Timoteo 1 5:6 - Katɔti Ɔku Kedee

⁶ Nsu ukpinele ɔni mɔɔbla lɛyalɛ ni, uuubo ngba na Katɔti anumi ina ka uli ngba.

Timoteo 1 5:6 ပူးပေါင်းရင်းမြစ်များ

Ala Kalɔ Buse 2:17

Nsu kugyii kɔni mɔɔyá na ukyuli ɔɔnu lɛbuni ku likpidi taati aku ni, tadi-ku ebi. Ɔsika si ádi kugyii kɔmmɔ ebi ni, bukpi kani na adubo bukpi.”

Agba 29:21

Si ákya kabla ɔblane ásiku lɛnamu uwi ni, ɔdubo ubaya na kɔnyana kuƒie-ɔ kama.

Yesaia 22:13

Nsu bɛɛnu ka lɛlɔ mmomu mɔɔyɔ́-mii, na bɛɛtɔ́ taaƒia taadi limeyi, na bɛɛdú bebuo taakun na bɛɛdi na bɛɛní ntɛ! Na bɛɛsu bɛnini, “Bɛya bɔdi na bɔni, ɔsika kɔnaadi bɔdubo bukpi.”

Yesaia 47:1

“Babel, awɔ ɔni nse aani ugblebi adagyaa, ta ƒula lɛgadi liboku lɛlɔ, na etélie ɔtumu akɔ, ɔsika ukyuli ɔdi ɔsɔ ɔɔɔdubo-ɔ bɔlɔ ɔnii ukyuli ɔni náƒɔ kuye na baabu-nwu.

Yeremia 6:2

Yerusalem ɔdi bebuo kadikɔ kabuni, nsu baƒonu badane badubɔka bamana-nwu na bele kalɔ kammɔ ƒui bete lɛlɔ,

Kɔnyana Buwulo 4:5

Na bani mɔɔdi balakɛne adila ku lɛmwi ku lɛmwi muedi ni, batɛ beekpi ku kɔka na lɛblɔnu lɛlɔ. Na bani nási bákɔ na kɔduli kɔbuni kemmo na baaagyi ayaki adi ni, ɔƒɛni amu beli kɔwaba kemmo.

Mateo 8:22

Yesu údie kenye ɔnini, “Siaku-mi kama. Na aya na bani nli aani bekpine ka bátaƒɔ bátadi ɔsu bataava bana bekpine.”

Luka 12:19

Na ndubɔsu lɛlɔ nnii kuli kɔdia-mii. Ala buni ani ƒui ása-mi ute akwa pii. Ndubɔnwuna, na lɛdi, na lɛni, na lɛkya lɛlɔ ebiti.’

Luka 15:13

“Na emeyi alɛɛ adi kama ni, ɔnamudi ɔmmɔ úti nwuna ala ammɔ ƒui úye na úti egulabi ammɔ na ɔ́tɔlɔ úsie ɔlɔgyu kakaaka kesii kani na útélie ngba basa basa na úbile egulabi ammɔ ƒui.

Luka 15:24

Ɔsika mina ubi ɔmɛni ni, búti-nwu bɔnii úkpi. Nsu ɔ́sɔ únwini úbo ngba. Ɔ́yii na bɔ́sɔ bɔ́nu-nwu.’ Ɔmɛni ɔsu bése kalɔ ku limeyi bɔdi.

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Luka 16:19

“Dii ni, ɔnana ɔlakɛne ɔdi ɔkya ɔni mɔɔda adala ani náƒɔ kuye, na ebiti kemmo sɔɔn na ɔ́kya nwuna ngba emeyi kemmo ƒui.

Luka 7:25

Bi geen ndi lɛla lɛni na bɛ́lɛ bísie bitánu? Ukyuli ɔni nálɛ bɔkpi ku adala? Bekyuli bani na báda lɛlɔ lɛni na belie ebiti kemmo ni, bagadine lɛgbanya na beelie.

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Eƒesoƒuɔ 5:14

Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Lɛkpa Ulu 28:54

Ina ukyuli ɔni nse buɛɛ iye ubo kasusu geen ulanu ɔwani iye ulekudi ɔni na ɔɔyɔ́ geen iye nwuna bebi bani nébu kɔnyana.

Lɛkpa Ulu 28:56

Na uleku ɔni nse buɛɛ na ubo kasusu geen na ubo akɛla ɔsu na ulesie kesi kesii muedi ni, si bina bekisine bammɔ báda bálɛ ɔma ɔmmɔ kemmo ni, anumi adubugyie uleku ɔmmɔ na adila lɛlɔ. Na ɔdubo bɔbɛ na ɔdu ubidi ɔni na ɔ́wɔ ɔkun ku awɔla ammɔ. Na ulete ɔgyani ɔni na ɔɔyɔ́ iye ubidi bamba lɛna lɛmmɔ lɛdi ɔnii ɔkun.

Koloseƒuɔ 2:13

Uwi ɔdi kemmo ni, bíkpi na kɔyu kemmo ɔ́si bina ekpidi ɔsu ku ka bátabla-mii ekpidi bukulo teedie ɔdi ɔmmɔ ɔsu. Nsu Katɔti ɔ́ya na bɔ́sɔ búnwini búbo bulie ngba ku Kristo ka úti bula ekpidi ƒui ɔ́kyiɛ-bu ɔsu.

Timoteo 2 3:6

Ɔsika bekyuli bamɛni udu ni, baabɛ́ teeduo bekyuli kɔduli na baadi beleku bani naaakana bana lɛlɔ bɔda lɛlɔ, ɔsika ekpidi lidu lidu bɔbla bɔ́ya na beeebo bunwini teewi.

Yakobo 5:5

Ngba bɔni na bílie na kayawi mɛni ni, bɛ́kɛ kayawi kamɛni kemmo ebiti ku lɛlɔyɔ biala. Na bílie lɛmwi kalɛ na badu-mii na Litemi Bɔtɛ Limeyi lɛmmɔ lɛlɔ.

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’

Budie Taatina 3:1

Ɔ́sɔ ɔ́su-mi ɔnini, “Nweni te Sardi baƒɔtaadine lɛkpa ɔtu anii, “Lɛni na ukyuli ɔni mɔɔdi ayu maatɛ ani mɔɔbla Katɔti kabla na nwuna lɛga boku anumi lɛlɔ na ɔda ayabi maatɛ ammɔ na nwuna kɔdianu ɔɔsu.

Samuel 1 15:32

Mmɔ na Samuel ɔ́kpali momoomo ɔnini, “Bɛkpanku Amalekƒuɔ Ɔga Agag biboku-mi mɛni.” Na Agag lɛnɔ úsie úbo-nwu kudɔ ku kayi ƒaa, na ɔ́bla kasusu ɔnii uwi ɔni na basɔ badu-nwu ɔ́vi.

Samuel 1 25:6

Na bɛsu-nwu bɛnini, ‘Muuvele Unwoti nnii ute-ɔ ngba gyɔlɔɔ! Na ute awɔ ku ƒula kaduli bekyuli ƒui ɔlɔkplu. Na ɔya na ƒula ala ani ƒui na ebo akya kpakplaa!