Timoteo 1 5:13 - Katɔti Ɔku Kedee

¹³ Ɔmmɔ kama ni, badububile uwi na bakɛ kɔnu bete bekyuli kɔduli bɔvi bataatɛmi atɛ keeke. Na ukpidi ƒui ndi ka ni, badubutaalɔ bekyuli anyikpi na beteekeyi atɛ. Na bataatɛmi bekyuli lɛlɔ kɔtɛ ku ala abambadi ani na útalɛka basu.

Timoteo 1 5:13 ပူးပေါင်းရင်းမြစ်များ

Agba 11:13

Katɛ ɔtɛne keeke mɔɔví teebo abɛla kudu. Nsu ukyuli ɔni báƒɔ bádi ka ulátɛmi kalɛ kalɛ ni, baasu-nwu kɔbɛtɛ.

Agba 20:19

Kɔtɛ keeke ɔtɛmine uugyingya kɔbɛtɛ. Anwuɔsu tadiku ukyuli ɔmmɔ udu kɔkpana.

Agba 31:27

Na ɔɔsia lɛla biala mɔɔlɛ́ na nwuna kaduli anu kaduɛ, na ulákya enu lɛgba akɔ taakɛ nwuna lɛdila.

Agba 7:11

Ɔsika uleku ɔni mbo kudu na kɔƒa kulekpo na ɔdi. Na ulélie kaduli uwi ɔdi.

Lewiƒuɔ Ɔda Bubo 19:16

“ ‘Bitataalɔ bina bakpana anyikpi taavi. “ ‘Na ɔdi utabla lɛla lɛni maya na nwuna ɔkpanadi ngba buduo ɔgbankpi kemmo. Ami ndi Unwoti.

Luka 10:7

Bɛsɔ bɛkya kaduli kani kemmo na báƒɔ-mii. Na lɛla biala lɛni na badubuti bete-mii ni, bɛdi na bɛni-ni. Ɔsika kabla ɔblane biala ni, ɔlɛka bete-nwu nwuna lɛyuƒɔla. Bitatáka bitamana ɔ́si kaduli kani úsie kani.

Batalane Kabla 20:20

Bɛɛnu-mi kaƒɔ. Lɛɛɛdi ulikplune. Na Blɔti ala ani ƒui ngyi na nwuna lɛlɔ ni, anya na lɛtina-mii, na ńteti ɔdi ńtabla-mii. Lɛ́tina Blɔti litemi lɛmɛni na kadi ƒui anumi ku bina kɔduli.

Batalane Kabla 20:30

Na bina akɔ muedi ni, badi badubo litemi geen lɛmmɔ bɔda bɔnyonu na bakpanku bekyuli pii basiaku bana ɔkɔ ala bɔtina kama.

Timoteo 1 5:12

Na ɔmɛni ɔdubɔya na baƒiɔ linyese lɛni nkya ama ku Katɔti ntɛ na ɔdu-ma kɔtɔ.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Yakobo 3:10

Kenye kamɛni na bɔda buumwi Katɔti, na bɔda buuwida bekyuli lɛnɔ. Banwa, útalɛka use lɛni.

Petro 1 4:15

Bitaya na bina kemmo ɔdi ubo abi aani bekyuli ɔdune iye uyune, iye likpidi ɔblane, iye ukyuli ɔni neeete bekyuli bɔnwuna kalɛ.

Yohane 3 1:10

Si líbo ni, ndubudie-nwu keyi na lɛla lɛni na ɔ́bla lɛlɔ ku ala ekpidi ani na ɔɔsu tasiku-bu lɛlɔ ku ɔkɔ ɔni na ɔ́nyi ɔ́sia-bu. Nsu ɔmmɔ lɛti bɔbla bútabɔ-nwu. Ɔsika ulátuna ɔnii ɔɔƒɔ́ banwa si bébo. Na uutile bekyuli bamba bani mɔɔyɔ́ ka baƒɔ-ma lɛnɔ kuƒi, na ɔɔbɔku-ma teedie lɛkpa lɛmmɔ kemmo.