Timoteo 1 5:11 - Katɔti Ɔku Kedee

¹¹ Bekpinele bani nétedu tɔ akwa liti ku leevu ni, teti bana anyi tebunku bekpinele lɛkpa lɛmɛni. Ɔsika si ɔlɔna kɔgya bulie emini eekpóku-ma ni, badubɔlɛ Kristo kama na betélie agya bamba.

Timoteo 1 5:11 ပူးပေါင်းရင်းမြစ်များ

Yesaia 3:16

Unwoti ɔnini, “Yerusalem beleku balábu. Bákpa bana amɔ bakɛ beesé anumi teete banana, na bana enwu eti kayaa, na ala ani nda-ma akɔnkɔ ku anikpo aabla kɔku na beebó lɛlɔ kudu. Katɔti ɔdubɔni-ma kɔtu.

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.

Timoteo 1 4:3

Na baatina banii utalɛka bekyuli beti beleku. Na baasu banii batadi adila lidu lɛdi bene lɛnɔ. Nsu Katɔti nédie adila ƒui úse kalɛ na bani náƒɔ-nwu litemi geen bádi na basiaku-nwu kama ni, badi-nya ku linugya.

Timoteo 1 5:12

Na ɔmɛni ɔdubɔya na baƒiɔ linyese lɛni nkya ama ku Katɔti ntɛ na ɔdu-ma kɔtɔ.

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Timoteo 1 5:9

Teti ukpinele ɔni nátaƒɔ tɔ akwa liti ku leevu lɛnyi tebunku bekpinele lɛkpa lɛni nkya baƒɔtaadine bammɔ akɔ. Na ɔni nsia ni, ukpinele ɔni néduo lɛkpa lɛmmɔ kemmo ɔlɛka ɔbla uleku ɔni nélie kɔgya kunwi.

Yakobo 5:5

Ngba bɔni na bílie na kayawi mɛni ni, bɛ́kɛ kayawi kamɛni kemmo ebiti ku lɛlɔyɔ biala. Na bílie lɛmwi kalɛ na badu-mii na Litemi Bɔtɛ Limeyi lɛmmɔ lɛlɔ.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Budie Taatina 18:3

Ɔsika Kayawi bekyuli ƒui báni ɔma ɔmmɔ alaekpidi bɔbla békpi aani ntɛ. Na ɔ́tɔlɔ-ma aani kalɛ na ɔyalɛ ɔɔtɔ́lɔ bekyuli taatákya likpidi kemmo. Kalɔ lɛlɔ baga ƒui beesié ɔma ɔmmɔ teebo aani kalɛ na banana beesié ɔyalɛ kudɔ. Na kalɔ ƒui beyedine benengudi bénwini balakɛne ɔkɛnku bana liyedi na ɔma ɔmmɔ ɔni néyi ku akɛla ani ndanku adikpi bɔdi.”

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’

Budie Taatina 18:9

“Na kalɔ lɛlɔ baga bani muusié ɔma ɔmmɔ teebo taabla ekpidi na békeli basiaku adikpi bɔdi akɛla kama na mmɔ ni, badubo keku ku kɔnyana buwulo na ɔma ɔmmɔ lili si bánu uyɔ ka ɔɔkɔ́ katɔ uwi ɔni na ɔɔkywí.