Timoteo 1 5:10 - Katɔti Ɔku Kedee

¹⁰ Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Timoteo 1 5:10 ပူးပေါင်းရင်းမြစ်များ

Ala Kalɔ Buse 18:4

Ya na beboku ntu bɔdi na bina ƒui bɛƒɔ lɛgba na bɛnwuna na kugyii kɔmɛni kalɔ.

Ala Kalɔ Buse 19:2

Mmɔ na ɔ́su ɔnini, “Ati bene, buvele binwini bibo-mi kaduli mɛni na bibaƒɔ bina lɛgba na bɛtɛ-mi kudɔ. Na si kadi kégye ni, na bɛsɔ bɛyu ulu biteesie ƒaa.” Amu na bédie kenye banini, “Oowo, kalɔ ntɛ na kadi kasakɔ, na bɔdubo bunye usien umodi.”

Ala Kalɔ Buse 24:32

Amu na ɔnana ɔmmɔ ɔ́siaku Laban úsie kaduli na báƒɛnimi bebuo bammɔ etila. Na béti livo ku alakpi ani lɛlɔ na bebuo bammɔ badubɔtɛ béboku bebuo bammɔ. Na bédu ntu béboku bekyuli bani na anwu ku-ma bakɛ banii baƒɔ lɛgba.

Ala Kalɔ Buse 43:24

Ɔmmɔ kama ni, ɔnana ɔmɛni ɔkpanku-ma na bétéduo Yoseƒ kaduli kemmo, na úte-ma ntu, na báƒɔ lɛgba. Na ɔ́wia adila úte bana bebuo ala betine.

Kɔgya 119:4

Unwoti, awɔ néti ƒula ɔda bubo éte-bu na ásu-bu ka bɔdi-mu lɛlɔ kaduɛ.

Yesaia 1:17

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Lewiƒuɔ Ɔda Bubo 25:35

“ ‘Si Israelni ɔdi ulie ude-ɔ na úbenwini ɔwabane na ulakana nwuna lɛlɔ bɔnu ni, na awɔ ɔni nlie ede-nwu ete-nwu kebunku aani kalɛ na adubute ukyuli ɔni na ɔɔbla kabla teete-ɔ kebunku kalɛ na anwu lɛnɔ ɔkana bina akɔ bulie.

Mateo 25:17

Lɛni kani na kabla ɔblane ɔni náƒɔ aƒo anyɔ lɛnɔ úbo nwuna ɔdi únwini na ɔ́sɔ ɔ́kɛ aƒo anyɔ abambadi ɔ́sia.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Luka 7:38

Úbenye Yesu kudɔ na uuwulo teewi-nwu lɛgba lɛlɔ. Na uleku ɔmmɔ úti nwuna lili linwini úni imii bɔni néwi Yesu lɛgba mmɔ, na ɔ́dada-nwu lɛgba. Na úti nnɔmii bɔmmɔ úwi Yesu lɛgba lɛnɔ.

Luka 7:44

Mmɔ na Yesu únwini útánu uleku ɔmmɔ na ɔ́su Simon ɔnini, “Aanu uleku ɔmɛni? Ka líbo-ɔ kudɔ ni, étete-mi ntu anii nƒɔ lɛgba. Nsu uleku ɔmɛni úti nwuna imii ɔ́ƒɔ-mi lɛgba, na úti nwuna lili linwini úni-ni.

Batalane Kabla 10:22

Amu na básu-nwu banini, “Batu na bɔdi, bɔ́si Kornelio ɔni ndi Romaƒuɔ kekpo unengu kudɔ. Ɔdi ukyuli ɔbuni na ɔɔbu Katɔti. Na Yudaƒuɔ ƒui baayɔ́-nwu litemi geen. Katɔti ɔtu ɔdi násu-nwu ɔnii ɔtala na babalɔ-ɔ na unu ƒula kenye kemmo litemi.”

Batalane Kabla 22:12

“Na mmɔ ni, ɔnana ɔdi ɔkya ɔni baalɔ Anania. Ɔdi ukyuli ɔni mɔɔkya lili kalɔ teete Katɔti geen, na ɔsiaku bula ɔda bubo bɔmmɔ lɛlɔ lɛnɔ. Na Yudaƒuɔ bani nkya mmɔ ƒui baabu-nwu kaduɛ.

Batalane Kabla 6:3

Na ɔƒaani ni, banwa, bɛnu bɛmana na bidie nkyuli maatɛ bani náda anu na Katɔti Kɔyu kɔ́ƒɔ-ma lɛlɔ kemmo ƒui. Na bɔdubuti-ma buse kabla kamɛni kenye kalɛ na abu bɔkɛ uwi bute Katɔti bɔkpali ku litemi buni bɔsu ku ala bɔtina.”

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Batalane Kabla 9:39

Amu na anwu lɛnɔ ɔ́ta ɔ́siaku-ma, na ka ɔ́nya úbeduo ni, bétiku-nwu bésienku kesii kani na Dorka ɔtɛ. Na bekpinele bani nkya mmɔ ƒui bábaka bámana-nwu na beewulo. Na bada lɛwu lɛni na Dorka ɔ́ka úte-ma baatina Petro.

Romaƒuɔ 12:13

Bile bina lɛlɔ ala bite Katɔti bekyuli bani neeebo lɛla lɛdi. Na bɛgyingya enu na bɛƒɔ baƒɔ.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Timoteo 1 2:10

Mmomu ni, bana ɔbladu ɔbuni udie-ma ɔtina aani beleku bani mɔɔsu banii basiaku Blɔti.

Timoteo 1 3:2

Na baƒɔtaadine ɔtɔnkune ni, ɔlɛka ɔbla ukyuli ɔni na litemi lɛdi lɛɛɛda-nwu, na úti uleku unwi, na ɔ́da anu, na ɔda lɛlɔ, na bekyuli baabu-nwu. Ɔɔbla lɛƒɔ na ɔdi ala ɔtinane buni.

Timoteo 1 3:7

Ɔlɛka ɔbla ukyuli ɔni na ubo lɛnyi buni na bekyuli bani naaadi baƒɔtaadine lɛnɔ anumi, kalɛ na balasu lɛla likpidi lɛdi na nwuna lɛlɔ na weduo ukisine ɔmmɔ kakpagyuɛ kemmo.

Timoteo 1 5:16

Si ukpinele ɔdi ɔkya ɔƒɔtaadine ɔdi kaduli ni, anwu ɔnu-nwu lɛlɔ kalɛ na etila ammɔ asɔ alasia Katɔti baƒɔtaadine lɛlɔ. Na ɔya na baƒɔtaadine bamɛni bataanu bekpinele bakladi bani neeebo bebunkune lɛlɔ.

Timoteo 1 5:25

Lɛni kani na ala abuni adi bɔbla lɛnɔ eeebo ɔbɛ, na ani nábɛ lɛnɔ adubɔlɛ keyi.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Timoteo 2 1:5

Mɔɔkali taanu ƒula bɔƒɔtaadi kpakplaa bɔni na ebo. Bɔƒɔtaadi bɔmmɔ nákya ƒ'inieku Lois ku ƒ'ini Eunike alati kemmo. Lɛ́ƒɔ lɛ́di ka awɔ lɛnɔ ebo-mu.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Timoteo 2 3:17

Bénweni-nya kalɛ na ukyuli biala ɔni néti lɛlɔ úte Katɔti wamanku na ɔklibi-nwu ute ala abuni bɔbla.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Tito 3:1

Na aya na bana ƒui benyimo na beboku lɛlɔ kalɔ bete bana batɔnkune ku lɛlɔ badine, na benu-ma litemi, na bataabla lɛbuni na ulu biala lɛlɔ.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 10:24

Na butaabu taanu ulu ɔni lɛlɔ na bɔdubɔkana na bɔkya lɛlɔ ogya, na butaayɔ bekyuli, na butaabla ala abuni.

Hebriƒuɔ 13:2

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 4:9

Bɛbla lɛƒɔ bite bina bakpana na bɛƒɔ-ma na beduo-mii kudɔ ƒaa na bitakyaku-ma unyeƒi.

Yohane 3 1:12

Na Demetrio anwu ni, ukyuli biala ɔɔlɔ-nwu lɛnyi buni. Na kalɛ na bɔɔnu litemi geen lɛmmɔ na nwuna lɛlɔ kemmo ni, úte-nwu lɛnyi buni. Na abu lɛnɔ bɔɔlɔ-nwu lɛnyi buni. Na bɛgyi ka lɛla lɛni na bɔɔsu lise lɛni.