Timoteo 1 5:1 - Katɔti Ɔku Kedee

¹ Tadɔnku ukyuli ɔni nábi lɛlɔ utulo-ɔ momoomo. Mmomu die ala kalɔ te-nwu ku kayi buɛɛ aani ƒula ɔti kalɛ. Na ada bakloƒu aani banwani kalɛ.

Timoteo 1 5:1 ပူးပေါင်းရင်းမြစ်များ

Lewiƒuɔ Ɔda Bubo 19:32

“ ‘Si bɛ́nu benengu bani náabi lɛlɔ ni, bɛta binye na bite bina batɔnkune ɔbu na biti ɔbu geen bite ami bina Katɔti. Ami ndi Unwoti.

Mateo 23:8

“Na bɔƒɔtaadi ulu lɛlɔ ni, bitaya na bekyuli balɔ-mii Unwoti, ɔsika banwa na bɛdi bite lɛlɔ. Na Unwoti unwi pɛ kani na bibo.

Batalane Kabla 14:23

Amu na Paulo ku Barnaba lɛnɔ bédie batɔnkune béte baƒɔtaadine akpa akpa ƒui, na bákpali katɔ na bélie kɔka na béti-ma bákya Blɔti ɔni na báƒɔ bádi lɛkɔkɔ.

Batalane Kabla 15:4

Amu ka bétédu Yerusalem ni, baƒɔtaadine ku batalane ku bana benengu ƒui báƒɔ-ma kaduɛ. Na Paulo ku Barnaba béti bana ulu busie litemi báva-ma anumi ɔ́si ala ani ƒui na Katɔti ɔ́bla ɔ́kɛnku-ma lɛlɔ.

Batalane Kabla 15:6

Anwuɔsu bana benengu ku batalane bátásala lisu na béti litemi lɛmɛni lɛlɔ kasusu.

Batalane Kabla 20:17

Amu ka bútédu Mileto ni, ɔ́tala batu ɔ́kya Eƒesoƒuɔ baƒɔtaadine benengu ɔnii bebo babanu-nwu na mmɔ.

Romaƒuɔ 13:7

Anwuɔsu ni, bɛƒɔ bana ɔdi biala kayu kani na bɛda-nwu. Si kalɔ kammɔ egulabi ani na báda béte ɔdi biala na ɔdi ni, na bɛƒɔ-ka. Si kuyi kɔdi ni, na bɛƒɔ aku lɛnɔ. Si ɔbu na ɔdi ka bite ni, na bite. Na si bumwi lɛnɔ ɔdi ni, na bimwi.

Galatiƒuɔ 6:1

Banwa, si ɔdi ɔ́bla likpidi lɛdi ni, amii bani na Katɔti Kɔyu kɔ́ƒɔ-mii lɛlɔ kemmo ni, binwini-nwu buɛɛ na ɔda likpidi lɛmmɔ bɔbla ɔya. Nsu bɛnu kaduɛ kalɛ na bina akɔ ɔdi uleduo ɔgbankpi ɔmmɔ udu kemmo.

Lɛkpa Ulu 33:9

Ɔsika bídie bina Unwoti kama bɔsiaku bɔyɔ bɛtina geen. Na bɔyɔ bɔmmɔ bubo ɔkplu butulo bɔni bibo bite bina bawɔne ku banwani ku bebi muedi.

Timoteo 1 5:17

Na baƒɔtaadine batɔnkune bani mɔɔtɔnku bekyuli kaduɛ ni, ɔlɛka bakɛ lɛyuƒɔla lɛni nésie anumi. Na ɔni ntulo ƒui ndi bani mɔɔtina ala na baasu litemi buni lɛnɔ.

Timoteo 1 5:2

Da beleku bani nábi lɛlɔ bétulo-ɔ aani ƒula beni kalɛ. Na ada begblebi lɛnɔ aani ƒula banwani belekubi, na ataabla lɛlɔ kedee.

Tito 2:2

Tina benengu bammɔ ƒui anii ɔdi ka babla anumi ku kasusu nwaa uwi biala. Na bada lɛlɔ kaduɛ ku bana bɔƒɔtaadi, na bataayɔ lɛlɔ, na bataakya ɔkplu lɛnɔ.

Tito 2:6

Ulu ɔmɛni kani lɛlɔ na ɔlɛka eti akya bakloƒu lɛnɔ ɔkplu kalɛ na bada lɛlɔ kaduɛ.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Yakobo 5:14

Na si bina kemmo ɔdi uuƒi ni, ɔtala na balɔ baƒɔtaadine benengu na bebo babakpali katɔ bete-nwu na bawɛɛ-nwu nnɔmii na Blɔti lɛnyi kemmo.

Petro 1 5:1

Muuvele amii bani ndi baƒɔtaadine benengu na bina akɔ, ɔsika ami ɔlati lɛ́nu kalɛ na Kristo úbo abi na muudie ɔmmɔ kenye. Na mina anu asia ka ami ku-nwu bɔdubɔdi lɛga na nwuna bukeye bɔmmɔ kemmo na uwi ɔni na wasɔ webo.

Yohane 2 1:1

Ami baƒɔtaadine unengu muunweni ɔku ɔmɛni lite awɔ uleku ɔni na Katɔti ɔ́ƒuna aani nwuna ɔdi ku ƒula bebi. Mɔɔyɔ́-mii na litemi geen lɛmmɔ kemmo. Na ɔɔɔdi ami lɛti mɔɔyɔ́-mii, mmomu ami ku bani ƒui ngyi litemi geen lɛmmɔ.

Yohane 3 1:1

Ɔkpana ɔyɔne Gaio, ami baƒɔtaadine unengu muunweni ɔku ɔmɛni lite-ɔ. Mɔɔyɔ́-ɔ na litemi geen lɛmmɔ kemmo.

Budie Taatina 4:4

Na agaboku aavlanyɔ-ene áka ámana lɛgaboku lɛmɛni. Na benengu aavlanyɔ-ine lɛnɔ belie-nya lɛlɔ. Na bebi adiƒuala lɛlɔ, na sika ugyiedi kɔgabwa kubi-ma eli.