5 - Katɔti Ɔku Kedee

⁵ Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.

Timoteo 1 6:5 ပူးပေါင်းရင်းမြစ်များ

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Yeremia 8:10

Ndubo bana beleku ku mmo ƒui buti bute baƒɔ. Balakɛne ku bawabane, na kenye bediene ku bakpane ƒui basɔ baaadi bekyuli bani lɛlɔ na beti anumi basia. Bana ƒui bénwini badivone ku ɔkɔ banyine.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Mateo 12:33

“Ɔdi ka bɛti ka kugyii kɔbuni kɔɔnwu ebi abuni, na kugyii kɔni naaadia kɔɔnwu ebi ani naaadia. Kugyii biala ebi na beeti taanu kugyii kɔmmɔ udu taati.

Mateo 21:13

Na ɔ́su-ma ɔnini, “Bénweni na Bunweni Kedee Ɔku kemmo ka Katɔti ɔ́su ɔnini, ‘Badubɔlɔ mina kaduli banii kesii kani na badubɔkpali katɔ.’ Nsu amii bíti-ka bínwini beyune kabɛkɔ!”

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Korintoƒuɔ 1 11:16

Nsu si ukyuli ɔdi ɔɔkya unyeƒi na ɔmɛni lɛlɔ ni, lɛla lɛni kani na ami masu-nwu ndi ka abu ku Katɔti baƒɔtaadine akpa ƒui bɔsɔ buuubo ulu ɔbambadi ɔdi na bula bɔsala bɔmmɔ kemmo.

Tesalonikaƒuɔ 2 3:6

Banwa, bɔɔlɛ-mii geen na Blɔti Yesu Kristo lɛnyi kemmo bɔnii bɛda lɛlɔ bɛmami baƒɔtaadine bakɔsɔne bani neeeti bula ala bɔtina lɛlɔ.

Timoteo 1 1:6

Nsu bekyuli badi bénwini kama bákya ala amɛni. Anwuɔsu báyila ulu ɔbuni ɔmɛni. Na baakya kɔdɔlɔ unyeƒi.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Timoteo 1 3:8

Na baƒɔtaadine kasala bebunkune ni, ama lɛnɔ ɔlɛka babla bekyuli bani nda udu buni, na bada kabla kammɔ lɛnɔ kpakplaa. Na badi bekyuli bani naaani ntɛ teekpi, na anumi elégyie-ma na egulabi lɛlɔ.

Timoteo 1 4:7

Anwuɔsu da lɛlɔ mami kɔbɔ ala batɛmine ku atɛ keeke ani neeebo kɔsia lɛlɔ. Na ataatɛya Katɔti etemila na asiaku-nya kama kpakplaa, na elie ngba buni aani ɔƒɔtaadine kalɛ.

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Timoteo 1 6:6

Nsu ni, si anumi eegyie ukyuli na Katɔti kama bɔsiaku kemmo na ala ani na ubo aaƒɔ́-nwu anu ni, uunwíni ɔlakɛne.

Timoteo 2 3:5

Bekyuli bamɛni udu mɔɔtina ku kenyekplu ka badi bekyuli babuni, nsu beení Katɔti ɔyikun ka ɔdi-ma lɛlɔ na bana keliela kemmo. Da lɛlɔ mamiku bekyuli bamɛni lɛlɔ.

Timoteo 2 3:8

Na aani kalɛ na Yane ku Yambri báta bénye Mose lɛlɔ dii ni, lɛni kani na ɔkɔ ala batinane bamɛni lɛnɔ baata teenye litemi geen lɛmɛni lɛlɔ. Bekyuli bamɛni badi bekyuli bani na likpidi bɔbla bɔ́ƒɔ-ma kasusu ƒui, na báyila baƒɔtaadine geen bɔmmɔ ulu.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Petro 2 2:15

Bédeyi bɔƒɔtaadi ulu ɔmmɔ ƒui, na báyii ulu. Basiaku Boer ubidi Bileam ɔbladu kama ɔni mɔɔbla ala ekpidi teeti taakɛ egulabi.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Budie Taatina 18:13

Na evete ani muudie nnɔmii ƒɛƒɛɛ ku kutu akyala lidu lidu ku klobo ku oloƒui ku ugyulo ƒɛƒɛɛ lɛnɔ kuye kúbo kalɔ. Ntɛ ku nnɔ ku ɔlaaƒɔ ku edula ebi lɛnɔ ébo kalɔ. Na balakɛ bekyuli bani na beye bana ɔmantɛ bakɔ ku baƒonu ku bapɔnkɔ ku kɛɛkɛ ɔni na bapɔnkɔ baaní ku bekyuli bani na béƒie betéye kalɛ na badubɔbla akpala lɛnɔ ƒui.

Budie Taatina 18:3

Ɔsika Kayawi bekyuli ƒui báni ɔma ɔmmɔ alaekpidi bɔbla békpi aani ntɛ. Na ɔ́tɔlɔ-ma aani kalɛ na ɔyalɛ ɔɔtɔ́lɔ bekyuli taatákya likpidi kemmo. Kalɔ lɛlɔ baga ƒui beesié ɔma ɔmmɔ teebo aani kalɛ na banana beesié ɔyalɛ kudɔ. Na kalɔ ƒui beyedine benengudi bénwini balakɛne ɔkɛnku bana liyedi na ɔma ɔmmɔ ɔni néyi ku akɛla ani ndanku adikpi bɔdi.”