Timoteo 1 4:2 - Katɔti Ɔku Kedee

² Bekyuli bamɛni mɔɔtina ɔkɔ ala, na baabɛla ama alati bana likyulikpi, ɔsika bana kayi kaladu-ma kɔtɔ.

Timoteo 1 4:2 ပူးပေါင်းရင်းမြစ်များ

Baga 1 13:18

Amu na kenye udiene ɔni náabi lɛlɔ mmɔ údie kenye ɔnini, “Ami lɛnɔ kenye udiene na ndi aani ƒula kalɛ. Na Katɔti ɔtu ɔdi ɔ́su-mi ka Unwoti ɔnii, ‘Nwiniku-nwu boku ƒula kaduli na ubadi na ɔni lɛla lɛdi.’ ” Nsu ɔkɔ na unengu ɔmmɔ ɔɔnyi.

Baga 1 22:22

“Amu na Unwoti úye-nwu ɔnini, ‘Ulu ɔmani lɛlɔ?’ “Mmɔ na kɔyu kɔmmɔ kɔnini, ‘Ndubusie na liti ɔkɔ etemila lɛkya kenye bediene bammɔ ƒui kenye.’ “Amu na Unwoti ɔ́su-nwu ɔnini, ‘Adubɔkana-nwu bɔtɔlɔ sɔsɔ, anwuɔsu teesie na atábla lɛni.’

Yesaia 9:15

Ɔma benengu ku batɔnkune ndi lili. Na ɔkɔ kenye bediene ndi lɛgba lɛmmɔ.

Yeremia 23:14

Na amii kenye bediene bani nkya Yerusalem ɔdi ɔsɔ utulo bana ɔdi ƒui. Bɛɛlɛ́-mi kama taatásiaku ala bamba kama na bilásu litemi geen lɛdi. Na bɛɛtɔnku bekyuli bamba muedi na baabla likpidi na uwi ɔni na nka bibunku-ma na benwini na bana ekpidi kama na bebo-mi kudɔ. Amii ku Yerusalemƒuɔ ƒui bɛdi bekyuli bekpidi aani Sodom ku Gomora kadi bekyuli.

Yeremia 23:26

Nsu ala ani ƒui na baasu ási bana kasusu kani néƒu na bénwini ala bálɛ kemmo. Na uwi ɛlɛ na badubunye bataabla lɛla lɛmɛni udu?

Yeremia 5:21

Bi ɔsu na bilenu ala kalɔ si mɔɔtɛmiku-mii, amii badɔlɔdi?

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Batalane Kabla 20:30

Na bina akɔ muedi ni, badi badubo litemi geen lɛmmɔ bɔda bɔnyonu na bakpanku bekyuli pii basiaku bana ɔkɔ ala bɔtina kama.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Eƒesoƒuɔ 4:19

Na ka baaagyi kɔƒa ɔsu ni, ɔlɔna ɔkwɛ adala kama kani na basia. Na baabla ala ani ƒui udu muusé lɛlɔ, na ala ammɔ áƒɔ-ma lɛlɔ kemmo ƒui.

Timoteo 2 3:5

Bekyuli bamɛni udu mɔɔtina ku kenyekplu ka badi bekyuli babuni, nsu beení Katɔti ɔyikun ka ɔdi-ma lɛlɔ na bana keliela kemmo. Da lɛlɔ mamiku bekyuli bamɛni lɛlɔ.

Budie Taatina 16:14

Ayu ammɔ ndi ukisine ayu ekpidi ani muudie akɔla taatina. Na ayu atɛ amɛni muusié kayawi baga ƒui kudɔ kalɛ na basala lɛlɔ na bekpo Katɔti bekyuli na Katɔti ɔni ndi Ɔyikune Ƒui limeyi linengudi lɛmmɔ lɛlɔ.