Timoteo 1 6:1 - Katɔti Ɔku Kedee

¹ Su baƒɔtaadine bani mɔɔbla bekyuli bamba kabla ƒui anii ɔlɛka beboku lɛlɔ kalɔ bete bana benwoti na kabla biala kemmo, kalɛ na bekyuli bamba balatɛmi kɔbɔ ala balásiku Katɔti ku bula bɔƒɔtaadi ulu ala bɔtina lɛlɔ.

Timoteo 1 6:1 ပူးပေါင်းရင်းမြစ်များ

Ala Kalɔ Buse 16:9

Amu na Katɔti ɔtu ɔmmɔ ɔ́su-nwu ɔnini, “Sɔ nwini teesie ƒula kɔduni kudɔ na eboku lɛlɔ kalɔ ete-nwu.”

Ala Kalɔ Buse 24:12

Amu na ɔ́kpali katɔ ɔ́su ɔnini, “O Unwoti, mina ɔtɔlati Abraham Katɔti, ya na lɛla lɛni ɔsu na líbo mɛni lɛtɛ lite-mi ɔmwi. Na anu mina ɔtɔlati Abraham kɔnyana.

Ala Kalɔ Buse 24:2

Limeyi lɛdi ni, Abraham ɔ́lɔ nwuna kabla ɔblane unengu ɔni mɔɔnu nwuna ala ƒui lɛlɔ na ɔ́su-nwu ɔnini, “Va enu mina lɛgba kalɔ mɛni na ese-mi kenye

Ala Kalɔ Buse 24:27

Na ɔ́su ɔnini, “Bemwi Unwoti mina ɔtɔlati Abraham Katɔti. Ɔsika útayiƒala kalɛ na ɔɔnu mina ɔtɔlati kɔnyana ku kalɛ na ɔɔdi nwuna etemila ani na ɔ́su-nwu úse lɛlɔ teete-nwu. Na ami ni, Unwoti Katɔti ɔ́tɔnku-mi na lísie ulu ɔmɛni ńtédu mina ɔtɔlati lɛlɔ bekyuli kudɔ.”

Samuel 2 12:14

Nsu ka lɛla lɛni na ábla ɔsu áya na Unwoti bekisine baasu ala teewi-nwu lɛlɔ na basɔ balánu-nwu taabu ɔsu ni, ubi ɔni na báwɔ béte-ɔ mmɔ ɔdubo bukpi.”

Baga 2 5:13

Amu na Naaman kabla bablane bésie-nwu kudɔ na bétéye-nwu banini, “Ati, si kenye udiene ɔmɛni bɔsu na ɔ́su-ɔ ɔnii wia ala bonwu bonwu boku ni, nka aaadubo bɔbla? Amu na si ɔ́su-ɔ ɔmɛni ɔnii, ‘Teesie na atákpi na ɔlɛ ɔba-a,’ anwu na eení?”

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.

Yesaia 47:6

Kɔnyi na líti lɛ́kya mina bekyuli anwuɔsu na lɛ́ya na bíƒie-ma kalɔ bɛ́ƒɔ, na bɛ́ya na kɔƒa kúkpo-ma na anumi éwi-ma kalɔ. Bítanu-ma kɔnyana munu munu, mmomu bɛ́bla-ma kalala útédu bana benengu ƒui lɛlɔ.

Yesaia 52:5

“Na kadi bamba béƒie-mii bátɔlɔku ɔni na nka bítabla lɛla lɛdi. Bina batɔnkune bédumo geen na ɔlɛ bunu ɔsu. Na limeyi ndi limeyi ni, baakpali-mi lɛnyi teewida.

Yesaia 58:6

“Kudii, mmomu lɛla lɛni mɔɔyɔ́ Unwoti kaƒɔ ndi kalɛ na bɛya na bekyuli bani na baanya taakya bakɛ bɔnwuna na belie bete lɛlɔ. Na kalɛ na bekyuli baládi litemi lɛlɔ siin teete bekyuli na únwini aani kɔgba na kɔda bekyuli ɔkwɛ ni, bidie-ku bana ɔkwɛ na bikulo kɔbuli kɔmmɔ ƒui bana lɛlɔ.

Esekiel 36:20

Kesi kesii na bakɛ ni, mina lɛnyi kani na baakya kɔƒa. Ɔsika baƒɔ bani na badi kadi bamba bekyuli beedumi-ma taasu ka ami nábɔku mina kadi bekyuli lɛ́lɛku bana kalɔ lɛlɔ.

Esekiel 36:23

Na kadi bamba bekyuli banu kalɛ na mina lɛnyi liikeye. Na bɛnu bɛti ka ami ndi Unwoti Katɔti. Ami násu.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Mateo 11:30

Ɔsika kabla kani na mete-mii ni, keeebo ɔkplu. Na mina etila lɛnɔ ese ƒaa ƒaa.”

Mateo 11:9

Bɛsu-mi ukyuli ɔni udu na bísie bítánu! Katɔti kenye udiene ɔdi munuu dɛ? Ɛɛn, na sɔsɔ na ɔdi. Nsu mɔɔsu-mii ka bɛ́nu ukyuli ɔni ntulo kenye udiene muedi.

Luka 17:1

Yesu ɔ́su nwuna batɛyane ɔnini, “Ala ani mɔɔyá na ukyuli ɔɔbla likpidi ni, adubo bɔkya. Nsu bɔbuɛ muute ukyuli ɔni lɛlɔ na ala amɛni adubɔsia asa na eduo bekyuli akɔ!

Batalane Kabla 10:22

Amu na básu-nwu banini, “Batu na bɔdi, bɔ́si Kornelio ɔni ndi Romaƒuɔ kekpo unengu kudɔ. Ɔdi ukyuli ɔbuni na ɔɔbu Katɔti. Na Yudaƒuɔ ƒui baayɔ́-nwu litemi geen. Katɔti ɔtu ɔdi násu-nwu ɔnii ɔtala na babalɔ-ɔ na unu ƒula kenye kemmo litemi.”

Batalane Kabla 10:7

Amu ka Katɔti ɔtu ɔmɛni ɔ́tɔlɔ ni, Kornelio ɔ́lɔ nwuna kaduli nkyuli inyɔ ku bekpone bani mɔɔgyumana-nwu mmɔ akɔ unwi ɔni lɛnɔ ndi ukyuli ɔbuni.

Batalane Kabla 15:10

Na ɔƒaani ni, bi ɔsu na bɛɛkɔ́ku Blɔti lɛni? Abu ku bula bati kuuku bútakana etila amɛni udu buti! Bi ɔsu na biiti-nya taasia baƒɔtaadine bamɛni lɛlɔ?

Romaƒuɔ 2:24

Na Bunweni Kedee Ɔku kemmo ni, básu banii, “Amii Yudaƒuɔ udunkpi náya na bani naaadi Yudaƒuɔ baalɔ Katɔti lɛnyikpi.”

Korintoƒuɔ 1 10:32

Bitabla lɛla lɛni maya na Yudaƒuɔ iye bani naaadi Yudaƒuɔ iye baƒɔtaadine belebo Katɔti kudɔ.

Galatiƒuɔ 5:1

Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.

Lɛkpa Ulu 28:48

Anwuɔsu kɔka ku utukwɛ ku kɔwaba bonwu kɔdubɔda-mii na bɛkɛ ku kasɔngya bitaabla kabla teete bina bekisine bani enu kemmo na Unwoti ɔdubuti-mii ɔ́kya. Na Unwoti ɔdubɔya na bibo abi laa wetédu ka bina ƒui bíkpi bɛ́yii udu.

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Tito 2:5

Na bati lɛlɔ bɔda, na babla lɛlɔ kedee, na babla agya beliene babuni bani muuboku lɛlɔ kalɔ teete bana bagya. Ɔmɛni ndubɔya na ukyuli ɔdi ulasu lɛla likpidi lɛdi ulásiku linyesia lɛni nási Katɔti kudɔ lɛlɔ.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 3:16

Bɛya na bina kayi kemmo keteese ƒaa uwi biala kalɛ na si beedumi-mii ka bɛsiaku Kristo kama ni, na kɔƒa kukpo bekyuli bani mɔɔlɔ-mii anyikpi mmɔ.