Timoteo 1 2:10 - Katɔti Ɔku Kedee

¹⁰ Mmomu ni, bana ɔbladu ɔbuni udie-ma ɔtina aani beleku bani mɔɔsu banii basiaku Blɔti.

Timoteo 1 2:10 ပူးပေါင်းရင်းမြစ်များ

Agba 31:25

Si ánu uleku ɔmmɔ ni, aanu ka ubo ɔbu ku ɔyikun. Ɔƒɛni si ɔɔmá ni, aatí ka liƒu lɛdi liiibo-nwu lɛlɔ kemmo na uwi ɔni mebo lɛlɔ.

Agba 31:31

Ƒɔ uleku ɔmmɔ udu kayu na ala ani na ɔ́bla kenye. Na nwuna kabla alati kebo-nwu kudu na ɔma bekyuli ƒui akɔ.

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Batalane Kabla 9:39

Amu na anwu lɛnɔ ɔ́ta ɔ́siaku-ma, na ka ɔ́nya úbeduo ni, bétiku-nwu bésienku kesii kani na Dorka ɔtɛ. Na bekpinele bani nkya mmɔ ƒui bábaka bámana-nwu na beewulo. Na bada lɛwu lɛni na Dorka ɔ́ka úte-ma baatina Petro.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Timoteo 1 2:11

Na uleku biala uboku lɛlɔ kalɔ na ɔtɛya ala, na utakya lɛsɛ.

Timoteo 1 2:9

Mɔɔwia lɛnɔ ka beleku banu kaduɛ na bana adala lɛlɔ, na batina ka beeboku lɛlɔ kalɔ. Ɔɔɔdi ka beteenyimi lili ku kunweni lidu lidu ku sika ugyiedi adala lidu lidu ani náƒɔ kuye na aatina ka baakɔliku lɛlɔ katɔ.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 2 3:11

Na si ala amɛni ƒui adubɔkywi lɛni ni, dɛ na ɔlɛka bɛda bina lɛlɔ? Ɔdi ka bɛda ngba bɔni nse kedee na biti lɛlɔ bite Katɔti.

Budie Taatina 2:19

“Ngyi lɛla lɛni na bɛɛbla. Na ngyi kalɛ na bɛɛyɔ́-mi na bɛɛƒɔ́-mi taadi ku kalɛ na bɛɛbla-mi kabla na binye lɛbibo kenye kpakplaa. Na ngyi ka kabla kabuni kani bɛɛbla ɔƒɛni ketulo kalɛ na bítaabla kudeedi.