Timoteo 1 3:16 - Katɔti Ɔku Kedee

¹⁶ Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Timoteo 1 3:16 ပူးပေါင်းရင်းမြစ်များ

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Mateo 28:2

Kɔnakunwi ni, kalɔ kákunku momoomo geen. Na Katɔti ɔtu ɔdi ɔ́yu ɔ́si katɔ úbo na úbeminime lɛtakpɛ lɛmmɔ, na úlie-ni lɛlɔ.

Mateo 3:16

Amu ka Yohane ɔ́kpila Yesu ntu na ɔ́nya ɔ́lɛ ntu bɔmmɔ kemmo kani na katɔ kálɛmi na Katɔti Kɔyu kɔ́si kɔɔyu aani abloduma kalɛ, na kúbelie-nwu lɛlɔ.

Mateo 4:11

Amu na ukisine ɔmmɔ ɔ́tɔlɔ Yesu kudɔ, na Katɔti batu bébo bébebunku-nwu.

Marko 1:13

Anwu lɛti úlie mmɔ emeyi aavlene. Uwi ɔmmɔ kemmo na Satan úkpoku Yesu ɔ́nu si wasiaku-nwu. Ɔmɛni kama ni, Katɔti batu bébo bébebunku-nwu na bákya-nwu ɔkplu.

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Marko 16:5

Anwuɔsu ka béduo kaƒiɔtɔ kammɔ kemmo ni, bánu okloƒu ɔdi ka ulie kɔdianu kakɛ. Na ɔda ala aƒualadi sɔɔn! Ɔtɔtɔ ɔ́gyu-ma.

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Luka 20:44

Na si Dawid ɔ́lɔ-nwu ɔnii Ɔti ni, dɛ na ɔ́bla na Ukyuli Ɔƒunadi ɔmmɔ ɔɔbla Dawid kaba kemmo ubi?”

Luka 22:43

Mmɔ na Katɔti ɔtu ɔdi ɔ́si katɔ ɔ́da ɔ́lɛ-nwu anumi na ɔ́kya-nwu ɔyikun.

Luka 24:4

Ɔmɛni ɔ́bla-ma dɛye dɛye. Na kɔnakunwi ni, nkyuli inyɔ badi báda bálɛ-ma lɛlɔ. Na bakya lɛwu lɛni muukeye na lɛɛtu anumi.

Luka 24:51

Na uwi ɔni kani na uute-ma kusɛ kusɛ mɛni ni, ɔ́tɔlɔ-ma kudɔ na Katɔti úti-nwu úsienku katɔ.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Yohane 15:26

“Katɔti Kɔyu kɔni ndi Ubunkune ɔ́si Katɔti kudɔ ɔdubo. Na anwu muudie litemi geen lɛni ndanku Katɔti lɛlɔ taatina. Ami ndubɔtala-nwu lɛsiku Katɔti kudɔ lɛkya-mii. Na ɔdubɔsu-mii ala ɔsiku-mi lɛlɔ.

Yohane 16:28

Sɔsɔ na ɔdi ka Ati kudɔ na lɛ́si líbo kayawi. Na ɔƒɛni mɔɔtɔlɔ kayawi kamɛni kemmo nteesie Ati kudɔ.”

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 20:12

Mmɔ ni, ɔ́nu Katɔti batu inyɔ badi ka bakya lɛwu lɛƒualadi belie mmɔ. Unwi ulie kesii kani na Yesu ɔ́tɛ lili kakɛ, na ɔkladi lɛnɔ ulie úsie lɛgba kakɛ.

Yohane 6:62

Amu dɛ na wabla-mii si banii bɛ́nu ka ami Ukyuli Ɔyawine Ubi lɛ́kɔ lísela katɔ kesii kani na nka nli?

Batalane Kabla 1:19

Nwuna kukpi kɔmɛni litemi líbegyingya na Yerusalem, na ukyuli biala únu nwuna kukpi kɔmɛni lɛlɔ litemi. Anwuɔsu ni, kesii kani na úkpi mmɔ na baalɔ Hakeldamak ɔni kalɔ ndi Ubugya Lɛku.”

Batalane Kabla 10:34

Amu na Petro ɔ́su-nwu ɔnini, “Lɛ́nu lɛ́ti nwaa ka Blɔti ulánu bekyuli anumi.

Batalane Kabla 14:27

Ka bánya bétéduo Antiokia ni, bálɔ baƒɔtaadine bani nkya mmɔ ƒui básala lisu na bédie bana ulu busie kemmo bátina-ma. Na básu-ma ala ani ƒui na Blɔti ɔ́kɛ-ma lɛlɔ ɔ́bla ku kalɛ na ɔ́lɛmi bɔƒɔtaadi ulu úte bani naaadi Yudaƒuɔ.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Romaƒuɔ 10:12

Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni.

Romaƒuɔ 10:18

Nsu lɛla lɛni muuye ɔƒɛni ndi ka ni, bunu na Yudaƒuɔ bétenu Katɔti litemi lɛmmɔ? Oowo! Bénu-ni aani kalɛ na Bunweni Kedee Ɔku ɔ́su ɔnini, “Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui.”

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Romaƒuɔ 3:4

Kudii! Ina ukyuli biala ɔdi ɔkɔ ɔnyine muedi ni, bɛya bɔti ka Katɔti ɔɔdi nwuna litemi lɛlɔ. Lɛni na bénweni na Bunweni Kedee Ɔku kemmo banini, “Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ.”

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Romaƒuɔ 9:5

Ama mbo Israel ɔtɔ eƒi benengu bani na Katɔti ɔ́ƒuna. Na bana akɔ na Kristo ɔni nébo aani ukyuli ɔyawine ɔ́lɛ ɔ́si. Bɛya na bumwi Katɔti ɔni mɔɔdi ala ƒui lɛlɔ ɔ́si ɔƒɛni úsela ƒui. Ɔsia lɛni.

Korintoƒuɔ 1 15:47

Adam udeedi ɔni na Katɔti úti lɛti ɔ́vɔ ni, kalɔ lɛlɔ na ɔ́si. Na Adam unyɔdi ni, katɔ na ɔ́si.

Korintoƒuɔ 1 2:7

Lɛnunda lɛni kenye na muudie mɛni ni, lɛdi Katɔti lɛnunda lɛni nábɛ bekyuli. Nsu Katɔti ɔ́ƒuna-ni úse kukuuku ka lɛƒɔ-bu asa na údie kayawi.

Korintoƒuɔ 2 1:19

Katɔti Ubidi Yesu Kristo ɔni lɛlɔ litemi lɛsa na ami ku Silivano ku Timoteo bɔɔkɔ́ teete-mii ni, ɔɔɔdi ɛɛn ku oowo ukyuli. Mmomu ɔdi ukyuli ɔni litemi ndi ɛɛn uwi biala.

Galatiƒuɔ 2:8

Na ɔkɛnku Katɔti ɔyikun lɛlɔ na ndi ɔtalane nte bani naaadi Yudaƒuɔ, aani kalɛ Petro lɛnɔ ɔdi ɔtalane ute Yudaƒuɔ.

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Eƒesoƒuɔ 1:9

kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Eƒesoƒuɔ 6:19

Bivele na ami lɛnɔ lili na Katɔti ɔya na kenye kada-mi kalɛ na makana menye kpakplaa na medie litemi lɛmmɔ abɛla matina bekyuli na ɔyikun kemmo.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Tesalonikaƒuɔ 2 2:7

Na likyulikpi ala ani baabla taabɛ éese kalɔ aalɛ́. Na ala ani ndubɔlɛ ni, aaadubo bɔlɛ tɔ wetédu ka Katɔti ɔ́da ukyuli ɔni muutile ukyuli ukpidi ɔmmɔ ulu údie.

Timoteo 1 3:9

Na ɔlɛka bada bɔƒɔtaadi litemi buni lɛni na bédie keyi mɛni kpakplaa ku kayi kani naaadu-ma kɔtɔ.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 7:7

Na ɔkɔ ɔdi uuubo-nwu kemmo ka ni, ukyuli ɔni muute kusɛ kusɛ utulo ukyuli ɔni na béte kusɛ kusɛ mmɔ.

Hebriƒuɔ 8:1

Lɛla lɛni geen na bɔɔyɔ́ budie bɔtina na litemi lɛmɛni kemmo ndi ka ni, bubo ɔkpane unengudi ɔmɛni ɔni nlie kesii kani náƒɔ kuye na Katɔti lɛgaboku kudɔ na katɔ.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Petro 1 1:20

Katɔti ɔ́ƒuna Kristo úse asa na údie kayawi. Na amii ɔsu na Katɔti údie-nwu keyi na uwi ukplodi ɔmɛni kemmo.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Yohane 1 1:2

Ngba litemi lɛmɛni ndi anwu ɔni náda ɔ́lɛ-bu anumi, na buudie-nwu kenye. Na anwu ɔni ndi ngba bɔni naaadubo bɔsa kudii mɛni lɛsa na bɔɔkɔ́ teete-mii. Na anwu ku Katɔti nkya asa na Katɔti údie-nwu keyi ɔ́tina-bu.

Yohane 1 3:5

Na bɛgyi ka Kristo úbo kalɛ na ubada-bu udie ekpidi kemmo. Na anwu ni, likpidi lɛdi lɛɛɛma-nwu lɛlɔ.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Budie Taatina 17:5

Na nwuna lɛtɛntɛ ni, bénweni lɛsugba lɛnyi lɛdi básia. Babilon, Ɔma Unengudi. Bayalɛ Ƒui Uni Ku Ekisila Ƒui Uni.

Budie Taatina 17:7

Amu na ɔtu ɔmmɔ úye-mi ɔnini, “Bi ɔsu na ɔ́bla-a kalɛ kadi? Ndubudie lɛsugba lɛmɛni kalɔ lite-ɔ. Lɛkɛnku uleku ɔmmɔ ku eƒiebuo ɔni lɛlɔ na uleku ɔmmɔ ulie mmɔ lɛlɔ. Na eƒiebuo ɔmmɔ mbo eli maatɛ, na ese leevu alɛ eli ammɔ lɛlɔ.

Budie Taatina 7:9

Na ɔmɛni kama ni, lɛ́nu ka bekyuli pii badi benye mmɔ bani na ukyuli ɔdi ulakana bɔka! Bekyuli bamɛni bási kalɔ biala kemmo ku kadi biala akɔ ku bekyuli lidu lidu ƒui akɔ ku adi lidu biala kemmo ka bénye lɛgaboku lɛmmɔ ku Koƒonu Ubi ɔmmɔ anumi, na bákya lɛwu lɛƒualadi na bada like.