Timoteo 1 3:6 - Katɔti Ɔku Kedee

⁶ Útalɛka ɔbla ɔƒɔtaadine ɔwɔdi kalɛ na ulatalaku lɛlɔ katɔ, na ɔkɛnku lɛlɔ bɔtina bɔmmɔ ɔsu na webuli, na Katɔti wani-nwu kɔtu aani kalɛ na ɔ́ni ukisine ɔmmɔ kɔtu.

Timoteo 1 3:6 ပူးပေါင်းရင်းမြစ်များ

Baga 2 14:10

Sɔsɔ na ɔdi ka ékpo ádi Edomƒuɔ lɛlɔ, na ɔmmɔ ɔsu na aakun lɛmɛnɛ. Ya ƒula lɛlɔ bɔdi buteekeye na ƒula lɛgba akɔ kani, na asɔ elie ƒula ɔma kpoo! Bi ɔsu na atáwia lɛsɛ eboku Yuda kalɔ kemodi bekyuli na awɔ ɔlati ɔmmɔ lɛnɔ ebo kalɔ?”

Ala Alɛdi 2 26:16

Amu na ɔyikun ɔni na úbakɛ mɛni ku kalɛ na nwuna lɛnyi lísie ɔgyu ɔsu ni, Usia úse kalɔ ɔɔkɔliku lɛlɔ katɔ na ɔmmɔ náya-nwu na úbo kalɔ. Limeyi linwi ni, Usia útenu Unwoti nwuna Katɔti litemi na ɔ́ta útéduo kakpakɔ na úsie útéti oloƒui ɔdi ɔɔkyula aani akpala ute-nwu.

Ala Alɛdi 2 32:25

Nsu Hesekia úbo ɔɔtalaku lɛlɔ katɔ geen ɔni na ɔ́yiƒala Unwoti enu muedi bɔgya. Na ɔmɛni ɔdi lɛla lɛni néƒi Unwoti livo, anwuɔsu ɔ́ni Hesekia ku Yuda ku Yerusalemƒuɔ ƒui kɔtu.

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Yesaia 2:12

Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.

Daniel 11:12

Na ɔga ɔmɛni ɔdubo lɛmɛnɛ butaakun geen na bekyuli lisu bonwu lɛni na ɔ́du ɔsu. Nsu bekyuli bukpo taadi lɛlɔ bɔmɛni bɔɔɔdubo uwi ɔdi bɔƒɔ.

Luka 10:18

Amu na Yesu ɔ́su-ma ɔnini, “Lɛ́nu Satan ka ɔ́si katɔ úbanu aani ogya bɔtu kalɛ.

Korintoƒuɔ 1 3:1

Banwa, na litemi geen bɔsu kenye ni, naaakana na matɛmiku-mii aani kalɛ na mɔɔtɛmiku bekyuli bani na Katɔti Kɔyu kɔ́ƒɔ-ma lɛlɔ kemmo. Mmomu ndubɔtɛmiku-mii aani bekyuli bani na bana anu amu asia kayawi ala lɛlɔ. Na bɛmu bɛdi banamu wɛlɛ wɛlɛ na Kristo bɔƒɔtaadi bɔmmɔ kemmo.

Korintoƒuɔ 1 8:1

Na ɔƒɛni ni, mɔɔyɔ́ ka lɛsu-mii lɛla lɛdi na adila ani na béti bákpa na baƒiɔ abi lɛlɔ. Bɔɔsu bɔnii bula ƒui bubo lɛlati. Nsu bɔgyi lɛnɔ ka lɛlati lɛmɛni lɛɛyá na ukyuli uuƒu na ɔɔtina lɛlɔ. Nsu lɛla lɛni mɔɔkya-bu ogya ni, ani ndi si aayɔ́ bekyuli.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.

Lɛkpa Ulu 17:20

Na ɔmɛni ndubɔya na ulátaakɔliku lɛlɔ katɔ teetulo nwuna banwa Israelƒuɔ bakladi. Na ɔdububunku-nwu lɛnɔ na ulénwini kama ulakya Katɔti ɔda bubo. Na si ɔ́bla lɛni ni, ɔdubɔya na anwu ku nwuna kaba bekyuli belie liboku lɛmmɔ lɛlɔ badi lɛga na Israel kalɔ lɛlɔ bétu uwi.

Lɛkpa Ulu 8:14

bɛnu kaduɛ na bilatalaku lɛlɔ katɔ na bɛyiƒala bina Unwoti Katɔti ɔni nébedie-mii na Egyipteƒuɔ kalɔ lɛlɔ kesii kani na bénye-mii lɛlɔ na bɛɛbla bana kabla.

Timoteo 1 3:7

Ɔlɛka ɔbla ukyuli ɔni na ubo lɛnyi buni na bekyuli bani naaadi baƒɔtaadine lɛnɔ anumi, kalɛ na balasu lɛla likpidi lɛdi na nwuna lɛlɔ na weduo ukisine ɔmmɔ kakpagyuɛ kemmo.

Timoteo 2 3:4

Badi bekyuli bani mɔɔkya bana bakpana kakya. Na badi bekyuli bani nábi basiaku bana lɛnunsia kama, ku bekyuli bani mɔɔkali banii ama kani ntulo ku bekyuli bani mɔɔyɔ́ kayawi ebiti teetulo Katɔti.

Petro 1 2:2

Bɛya na anumi egyie-mii na Kɔyu kemmo etemila geen amɛni lɛlɔ aani kalɛ na ɔkaƒɔ ɔɔwia lɛnyi ntu. Ɔmmɔ ndubɔya na bɛlɛ lili bɛwɔlɔ kalɛ na Katɔti ɔɔwia.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.