Timoteo 1 5:17 - Katɔti Ɔku Kedee

¹⁷ Na baƒɔtaadine batɔnkune bani mɔɔtɔnku bekyuli kaduɛ ni, ɔlɛka bakɛ lɛyuƒɔla lɛni nésie anumi. Na ɔni ntulo ƒui ndi bani mɔɔtina ala na baasu litemi buni lɛnɔ.

Timoteo 1 5:17 ပူးပေါင်းရင်းမြစ်များ

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Galatiƒuɔ 6:6

Ukyuli ɔni na bátina-nwu bɔƒɔtaadi kemmo etemila ni, anwu lɛnɔ ule nwuna akɛla ku ukyuli ɔni mɔɔtina-nwu ala mmɔ.

Luka 10:7

Bɛsɔ bɛkya kaduli kani kemmo na báƒɔ-mii. Na lɛla biala lɛni na badubuti bete-mii ni, bɛdi na bɛni-ni. Ɔsika kabla ɔblane biala ni, ɔlɛka bete-nwu nwuna lɛyuƒɔla. Bitatáka bitamana ɔ́si kaduli kani úsie kani.

Hebriƒuɔ 13:7

Binyimo bina batɔnkune bani násu-mii Katɔti litemi. Na bɛbu bɛnu kɔsia kɔni na bákɛ na ulu ɔni na béti bélie ngba kemmo. Na bɛnu bana bɔƒɔtaadi bɛtɛya.

Timoteo 2 2:6

Umonsene ɔni nábla kogyoklo geen na nwuna kemmo ni, anwu mɔɔka edula ammɔ bɔdi.

Ƒilipiƒuɔ 2:29

Anwuɔsu bigyingya enu na bɛƒɔ-nwu ku kubiti na Blɔti lɛnyi kemmo. Na biti ɔbu bite bekyuli bani ƒui nse aani kalɛ na use.

Romaƒuɔ 12:8

Si ɔdi bekyuli ɔkplu bɔkya ni, ɔdi ka ɔkya bekyuli ɔkplu. Si bekyuli na ɔdi ka ute ala ni, na ute ku kaƒɔ ƒaa. Na si bekyuli bɔtɔnku lɛnɔ na ɔdi ni, ɔdi ka uti nwuna anu ƒui ɔsia kabla kammɔ lɛlɔ na ɔtɔnku-ma. Si kɔnyana bɔnu na ɔdi ni, na ɔnu kɔnyana ku kayi ƒui.

Batalane Kabla 28:10

Na ablala amɛni ɔsu ni, bébete-bu etela pii. Na ɔni na uwi údu ka bɔtɔlɔ mmɔ ni, béti etela ani ƒui bɔdubuti bɔda ulu béboku-bu.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Romaƒuɔ 16:12

Bigyele beleku bani ndi Triƒaina ku Triƒosa bani nábla kabla na Blɔti kemmo. Na bigyele mina ɔkpana ɔyɔne Persi ɔni ndi uleku ɔbambadi ɔni lɛnɔ nábla kabla kpakplaa na Blɔti kemmo.

Romaƒuɔ 15:27

Ɔ́yɔ-ma kaƒɔ ka babla lɛni. Na badi-ma bayune sɔsɔ! Ɔsika si bekyuli bani naaadi Yudaƒuɔ bákɛ kadikɔ ku Yudaƒuɔ kɔyu kemmo ala abuni ni, agyi anii ama lɛnɔ ɔlɛka bebunku Yudaƒuɔ ku bana akɛla.

Ƒilipiƒuɔ 4:3

Na amii lɛnɔ aani mina kabla bablane bakpana ni, mɔɔyɔ́ ka bibunku beleku bamɛni. Ɔsika báblaku-mi kabla na bɔ́kana na búgyingya litemi buni lɛmmɔ. Bɔ́bla ala amɛni ku Klement lɛnɔ ku banwa kabla bablane bakladi bani anyi na bénweni bakya Katɔti Ngba Ɔku kemmo.

Korintoƒuɔ 1 16:16

biti ɔbu bite batɔnkune bamɛni ku babambadi bani muubunku-ma kabla kammɔ.

Batalane Kabla 11:30

Ka béyi ala amɛni ni, béti-nya béte Barnaba ku Saulo na béti bésienku Yudea baƒɔtaadine benengu bammɔ.

Baga 2 2:9

Uwi ɔni na bávia báwɔlɔ ni, Elia ɔ́su Elisa ɔnini, “Su-mi lɛla lɛni na aayɔ́ ka lite-ɔ asa na beti-mi batɔlɔku na ƒula kudɔ.” Amu na Elisa údie kenye ɔnini, “Ya na kɔnu kutuku-mi Katɔti Kɔyu ɔyikun ɔni náƒɔ-ɔ lɛlɔ kemmo akpa anyɔ.”

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Timoteo 1 4:16

Da lɛlɔ kaduɛ ku ala ani na aatina. Nye kabla kammɔ lɛlɔ kpakplaa. Ɔsika si ábla lɛni ni, adubudie awɔ ku bekyuli bani ƒui muunú ƒula litemi lɛmmɔ alɛku kɔtu bɔni kemmo.

Timoteo 1 3:5

Na si ukyuli ɔdi ɔkya na ulákana nwuna kaduli bekyuli lɛlɔ bɔnu ni, agyi anii ulakana na watɔnku Katɔti baƒɔtaadine.

Ƒilipiƒuɔ 2:16

Na bɛda ngba litemi lɛmmɔ kaduɛ. Na si bɛ́kana na bɛ́bla ɔmɛni ni, ndubɔkɛ kenyekɔ na lɛkun lɛmɛnɛ na limeyi lɛni lɛlɔ na Yesu wada walɛ. Ɔsika ɔdubɔtina ka ńtekeli usi ɔmmɔ keeke iye ńtebo abi ńtewiakun.

Mateo 24:25

Binu! Mɔɔlɛ-mii lise asa na uwi ɔmmɔ udu.

Hebriƒuɔ 13:24

Bigyele bina batɔnkune ƒui bite-bu ku Katɔti bekyuli bammɔ ƒui. Banwa bani nkya Italia ƒui beegyele-mii.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Yohane 4:38

Lɛ́tala-mii nnii bitáƒɛ edula ani na ɔɔɔdi amii nákya-nya. Bekyuli bamba nábla kabla kpakplaa kamɛni na edula amɛni bɔƒɛ kɔsia kani na amii bíbakɛ.”

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Sakaria 9:12

na lɛya na bɛsɔ bɛkɛ lɛnunsia. Binwini bisie bina kagyumanakɔ kpakplaa kammɔ. Ɔsika ɔmwi ni, ndubo-mii kayu bɔƒɔ akpa anyɔ na kabla ala ani nése-mii dii ɔsu.

Yeremia 17:18

Die-mi na lɛla lɛdi takana bɔbla ku kɔƒa kudɔ. Na aya na mina bekisine mmomu batakana lɛla lɛdi bɔbla na kɔƒa kukpo-ma. Ya na ɔgbankpi ɔlɛku-ma na ala ani na baayia teetulo alɛku-ma.

Yeremia 16:18

Ndubo-mii kɔtu bɔni bɔsia kama kunyɔ kunyɔ na bina ekpidi ɔsu, ɔsika bɛ́ya na mina kalɔ kammɔ keesé lɛlɔ. Na bítágyu ala ani neeebo ngba bíbalɛ bɛnii baƒiɔ na si mɔɔnu-nya ni, buse na bese-mi aani bekpine.”

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Timoteo 1 5:3

Bekpinele bani neeebo bebunkune ni, da-ma kaduɛ ku ɔbu.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Korintoƒuɔ 1 3:9

Ɔsika bɔdi bakpana na kabla kenwi kemmo. Na bɔ́sala bɔɔbla-ka teete Katɔti. Na amii bise aani Katɔti kemmo kani lɛlɔ na bunye bɔɔtuma. Na bise lɛnɔ aani ɔtɔ ɔni na Katɔti ɔ́tu.

Timoteo 1 4:14

Na Katɔti Kɔyu kemmo kabla etela ani na úti ɔ́kya-a lɛlɔ kemmo ɔkɛnku nwuna kenye bediene ku baƒɔtaadine benengu bani néti enu básia-a lɛlɔ ni, tada-nya taya.

Timoteo 1 5:19

Si ukyuli ɔdi úbo ɔɔdá ɔtɔnkune ɔdi kenye ni, taƒɔ taadi si bétedu nkyuli inyɔ ku kama.

Bumomo Bɔka 18:31

Na amii ku bina kaduli bekyuli bɛkana na bɛdi ɔkladi na kesi kesii ƒaa, ɔsika ɔmmɔ ndi bina lɛyuƒɔla na kabla kani na bɛɛbla na Unwoti Adi Kevo kemmo kenye.

Lɛkpa Ulu 18:8

Na ɔlɛka bete-nwu adila aani kalɛ na beete bakpane bani nlie mmɔ adila ina ka nwuna kaduli bekyuli béte-nwu egulabi adi.