Timoteo 1 5:3 - Katɔti Ɔku Kedee

³ Bekpinele bani neeebo bebunkune ni, da-ma kaduɛ ku ɔbu.

Timoteo 1 5:3 ပူးပေါင်းရင်းမြစ်များ

Hiob 29:13

Na bekyuli bani na ala étulo na nka bukpi na bada muedi ni, lídie-ma na beete-mi kusɛ kusɛ. Na bekpinele kayi káyɔ-ma ƒaa na bédie lɛlɔyɔ lɛnu.

Hiob 31:16

“Na ńtanya bekpinele ńtakya iye bani mɔɔyaki lɛla lɛdi na belie beteebo abi.

Kɔgya 146:9

Ɔɔnu baƒɔ lɛlɔ, na uudie bekpinebi ku bekpinele. Nsu balalane ama ni, Unwoti Katɔti uubile bana ablala ku kɔkwɛ ƒui.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.

Kɔgya 94:6

Baadú bekpinele ku baƒɔ ku bekpinebi lɛnɔ.

Israelƒuɔ Bɔlɛ 20:12

Bu ƒ'ɔti ku ƒ'ini na adubulie ngba gyɔlɔɔ, na keyi kayɔku-ɔ na kalɔ lɛlɔ, kalɔ kani na ami Unwoti ƒula Katɔti ndubuti lite-ɔ.

Yeremia 49:11

Nsu bɛƒɔ-mi bɛdi ka ndubɔnu bina bekpinebi ku bekpinele ƒui lɛlɔ.

Mateo 15:6

ɔ́kɛ kenyekɔ kalɛ na uni na ulabu na ulebunku nwuna bawɔne lɛnɔ. Ulu ɔmɛni lɛlɔ na bɛɛsia teeni Katɔti ɔda bubo kalɛ na bɛsia bina bati bammɔ ala bɔtina kama.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Luka 7:12

Uwi ɔni na údu ɔma ɔmmɔ kabanye ni, ɔ́siaku kekwa bablane otogyi ɔdi ka ɔ́si ɔɔlɛ́. Ukpinele ɔdi ubi ɔnanabi unwi pɛ ndi ukpine ɔni na beti béselaku. Na ɔma ɔmmɔ bekyuli pii báka bámana ukpinele ɔmɛni.

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Batalane Kabla 6:1

Na uwi ɔmmɔ kemmo ɔni na batɛyane bamɛni beemomo teebu ni, unyeƒi úbebo Yudaƒuɔ bani na beetemi Griki lɛdi ku Yudaƒuɔ bammɔ geen ntɛ. Ɔsika si béle adila ni, eledu Grikiƒuɔ bekpinele.

Batalane Kabla 9:39

Amu na anwu lɛnɔ ɔ́ta ɔ́siaku-ma, na ka ɔ́nya úbeduo ni, bétiku-nwu bésienku kesii kani na Dorka ɔtɛ. Na bekpinele bani nkya mmɔ ƒui bábaka bámana-nwu na beewulo. Na bada lɛwu lɛni na Dorka ɔ́ka úte-ma baatina Petro.

Batalane Kabla 9:41

Amu na Petro úte-nwu kɔnu na anwu lɛnɔ úƒie-ku ɔ́da na ɔ́ta únye. Amu na Petro ɔ́sɔ ɔ́lɔ baƒɔtaadine ku bekpinele bammɔ ƒui úboku. Na úti-nwu ɔ́kya-ma lɛkɔkɔ.

Lɛkpa Ulu 10:18

Na ɔdi-nwu lɛyɔla ka bekpinebi ku bekpinele baakɛ́ bana kadikɔ. Na ɔɔyɔ́ baƒɔ litemi na uute-ma adila ku adala.

Lɛkpa Ulu 14:29

Na edula ammɔ adi Lewiƒuɔ ku baƒɔ ku bekpinebi ku bekpinele bani nkya bina lɛma ɔdi. Na badubuteebo taabaƒɔ ala ani na baawia na badi bemo. Na si bɛɛbla ɔmɛni ni, bina Unwoti Katɔti ɔdubuteete-mi kusɛ kusɛ na bina kabla biala kemmo.

Lɛkpa Ulu 16:11

Na si bísela ni, biti bina bebi ku bina kabla bablane banana ku beleku ku baƒɔ bani nkya-mii akɔ ku Lewiƒuɔ ku bekpinebi ku bekpinele bani nkya bina lɛma kemmo ƒui bɛda. Na biti kubiti bɛdi limeyi lɛmmɔ na Katɔti anumi.

Lɛkpa Ulu 16:14

Na si bísela bitádi limeyi lɛmmɔ ni, biti bina bebi ku bani mɔɔbla-mii kabla ku Lewiƒuɔ ku baƒɔ bani nkya-mii kudɔ ku bekpinebi ku bekpinele bani ƒui nkya bina lɛma kemmo bɛda na bitádi limeyi lɛmmɔ ku kubiti.

Lɛkpa Ulu 27:19

‘Ewida asiaku ukyuli ɔni mɔɔnya bekyuli bani naaadi Israelƒuɔ ku bekpinebi ku bekpinele taakya.’ Na ɔlɛka bekyuli batuna banii, ‘Ɔsia lɛni.’

Tesalonikaƒuɔ 1 2:6

Bútawia bumwi bútasiku amii iye bekyuli bamba kudɔ. Ina ka bubo kuƒi aani Kristo batalane kalɛ na bula lɛlɔ bɔnu bunwini etila bɔsia-mii lɛlɔ muedi ni,

Timoteo 1 5:2

Da beleku bani nábi lɛlɔ bétulo-ɔ aani ƒula beni kalɛ. Na ada begblebi lɛnɔ aani ƒula banwani belekubi, na ataabla lɛlɔ kedee.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Petro 1 2:17

Bɛbu bekyuli ƒui. Bɛyɔ bina banwani. Na bɛyia Katɔti. Na bɛbu Ɔga Unengudi lɛnɔ.

Petro 1 3:7

Amii bagya lɛnɔ ni, bɛya ala kalɔ bunu bɔkya amii ku bina beleku ntɛ, ɔsika beeebo ɔyikun aani bina kalɛ. Biti ɔbu bite-ma, ɔsika amii ku-ma ƒui na Katɔti ɔ́su úse ka ɔdubuti ngba bɔni nsɔ naaadubo bɔsa kudii ute. Na si amii bagya bɛ́bla ɔmɛni ni, Katɔti ɔdubunu bina ƒui katɔ bɔkpali.