Timoteo 1 3:3 - Katɔti Ɔku Kedee

³ Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Timoteo 1 3:3 ပူးပေါင်းရင်းမြစ်များ

Agba 1:19

Bekyuli bani ƒui na anumi eegyie-ma na lɛkɛ likpidi lɛlɔ ni, lɛni na bana kawɔlɔkɔ kaabla.

Agba 15:27

Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.

Etemila 7:8

Litemi kawɔlɔkɔ kadia ketulo litemi kalɔ kesekɔ. Na kayi buɛɛ kadia ketulo lɛlɔ bɔtina.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yesaia 28:7

Na Katɔti bakpane ku Katɔti kenye bediene ƒui benye baabla ntɛ ekpila na ntɛ kpakplaa bɔni ɔsu. Na baagbánta si baanu kɔyu kemmo ala iye baadi kasusu kpakplaa kadi na lɛla lɛdi lɛlɔ. Na ntɛ bɔ́ya na béƒu bakɛ.

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Yeremia 8:10

Ndubo bana beleku ku mmo ƒui buti bute baƒɔ. Balakɛne ku bawabane, na kenye bediene ku bakpane ƒui basɔ baaadi bekyuli bani lɛlɔ na beti anumi basia. Bana ƒui bénwini badivone ku ɔkɔ banyine.

Esekiel 44:21

Útalɛ ka bani ntɛ asa na besie kakpakɔ kaduli geen kemmo mmɔ.

Lewiƒuɔ Ɔda Bubo 10:9

“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli.

Mika 2:11

Kenye Udiene ɔni kani na bɛɛwia ndi ɔkɔ ɔnyine ɔni masu-mii ɔnii bɛdi na bɛni ntɛ bikpi!

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Mika 3:5

“Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Mateo 21:13

Na ɔ́su-ma ɔnini, “Bénweni na Bunweni Kedee Ɔku kemmo ka Katɔti ɔ́su ɔnini, ‘Badubɔlɔ mina kaduli banii kesii kani na badubɔkpali katɔ.’ Nsu amii bíti-ka bínwini beyune kabɛkɔ!”

Batalane Kabla 20:33

Anumi étegyie-mi na ɔkpanadi sika ugyiedi iye ɔƒualadi iye lɛwu lɛlɔ.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Tesalonikaƒuɔ 1 5:14

Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Timoteo 1 3:8

Na baƒɔtaadine kasala bebunkune ni, ama lɛnɔ ɔlɛka babla bekyuli bani nda udu buni, na bada kabla kammɔ lɛnɔ kpakplaa. Na badi bekyuli bani naaani ntɛ teekpi, na anumi elégyie-ma na egulabi lɛlɔ.

Timoteo 2 3:2

Bekyuli badubɔyɔ bana lɛlɔ lɛti bɔdia na bayɔ egulabi. Badubo lɛmɛnɛ butaakun na bataatalaku lɛlɔ katɔ. Ama ndi bekyuli bani muudumi bekyuli, ku bani naaabu bana bawɔne. Na belese kɔdɛ, ku bekyuli bani naaasiaku bɔƒɔtaadi bɔmmɔ kama.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Tito 2:3

Lɛni kani na beleku benengu bammɔ lɛnɔ ni, tina-ma anii belie ngba bɔni námanku beleku bani nse kedee ka belie. Na batataalɔ bekyuli anyikpi. Na ntɛ bɔni lɛnɔ butadi-ma lɛlɔ. Mmomu batina bekyuli udu buni.

Tito 3:2

Na asu-ma anii batalɔ ukyuli ɔdi lɛnyikpi. Mmomu badi kɔnwa na belie ku keyi buɛɛ. Na bataabu bekyuli na ulu biala lɛlɔ.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yakobo 4:1

Bi muuti kekpo ku kadɔ teeboku bina akɔ? Bina kayawi ebiti ani kama na bɛsiaku na eekpóku-mii na bina lɛlɔ kemmo ni, ana kudɔ na ɔɔsí.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.

Samuel 1 8:3

Nsu bebi bamɛni balabla ala siin na Unwoti ulu lɛlɔ. Mmomu bénwini kama bákya-nwu na baabla bekyuli ulikplu ala na baaƒɔ́-ma ala taadi na bɔbɛ kemmo. Na balábla lɛla lɛdi ulu lɛlɔ.