Timoteo 1 2:7 - Katɔti Ɔku Kedee

⁷ Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Timoteo 1 2:7 ပူးပေါင်းရင်းမြစ်များ

Kɔgya 111:7

Na lɛla biala na ɔ́bla ni, bɔƒiɔ bɔdi buuubo-nwu kemmo. Na nwuna ɔda bubo bɔdi kama kekpokɔ.

Etemila 1:12

Ami ndi ala ɔtinane ɔni nélie Yerusalem, na lɛ́di lɛga na Israel ƒui lɛlɔ.

Etemila 7:27

Ala ɔtinane ɔnini, “Lɛ́sia mina lɛnunda lɛni ƒui na mbo lɛlɔ nnii mɔɔnu kalɛ na ala amɛni ámanku lɛlɔ.

Yohane 7:35

Amu na Yudaƒuɔ bammɔ béye lɛlɔ banini, “Wɛ na ukyuli ɔmɛni úsela tɔ ɔsu na bulanu-nwu? Munuu ɔɔkali ka usie Helaƒuɔ lɛma kesii kani na bula kadi bekyuli badi bégyingya bakya na utátina-ma ala na mmɔ?

Batalane Kabla 14:27

Ka bánya bétéduo Antiokia ni, bálɔ baƒɔtaadine bani nkya mmɔ ƒui básala lisu na bédie bana ulu busie kemmo bátina-ma. Na básu-ma ala ani ƒui na Blɔti ɔ́kɛ-ma lɛlɔ ɔ́bla ku kalɛ na ɔ́lɛmi bɔƒɔtaadi ulu úte bani naaadi Yudaƒuɔ.

Batalane Kabla 22:21

“Nsu Blɔti ɔ́su-mi ɔnini, ‘Ta, na eteesie ɔgyu kakaaka na kesii kani mɔɔtala-a na bekyuli bani naaadi Yudaƒuɔ akɔ!’ ”

Batalane Kabla 26:20

Lɛ́ka litemi buni bɔsu bute Damaskoƒuɔ ku Yerusalemƒuɔ ku Yudaƒuɔ ƒui ku bani naaadi Yudaƒuɔ lɛnɔ nnii benwini kama bakya bana ekpidi na beti anumi besienku Katɔti kudɔ, na bataabla ala ani mɔɔtina ka bávumana sɔsɔ.

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Romaƒuɔ 1:9

Katɔti ɔni kabla na mɔɔbla ku mina kayi ƒui na litemi buni lɛni lɛsa mɔɔkɔ́ ɔkɛnku ubidi lɛlɔ ni, ani ndubudie-mi kenye ɔ́si kalɛ na naaayiƒala-mii uwi biala kemmo si mɔɔkpali katɔ.

Romaƒuɔ 10:14

Nsu ukyuli biala ɔni na útaƒɔ útadi ni, dɛ na ɔdubɔkana na ɔkpali-nwu uvele lɛla lɛdi? Na ukyuli ɔni lɛlɔ lɛsa na bátakɔ bétete-ma kudii ni, dɛ na badubɔkana na baƒɔ-nwu badi? Na si ɔdi útatákɔ lɛsa lɛmmɔ útete-ma dii ni, dɛ na badubunu-ni?

Romaƒuɔ 11:13

Na amii bani naaadi Yudaƒuɔ ni, mɔɔsu-mii nnii uwi ɔni kemmo na ami ndi ɔtalane nte-mii mɛni ni, muubo mina kabla kudu.

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Romaƒuɔ 9:1

Lɛla lɛni na ndubo-mii bɔsu mɛni ni, ɔɔɔdi ɔkɔ na mɔɔnyi, ɔsika ndi Kristo ɔdi. Mina kayi kani lɛlɔ na Katɔti Kɔyu kɔɔdi mɔɔtina-mi geen ka naaanyi ɔkɔ.

Korintoƒuɔ 1 9:1

Bɛɛbu bɛnii liiibo kuƒi na lɛbla lɛla lɛni mɔɔyɔ́? Munuu lɛɛɛdi ɔtalane na ńtanu Blɔti Yesu? Na ɔɔɔdi amii ndi mina ebi ani na lɛ́nwu na mina kabla kani na lɛ́bla líte Blɔti kemmo?

Korintoƒuɔ 2 11:31

Katɔti ɔni ndi Blɔti Yesu Kristo Ɔti, na anwu na buumwi uwi ƒui ni, anwu ngyi geen ka ala ani mɔɔsu mɛni ni, sɔsɔ na adi.

Galatiƒuɔ 1:20

Na sɔsɔ ni, litemi geen na muunweni-mii mɛni, na Katɔti ɔlati ɔgyi ka naaanyi ɔkɔ.

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Galatiƒuɔ 2:9

Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Galatiƒuɔ 3:9

Anwuɔsu bani mbo bɔƒɔtaadi ni, Katɔti úte ama ku Abraham ɔni mbo bɔƒɔtaadi ƒui kusɛ kusɛ.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Petro 2 2:5

Lɛni kani na ɔ́bla bekyuli bani nákya kukuuku lɛnɔ. Nsu Noa ɔni násu bekyuli kalɛ na Katɔti ɔɔwia ka bekyuli belie ngba ku nwuna badi maatɛ kani na údie. Na ntu bɔ́ƒɔ kayawi ƒui na bɔ́nyina bekyuli bakladi na békpi.