Timoteo 1 3:13 - Katɔti Ɔku Kedee

¹³ Na bebunkune bani mɔɔda bana kabla kaduɛ ni, ama alati bebo kenyekɔ kabuni na Katɔti anumi. Na baakana na beesé kayi taasu bana bɔƒɔtaadi etemila ɔ́si Yesu Kristo bɔƒɔtaadi lɛlɔ.

Timoteo 1 3:13 ပူးပေါင်းရင်းမြစ်များ

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Luka 19:17

“Mmɔ na Unwoti ɔmmɔ úte-nwu mbo ɔnii, ‘Ábla-nwu kaduɛ! Kabla ɔblane ɔbuni na adi! Ka áda kabla blii suɛ kamɛni ulu lɛlɔ ɔsu ni, ndubuti-ɔ linyene lɛma linengudi leevu kenye.’

Batalane Kabla 21:35

Amu ka bédu kayakun kakɔkɔ ni, úbo úte ka bekpone bamɛni bagyu Paulo basiku mmɔ na lɛnungyie lɛni na otogyi ɔmmɔ úti ɔsiaku Paulo ɔsu. Na bakpɛ-ma kama ku lɛsɛ momoomo na baasu banini, “Bɛyila-nwu udu!”

Batalane Kabla 6:15

Na uwi ɔmmɔ ni, bekyuli bani nnye mmɔ bánu ka Steƒano anumi eekeye aani Katɔti ɔtu ɔdi kalɛ.

Batalane Kabla 6:5

Litemi lɛmɛni lɛ́dia bana ƒui bunu, anwuɔsu bédie Steƒano ɔni ndi ukyuli ɔni mbo bɔƒɔtaadi na Katɔti Kɔyu kɔ́ƒɔ-nwu lɛlɔ kemmo ƒui. Na bédie Ƒilipo ku Prokoro ku Nikanor ku Timon ku Parmena ku ɔƒɔ ɔni nénwini Yudani ɔni baalɔ Nikolao ɔni nási Antiokia lɛnɔ bébunku-nwu.

Batalane Kabla 6:8

Amu na Steƒano ɔni na Katɔti Kɔyu ɔyikun ɔ́ƒɔ-nwu lɛlɔ kemmo ƒui mɛni ni, ɔ́bla akɔla budie taatina pii na bekyuli akɔ.

Korintoƒuɔ 1 16:15

Bɛgyi Steƒana ku nwuna kaduli bekyuli. Ama ndi bekyuli bedeedi bani nénwini kayi na Akaia kalɛkɛ lɛlɔ mmɔ. Na béti lɛlɔ béte ka beteebunku Katɔti bekyuli. Banwa, muuvele-mii nnii,

Ƒilipiƒuɔ 1:14

Na mina ɔtɔ bɔtɛ bɔmɛni bɔ́ya na mina banwa pii na Blɔti kemmo básɔ bákɛ kayi buse bébu na bákana na básu Katɔti litemi lɛmmɔ, na bɔyia bɔdi bɔsɔ buuubo-ma kemmo.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Timoteo 1 3:14

Na nsia lɛnu ka ndububo uwi klukui kemmo mbanu-ɔ. Nsu muunweni ala amɛni lite-ɔ kalɛ na si mɔɔkpɛ kama ni, na ebunku-ɔ na ati kalɛ na ada ƒula lɛlɔ aani ɔtɔnkune na Katɔti ɔtɔ bebi akɔ. Na ngba ƒui Katɔti ɔtɔ bebi bani ndi baƒɔtaadine kasala ni, baagyumana nwuna litemi geen.

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.