Timoteo 1 4:8 - Katɔti Ɔku Kedee

⁸ Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Timoteo 1 4:8 ပူးပေါင်းရင်းမြစ်များ

Hiob 22:2

“Bi kɔsia geen na abu bekyuli bubo bute Katɔti ku abu bani ƒui mɔɔnu lɛlɔ banundane?

Hiob 36:11

Na si bádi Katɔti litemi lɛlɔ na baabla-nwu kabla na bana uwi ɔkladi kemmo ni, keyi kaayɔ́ku-ma, na ala aatɛ-ma na beelie ƒaa.

Kɔgya 145:19

Bekyuli bani ƒui mɔɔyia-nwu ku ɔbu ni, ɔɔbla bana lɛyɔla teete-ma. Na uunú bana kɔvanu na uubo taabaƒɔ-ma si bévele-nwu.

Kɔgya 37:11

Nsu bekyuli bani néboku lɛlɔ kalɔ ama badubɔdi kalɔ kammɔ lɛlɔ ala na bana keyi kayɔ buɛɛ.

Kɔgya 37:29

Bekyuli bani nsiaku Unwoti kama siin badubulie kalɔ lɛlɔ na badi-ka ala uwi ƒui.

Kɔgya 37:9

Ɔsika likpidi bablane ƒui ni, Unwoti Katɔti ɔdubo-ma ngba udu bɔyila. Nsu bekyuli bani néti bana anu básia Unwoti lɛlɔ ni, ama ndubo kalɔ kammɔ ala bɔdi.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Agba 19:23

Si aayia Unwoti ni, ɔɔyá na eelie ngba na ɔɔgyumana-a kalɛ na ɔgbankpi ulálɛku-ɔ.

Agba 22:4

Lɛlɔ kalɔ buboku ku Unwoti bɔyia ulu geen lɛlɔ ɔɔyá na lɛlakɛ ku ɔbu ku ngba buumomo ukyuli.

Etemila 8:12

Bɔɔnu kalɛ na bekyuli bekpidi bani muulie taabla ekpidi liti liti taasia kama beelie ngba na uwi uutu ina ka nka básu banii bekyuli bani mɔɔsiaku Katɔti kama siin na baabu-nwu na ala adubo bɔtɛku.

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Yesaia 33:16

badubulie bekpone kagyumakɔ kpakplaa kemmo na lɛtakpɛ lili na bakɛ adila badi kaduɛ na bani lɛnɔ kaduɛ.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Mateo 12:32

Na ukyuli ɔni ndubɔlɔ Ukyuli Ɔyawine Ubi anyikpi adi ni, Katɔti ɔdubuti ɔkyiɛ-nwu. Nsu uleti anyikpi ani na ukyuli ɔdi ɔdubɔlɔ Katɔti Kɔyu ulakyiɛ-nwu na ngba bɔmɛni kemmo iye bɔni ndububo kemmo lɛnɔ.

Mateo 19:29

Na ukyuli biala ɔni néni nwuna kaduli iye banwani bananabi iye banwani belekubi iye uni iye bebi iye mmo ka ɔsiaku-mi ɔsu ni, ɔdubɔkɛ-nya akpa eti anyɔ utulo. Na Katɔti ɔdubute-nwu ngba bɔni nsɔ naaadubo bɔsa kudii.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Marko 10:30

ɔdubɔkɛ ala ammɔ akpa eti anyɔ ɔsia kama na kalɔ lɛlɔ mɛni. Ɔdubɔkɛ lɛtɔ ku banwani bananabi ku banwani belekubi ku beni ku bebi ku mmo. Nsu ni, bekyuli badubo-nwu bukpoku lɛnɔ. Na ɔmɛni kama ni, ɔdubɔkɛ ngba bɔni nsɔ naaadubo bɔsa kudii na kayawi kawɔdi kani ndububo kemmo.

Luka 5:38

Nsu beeti ntɛ bɔwɔdi teewi ɔku koƒo kɔwɔdi kemmo.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Korintoƒuɔ 1 3:22

Paulo iye Apolo iye Petro iye kayawi kamɛni o-o iye kukpi ku ngba o-o iye ɔƒɛni ku uwi ɔni mebo ni, ala ammɔ ƒui adi amii adi.

Korintoƒuɔ 1 8:8

Ɔɔɔdi adila adi bɔdi ndubɔya na abu ku Katɔti ntɛ bɔdia bubu. Na bulayila lɛla lɛdi si bútadi. Na lɛni kani na bulákɛ lɛla lɛdi si bɔdi adila adi.

Timoteo 1 4:7

Anwuɔsu da lɛlɔ mami kɔbɔ ala batɛmine ku atɛ keeke ani neeebo kɔsia lɛlɔ. Na ataatɛya Katɔti etemila na asiaku-nya kama kpakplaa, na elie ngba buni aani ɔƒɔtaadine kalɛ.

Timoteo 1 6:3

Si ukyuli ɔdi ɔɔtina ala bamba ani naaasiaku bula bɔƒɔtaadi ulu ɔni nkɛnku Blɔti Yesu Kristo litemi geen lɛlɔ ni, ukyuli ɔmmɔ ɔɔtalaku lɛlɔ katɔ na ɔɔɔgyi lɛla lɛdi. Unyeƒi ukpludi ku kadɔ kani na ɔɔkya. Ɔmɛni ɔɔyá na anumi ekpidi eegyie bekyuli, na baadɔ, na beedumi lɛlɔ, na beeti lɛlɔ kasusu kekpidi.

Timoteo 1 6:5

Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.

Timoteo 1 6:6

Nsu ni, si anumi eegyie ukyuli na Katɔti kama bɔsiaku kemmo na ala ani na ubo aaƒɔ́-nwu anu ni, uunwíni ɔlakɛne.

Timoteo 2 3:5

Bekyuli bamɛni udu mɔɔtina ku kenyekplu ka badi bekyuli babuni, nsu beení Katɔti ɔyikun ka ɔdi-ma lɛlɔ na bana keliela kemmo. Da lɛlɔ mamiku bekyuli bamɛni lɛlɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Yohane 1 2:25

Na ngba bɔni naaadubo bɔsa ndi kenye kani na Kristo úse úte-bu.

Budie Taatina 3:12

Ndubo ukyuli ɔni madi lɛlɔ bɔbla aani lɛkpa na mina Katɔti kakpakɔ ɔni na lɛsɔ lilágyu mmɔ kudii. Ndubo mina Katɔti lɛnyi ku nwuna ɔma kedee ɔmmɔ lɛnyi bunweni bɔsia-nwu lɛlɔ. Na ɔdi Yerusalem ɔwɔdi ɔni mayu masi katɔ na Katɔti kudɔ. Na ndubo ami ɔlati lɛnyi lɛwɔdi lɛnɔ bunweni bɔsia-nwu lɛlɔ.

Budie Taatina 3:21

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.