Timoteo 1 6:3 - Katɔti Ɔku Kedee

^3-4 Si ukyuli ɔdi ɔɔtina ala bamba ani naaasiaku bula bɔƒɔtaadi ulu ɔni nkɛnku Blɔti Yesu Kristo litemi geen lɛlɔ ni, ukyuli ɔmmɔ ɔɔtalaku lɛlɔ katɔ na ɔɔɔgyi lɛla lɛdi. Unyeƒi ukpludi ku kadɔ kani na ɔɔkya. Ɔmɛni ɔɔyá na anumi ekpidi eegyie bekyuli, na baadɔ, na beedumi lɛlɔ, na beeti lɛlɔ kasusu kekpidi.

Timoteo 1 6:3 ပူးပေါင်းရင်းမြစ်များ

Agba 15:4

Etemila ani mɔɔyu buɛɛ aayá na ukyuli uulie ngba na ɔɔkɛ́ ɔyikun. Na unyemi ɔni mɔɔnyi ɔkɔ ɔɔdú ukyuli kɔyu.

Mateo 22:21

Amu na bédie kenye banini, “Ɔga Unengudi Kaesare na ɔdi.” Anwuɔsu Yesu ɔ́su-ma ɔnini, “Biti lɛla lɛni ndi Kaesare lɛdi bite Kaesare. Na biti lɛla lɛni ndi Katɔti lɛdi bite Katɔti.”

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Timoteo 1 1:10

Na badi bekyuli bani mɔɔdi kɔsɔnɔ ku banana bani mɔɔtɛnku lɛlɔ. Badi bekyuli bani muuyú bekyuli teetéye ku ɔkɔ banyine ku ama bani mɔɔnyi ɔkɔ taakpali ala. Na ama bani ƒui naaasiaku ala bɔtina bɔbuni kama ni, ama na bébo ɔda ɔmɛni béte.

Timoteo 1 1:3

Na ɔƒɛni ni, mɔɔwia ka asɔ akya Eƒeso mmɔ aani kalɛ na lɛ́su-ɔ uwi ɔni na lɛ́si mmɔ lísela Makedonia. Ɔsika agyi ka bekyuli badi bakya bani mɔɔtina ala ani muuƒú bula ala bɔtina na Kristo bɔƒɔtaadi lɛlɔ. Ɔlɛka abɔku bekyuli bamɛni na bada udu ɔmmɔ baya.

Timoteo 1 1:6

Nsu bekyuli badi bénwini kama bákya ala amɛni. Anwuɔsu báyila ulu ɔbuni ɔmɛni. Na baakya kɔdɔlɔ unyeƒi.

Timoteo 2 1:13

Da etemila geen ani na lɛ́tina-a ƒui kaduɛ na abla asiaku-nya lɛlɔ. Nye bɔƒɔtaadi bɔmmɔ lɛlɔ kpakplaa na abla unwi ku Yesu Kristo na bɔyɔ kemmo.

Timoteo 2 4:3

Ɔsika uwi ɔdi ɔdubo ɔni na bekyuli basɔ baaadubo litemi buni lɛmɛni bɔda. Mmomu badubɔwia ala bamba batinane bete lɛlɔ na bataasu-ma ala ani udu na baawia beteenu.

Tito 1:1

Ami Paulo ɔni ndi Katɔti kabla ɔblane ku Yesu Kristo ɔtalane ni, ami muunweni-ɔ ɔku ɔmɛni. Katɔti ɔ́ƒuna-mi na ɔ́tala-mi ɔnii mbunku nwuna bekyuli baƒunadi bɔƒɔtaadi na lɛtɔnku-ma na banu litemi geen lɛni na bula bɔƒɔtaadi ulu ɔɔtina bati.

Tito 1:9

Ɔdi ka uƒie litemi geen lɛmmɔ ɔda kpakplaa aani kalɛ na bɔƒɔtaadi ulu ɔmmɔ ɔɔtina. Na ulu ɔmɛni lɛlɔ kani na ɔdubɔkana bɔsia na ɔkya bekyuli bamba lɛnɔ ogya na udie bani mɔɔta teenye litemi lɛmɛni lɛlɔ bɔƒiɔ ɔtina-ma.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.