Timoteo 1 3:1 - Katɔti Ɔku Kedee

¹ Lɛsugba lɛmɛni lɛdi litemi geen ka ni, si ukyuli ɔdi ɔɔwia ka unwini baƒɔtaadine ɔtɔnkune ni, ɔɔwia kabla kabuni.

Timoteo 1 3:1 ပူးပေါင်းရင်းမြစ်များ

Agba 11:30

Bekyuli babuni bese aani egyii ani mɔɔnwu ebi buni ani baadi teelie ngba. Na bani muudie bekyuli na ɔgbankpi kemmo ni, báda anu.

Luka 15:10

Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Batalane Kabla 1:20

Amu na Petro ɔ́su lɛnɔ ɔnini, “Bénweni na Dawid kɔgya ɔku kemmo banini, “ ‘Bɛsia nwuna liku kɔnu bise, na ɔdi biala utelie mmɔ.’ Básɔ bénweni banii, “ ‘Bɛya na ukyuli bamba unye nwuna kalabla kenye.’

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Romaƒuɔ 11:13

Na amii bani naaadi Yudaƒuɔ ni, mɔɔsu-mii nnii uwi ɔni kemmo na ami ndi ɔtalane nte-mii mɛni ni, muubo mina kabla kudu.

Eƒesoƒuɔ 4:12

Ɔ́bla ɔmɛni úti ɔ́klibi Katɔti bekyuli úse kalɛ na beti bebunku baƒɔtaadine na banyuɛ-ma aani Kristo ɔlɔna unwi pɛ ɔmmɔ na ɔlɛ lili.

Ƒilipiƒuɔ 1:1

Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Tesalonikaƒuɔ 1 5:14

Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Timoteo 1 4:9

Ɔmɛni ɔdi litemi geen lɛni na ɔlɛka ukyuli biala ɔƒɔ ɔdi.

Timoteo 2 2:11

Kenye kamɛni kadi litemi geen ka ni, “Si bɔ́bla unwi ku Blɔti na nwuna kukpi kemmo ni, bɔdubɔsɔ bɔta buliku-nwu ngba.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.

Petro 1 4:15

Bitaya na bina kemmo ɔdi ubo abi aani bekyuli ɔdune iye uyune, iye likpidi ɔblane, iye ukyuli ɔni neeete bekyuli bɔnwuna kalɛ.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.